https://www.youtube.com/embed/lMI10MfjgYw?si=uq-da-p-0ndBm52_" 

Алматы облысындағы республикалық олимпиадалық даярлық базасында Қазақстан ұлттық құрамасын XXXIII жазғы Олимпиада ойындарына ресми шығарып салу рәсімі өтті. 

Қазақстандық спортшыларды Франция астанасы Париж қаласында өтетін ХХХІІІ жазғы Олимпиадаға шығарып салуға ҚР Туризм және спорт министрі Ермек Маржықпаев, Олимпиада чемпиондары Ермахан Ыбрайымов, Ислам Байрамуков, Ольга Шишигина, Дмитрий Баландин және БАҚ өкілдері келді. Министр спортшылар және жаттықтырушылар құрамына алдағы жарыстарға сәттілік тілеп, бұл оқиғаның еліміз үшін ерекше маңызға ие екенін атап өтті.

ЕРМЕК МАРЖЫҚПАЕВ ҚР ТУРИЗМ ЖӘНЕ СПОРТ МИНИСТРІ «Олимпиада ойындары үлкен дода. Жарысқа 205 елден 10500 спортшы қатысады. 32 спорт түрінен болады. Бүгін Ұлттық құрама команда қызу дайындық жүргізіп жатыр. 92 жолдама, 80 спортшы спорттың 25 түрінен барамыз. 26 шілде ашылу рәсімі өтеді. 27 шілде күні дзюдодан жарыс басталады»

Сондай –ақ еркін күрестен еңбек сіңірген спорт шебері және Сидней Олимпиадасының күміