https://www.youtube.com/embed/9bDErYEk4Ro?si=Z7Dg8d1oH3eQnb9o" 

Батыс Қазақстан облысы Бәйтерек ауданына қарасты Январцев ауылындағы су деңгейи халықты үрейлендіруде. Төтеншеліктер мен әскери қызметметкерлер тасқын суға төтеп беру үшін бөгеттерді нығайту жұмыстарын белсенді жүргізу үстінде.

2 мыңнан астам тұрғыны бар Январцев ауылдық округинде жергілікти халықпен бірге өзге өңірлерден келген сарбаздар да ауылға көмек қолын созуда. Қарағанды ​​қаласы 52859 әскери бөлимінің мерзімді әскери қызметкерлері бөгетти бииктету және нығайту жұмыстарына белсене атсалысуда. 

ЕСЕНЕЙ ЕРСАЙЫН ҚР ТЖМ ҚАРАҒАНДЫ ҚАЛАСЫ 52859 ӘСКЕРИ БӨЛІМІНІҢ №1 ҚҰТҚАРУ БАТАЛЬОНЫНЫҢ КОМАНДИРИІ

Бөгеттің жалпы ұзындығы 5 500 м, бииктігі 4 метрге жуйқ. Қазіргі уақытта бөгет нығайтуға 47 техника, 220 қызметкер жұмылдырылған.

АБЫЛАЙ ЖҰМАҒАЛИЕВ ЯНВАРЦЕВ АУЫЛДЫҚ ОКРУГІНІҢ ӘКІМІ

 Жергілікти тұрғындар болса қауіп артып бара жатқанына алаңдаулы.

https://www.youtube.com/embed/2jbqPPn2UH4?si=T9U2c-9HnggDtkP8"

Жұмыла көтерген жүк жеңіл. Қиналғанға қол ұшын созатын ата баба жолымен тасқын судан зардап шеккен Ақтөбе облысындағы Ойыл ауданына Албан Әлмерек абыз ұрпақтарынан гуманитарлық көмек жолға шықты. 

Әлмерек абыз ұрпақтары Жем ауданы әкімшілігімен,тұрғындарымен байланысқа шығып ең қажетті деген заттардың тізімін алған. 10 млн аса қаражат жиналып берілген тізім түгенделген. «Ойылға жәрдем» тобының жетекшісі  қол ұшын созып жатқан ағайынға алғысын жеткізді.

ЖӘРДЕМ АҚБИСЕНОВ  «ОЙЫЛҒА ЖӘРДЕМ» ЫНТАЛЫ ТОБЫНЫҢ ЖЕТЕКШІСІ 

Қарғыс алма, алғыс ал деген атам қазақ. Қиын қыстау күн туғанда бауырмалдылық таныту басты борышымыз дейді осындай игілікті іске мұрындық болып жүрген  ел ағалары.

ЫСҚАҚ НҰРМҰХАНБЕТОВ ӘЛМЕРЕК МӘДЕНИ ТАРИХИ ҚОҒАМДЫҚ ҚОРЫНЫҢ АТҚАРУШЫ ДИРЕКТОРЫ

Ағайынның көмегін артқан көлік ақ батамен жолға шықты. 

https://www.youtube.com/embed/fIYpnrX69HY?si=zrXjlM7AuVifzDJa" 

Жайықтың деңгейі 8 метрге жақындады. Соның салдарынан, Орал қаласы мен облыстың 4 ауданына қауіп төніп тұр. Шұғыл көмек ретінде ҚР Ұлттық ұлан 5547 әскери бөлімінен 200 әскери қызметші мен 7 техника жіберілді.

Көмекке келген әскерилер қызыл аймақтарда қызмет етіп қана қоймай, бөгет үшін дайындалған қалау, қаптағы құмдарды жинап, өңірлерден жіберілген гуманитарлық көмектерді таратуға көмектеседі.

Сондай ақ, Орал қаласындағы № 27 түзету мекемесінде жазасын өтеушілер Қазақстанның Ақтөбе, Тараз, Шымкент және Қызылорда өңірлеріне жөнелтіліп, толық медициналық тексерілуден өткізілді. 

https://www.youtube.com/embed/T6-wJw60C_4?si=V_zenLfri7S5UE_C" 

Маңғыстауға төтенше жағдайға байланысты 27 мыңнан астам адам эвакуацияланған болатын. Қазір 9 мыңға жуық адам өз үйлерінде болса, 1600 адам әлі де эвакуациялық пункттерде. Атырау облысынан келген эвакуацияланған халық арасында коммуникациялық және ақпараттық жұмыстар негізінде Маңғыстауда қоғамдық штаб құрылды. Штаб мүшелері зардап шеккендермен кездесіп, оларға психологиялық және ақпараттық қолдау көрсетуде.

НҰРЛАН НОҒАЕВ МАҢҒЫСТАУ ОБЛЫСЫНЫҢ ӘКІМІ: «Статистикалық деректерге сәйкес 27 мың 800 адам келді, осы жағдай болғаннан бері. Оның 17 мыңы балалар. Қазіргі таңда 9 мың адам кері қайтты, өздерінің елдімекендеріне, ауылдарына. Сіздерге және маңғыстаулық барлық азаматтарға осы уақытта жұмыла білгендеріңіз үшін, қажет кезде материалдық, қаржылық қолдау, ең бастысы моральдық қолдау көрсеткендеріңіз үшін ризашылығымызды білдіреміз».

https://www.youtube.com/embed/hrAtCnIAfaY?si=DlSgb_8-83RckqPQ" 

Елдің бес облысында 5 мыңнан аса үй әлі де су астында. Солтүстікте жағдай тұрақталғандай. Дегенмен, бұл өңірде су тасқынының екінші толқыны болуы мүмкін деп болжайды мамандар. Батыста ахуал әлі де күрделі. Ал, бүгін бас шаһар Астананың басты көшелерінің бірін су басып қалды. 

Шығыс Қазақстан және Абай облыстары қауіпті аймақ тізіміне енді. Аталған өңірлерде күннің күрт жылынуына байланысты су деңгейі көтерілуі мүмкін. «Қазгидромет» солай дейді. Қазір еліміздің барлық өңірінде құтқарушылар мен еріктілер тәулік бойы күшейтілген режимде жұмыс істеп жатыр. 

ДИНАРА НҰРҒАЛИЕВА ҚР ТЖМ РЕСМИ ӨКІЛІ: «Су тасқыны басталғалы бері барлығы 118 180 адам, оның ішінде 44 254 бала құтқарылып, эвакуацияланды. 113 852 ауыл шаруашылық жануары қауіпсіз жерге айдалды. 8821 адам, оның ішінде 3 885 бала эвакуациялау пункттеріне орналастырылды. 4370 тұрғын үй мен 2737 аула аумағынан судың бағыты бұрылды».

Солтүстікте жағдай тұрақталды. Дегенмен екінші толқын қаупі бар. Сондықтан, теріскейліктерге арқаны кеңге салуға әлі ерте. 

ЕВГЕНИЙ ЖУРАВЛЕВ  СҚО ТЖД БАСПАСӨЗ ХАТШЫСЫ: «Есіл, Қызылжар аудандарының елді мекендерінде және Петропавл қаласында су баяу болса да кетіп жатыр. Су тасқынының екінші толқыны күтілуде. Оны біз Сергеев су қоймасына қарап байқап отырмыз. Қазіргі уақытта су бөгет шыңынан 2 м 93 см асты, тәулігіне 18 см артқан».

Оралда ахуал әлі де күрделі. Жайық өзеніндегі су деңгейі 8 метрге жеткен. Ел үрейленіп, жандарын шүберекке түйіп отыр. Ал, төтенше жағдайлар министрлігі болса, халықты тыныштық сақтап, балаларын қараусыз қалдырмай, эвакуациялық пункттерден рұқсатсыз шықпауды сұрады. Айтпақшы,   Астананың қақ ортасындағы  Ұлы дала көшесін су басты. 

Төтеншеліктер бұл қардың қарқынды еруі салдарынан болған жағдай дейді. Құтқарушылар жергілікті атқарушы органмен бірлесе су сору жұмыстарын жүргізіп жатыр.  

https://www.youtube.com/embed/V7-qMx1-rhU?si=uVe4W8oUnw2DY87_"

Елімізге  ресми сапармен бауырлас елдің Президенті Садыр Жапаров келді. Құрметті қонақты Мемлекет басшысы Қасым-Жомарт Тоқаев ерекше ықыласпен қарсы алды.

Қазақ-қырғыз бір туған, белбеулерін бір буған.Қазақстан мен Қырғыз Республикасы арасындағы байланыс қай кезде де берік болған. Ауылымыз аралас, қойымыз қоралас жатқан ел болғаннан кейін экономикалық һәм әлеуметтік тұрғыда мәмілеміз мызғыған емес. Ел басына күн туып, бір қатар өңірлерімізді топан су жуып жатқан шақта,алғаш болып қол ұшын берген қырғыз ағайындардың бұл әрекеті көптеген көршілерімізге үлгі болғаны анық. Міне бүгін қазақ жеріне айыр қалпақты ағайынның басшысы арнайы келді. Мемлекет басшысы Қасым-Жомарт Тоқаев Садыр Жапаровты ерекше ілтипатпен қарсы алды. Келіссөз алдында Қасым-Жомарт Тоқаев пен Садыр Жапаров бір-біріне ресми делегация мүшелерін таныстырды. Құрмет қарауылының бастығы мемлекеттер басшыларына рапорт беріп, екі елдің әнұрандары шырқалды.Содан кейін президенттер шағын құрамда келіссөз жүргізді.

ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ: «Бүгін біз Одақтастық қатынастарды нығайту және кеңейту туралы тарихи келісімге қол қоямыз. Осы маңызды құжат қазақ-қырғыз байланыстарының дамуына тың серпін беретініне сенімдімін. Ел аузында «Қырғыз бен қазақтай бір-біріне жақын халық жоқ» деген сөз бар. Бұл – дұрыс айтылған тұжырым».

Мемлекет басшысы Қазақстанның бұрын-соңды болмаған су тасқынымен күресіп жатқанын атап өтіп, осындай қиын-қыстау кезде гуманитарлық көмек көрсеткені үшін Қырғызстан Президентіне және барша қырғыз халқына алғыс айтты.Қасым-Жомарт Тоқаев қазақ-қырғыз қатынастарының қарқынды дамып келе жатқанына назар аударды. Президенттің пікірінше, бұған белсенді саяси диалог, үкіметаралық және парламентаралық тығыз байланыстар ерекше серпін беріп отыр.

ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ: «Екіжақты сауда-экономикалық ынтымақтастық жылдан-жылға нығайып келеді. Былтыр өзара тауар айналымы 1,5 миллиард долларға жетті, яғни 26 пайызға өсті. Алдағы мақсатымыз алыс-беріс көлемін 2 миллиард долларға жеткізу. Сонымен қатар осы бағытта болашағы зор бірқатар жоба қолға алынды. Жалпы, сауда-экономикалық саладағы уағдаластықтар орындалып жатыр». 

Өз кезегінде Садыр Жапаров қырғыз делегациясына қонақжайлық танытқаны үшін Қазақстан тарапына ризашылығын білдірді. 

САДЫР ЖАПАРОВ ҚЫРҒЫЗ РЕСПУБЛИКАСЫНЫҢ ПРЕЗИДЕНТІ: «Қазақстан біздің ең жақын көршіміз. Сыртқы саясатымызда ерекше артықшылықтарға ие болған бауырлас мемлекет әрі негізгі сауда серіктестеріміздің бірі. Екі ел арасында ешқандай саяси, аймақтық қайшылық жоқ. Мемлекет басшысы лауазымына келгелі бері қырғыз-қазақ қарым-қатынасы болсын, халықаралық құрылымдарда болсын, маған қолдау көрсетіп келесіз. Біз бауырлас қазақ халқына су тасқыны салдарынан туындаған қиын кезде қолдан келген көмекті беруге дайынбыз. Екі елді ғасырлар бойы жалғасып келе жатқан достық, бауырластық, тату көршілік байланыстар, сондай-ақ ортақ мәдени, рухани және діни құндылықтар біріктіреді. Өзара ынтымақтастығымыз бен стратегиялық серіктестігіміздің одан әрі нығая беретініне сенімдімін». 

Бұдан бөлек, келіссөз барысында тараптар саяси, көлік-транзиттік, энергетикалық салалардағы өзара ықпалдастықты нығайту мәселелерін талқылады. Сондай-ақ өңірлік және халықаралық күн тәртібін қарастырды. 

https://www.youtube.com/embed/W3T-Zyviu4I?si=4BdMpdusPlzDPtDI"

https://www.youtube.com/embed/ORZXFQLwZWw?si=FIY1rvKn1ZromggV" 

«Шынайы білім фактілерді білуден емес,  оларды дұрыс қолдана білуден құралады» дегендей бүгінгі  білім беру жүйесінің негізгі бағыты оқушылардың білімі мен іскерлік дағдыларын кеңейтіп, шығармашылық мүмкіндіктерін қалыптастыру. Осы орайда  Жаратылыстану-математикалық пәндерінде білім алушылардың функционалдық сауаттылықтарын арттыру бүгінгі заман талабы.  Алматы қалалық "Өрлеу" біліктілікті арттыру орталығымен 208-ші мектеп-гимназия өткізген кең ауқымды семинарда  Республиканың озық педагогтары бас қосып, тәжірибе алмасты. Мақсат,  еліміздің білім беру жүйесіндегі реформалар, өзгерістер мен жаңалықтар мұғалімнің өткені мен бүгіні, келешегі мен болашағы жайлы ойланып, жаңа идеялармен жұмыс жасауға негіз болу. Президент Жолдауында айтқандай: Болашақта өркениетті дамыған елдердің қатарына ену үшін, заман талабына сай білім қажет. 

ГҮЛЖАНАТ БАЙБОЛОВА - "ӨРЛЕУ" БАҰО АҚФ АЛМАТЫ ҚАЛАСЫ КДИ ПЕДАГОГИКА ЖӘНЕ ПӘНДІК ӘДІСТЕМЕ КАФЕДРАСЫНЫҢ АҒА ОҚЫТУШЫСЫ

 ГҮЛБАҒДА ЕСЕЙХАНҚЫЗЫ - №208 МЕКТЕП- ГИМНАЗИЯ ДИРЕКТОРЫ

https://www.youtube.com/embed/Yncc_OexyfM?si=E9FjgMUfdLprDRU9" 

БҚО Январцев ауыл жағасындағы Жайықтың жағдайы жайлы болмай тұр. Өзен деңгейі бір тәуілік ішінде 30 см көтеріліп, 856 см жеткен. Орал қаласындағы Жайықтың көлемі 781 см. 

ОЛЖАС САДЫРОВ БҚО «ҚАЗГИДРОМЕТ» РМК ФИЛИАЛЫ ДИРЕКТОРЫНЫҢ ОРЫНБАСАРЫ

Бөгеттерді биіктету жұмысына облыс бойынша 8 мыңнан аса адам жұмылдырып, 66 мыңнан аса қапшық төселді. 

НҰРЖАН ТӨЛЕУІШ БҚО ТЖД РЕСМИ ӨКІЛІ

Болжамдарға сүйенсек, Оралдағы су деңгейі 9 метрге жетуі мүмкін. Қазір 19 құтқару пунктті үздіксіз жұмыс жасауда. Ал, Ресейдегі Иректі су қоймасындағы судың атқылауы секундына 345 текше метр кубты құрап тұр.

https://www.youtube.com/embed/VcYLh_X0280?si=lSxZxWZSj_y_kJfJ" 

Осыдан 2 күн бұрын Қызылордаға екі автобуспен 93 атыраулық тұрғын жеткізілген болатын. Қазір олар арнайы қызмет көрсету орталықтарында. Келесі бейне материалға назар аударсақ.

Атыраулық қарашаның 59-ы қалалық Зейнеткерлерге әлеуметтік қызметтер көрсету орталығына, 34 адам И.Әбдікәрімов атындағы Қызылорда аграрлық-техникалық жоғары колледжінің жатақханасына орналастырылды. Жергілікті әкімдік барлық жауапкершілікті өз мойындарына алды.

АЛИБИ ТАЙЖАНОВ ҚЫЗЫЛОРДА ОБЛЫСЫ ЗЕЙНЕТКЕРЛЕРГЕ ӘЛЕУМЕТТІК ҚЫЗМЕТТЕР КӨРСЕТУ ОРТАЛЫҒЫНЫҢ ЗАҢГЕРІ

Қазір жауаптылар келушілерге 3 мезгіл ыстық тамақ беріп, оларды толық тексерілуден өткізуде. Қызылорда облыстық "АMАNAT" партиясы қажетті заттарды алып беруде.
 
ГАУХАР БУРАБАЕВА АТЫРАУ ОБЛЫСЫНЫҢ ТҰРҒЫНЫ

Сырдың халқы Ақтөбе облысына қаржылай 9.8 млн теңге, азық-түлік пен заттай көмекке 67 млн теңге беріп көмектесті.Басқа облыстарға 50 млн теңгеге қажетті заттар алып беріп жіберді. Сондай-ақ, Қызылорда өңірінде бір тәулік ішінде даярланған техникалар теміржол арқылы мақсатты жерге жетті. Айта кетейік, 296 қызылордалық құтқарушы мен 135 техника су апаты болған аймақтарда жүр.

https://www.youtube.com/embed/QMG_hZHujGc?si=xuBB0W5PiFBSrpFF" 

Наурызбай ауданы №207 мектеп-лицейінде «Оқуға құштар-мектеп, оқуға құштар-сынып, оқуға құштар- оқушы» тақырыбында қалалық семинар ұйымдастырылды. Семинардың мақсаты: Алматы қаласы Құзыреттілік Орталықтың жоспарына сәйкес мұғалімдерге бастауыш сынып оқушыларының  оқу құзыреттілігін, оқу мәдениеті деңгейін және оқушылардың оқу белсенділі мен оқу сауaттылығын арттыруда біртұтас тәрбие аясындағы « Оқуға құштар-мектеп» жобасының жүргізілуін көрсету.

Семинарға Алматы қаласының жалпы орта білім беретін ұйымдарының бастауыш сыныптың мұғалімдері, Алматы қаласы Білім басқармасы Қалалық білім берудегі жаңа технологиялардың ғылыми-әдістемелік орталығының әдіскері Касымбаева Арай Иманбекқызы, Алматы қаласы, Наурызбай ауданы білім бөлімінің әдіскері Бралина Назия Ғалымқызы қатысты.  Семинарда оқуға құштар жобасын жүзеге асырудағы түрлі әдіс-тәсілдер: шеберлік сағаты,  әдеби-шығармашылық кеш, ашық тәрбие сағаты, сахналық қойылымдар көрсетіліп, іс-тәжірибе таратылды.

Семинарға Рамазан Бекбол Батыржанұлы - «Білім және азаматтық қоғам туралы ғылымдар» басқарма басшысы, Алматы қаласы  мәслихатының депутаты,  Байбол Әлібек Уәлиханұлы ‒ жазушы, драматург, әдебиеттанушы-ғалым, аудармашы, Кешубай Тұрсынбек - ҚР Журналистер одағының, ҚР. «Адал» авторлар қоғамының мүшесі, әнші, сазгер, ақын, жазушы, журналист, педагог шақырылып,  кездесу өтті. Семинарға қатысушылар алған жағымды әсерлерімен бөлісіп, кері байланыс берді.

https://www.youtube.com/embed/Xzs_f_Sw2Uc?si=87M5Rtza3t0ZVqR9" 

Маңғыстауға эвакуацияланған атыраулықтар үшін, мемлекеттік материалдық қордан көмек  келді. 240 тонна азық-түлік пен кереует, төсек-орын жабдықтары 14 вагонмен жеткізілді. Көмек Мемлекет басшысының тапсырмасына сәйкес, материалдық резервтен бөлінді. Азық-түлік арнайы қоймаға жиналып, қалған заттар индустриалды паркке жіберілді. Енді ол эвакуациялық пункттерге таратылады. Қазір аймақта Атырау облысынан эвакуацияланған 20 мың адам бар. Оның 2 мыңға жуық тұрғыны арнайы уақытша орналастыру пункттерінде.

ПІКІР САНСЫЗБАЕВ  МАҢҒЫСТАУ ОБЛЫСТЫҚ КӘСІПКЕЛІК ЖӘНЕ САУДА БАСҚАРМАСЫ БАСШЫСЫНЫҢ ОРЫНБАСАРЫ: «Мелекеттік материалдық қордан 240 тонна азық-түлік тауарлары өнімдері келді. Оның ішінде 180 тонна 1-сортты ұн өнімдері. 4 тонна макарондар, 12 тонна қарақұмық жармасы және өзге де тауарлар. Бұл тауарлар эвапункттерге қабылданған өзге облыстардан келген адамдарға арналған. Қазіргі таңда облыста азық-түлік қауіпсіздігі қамтамасыз етілген».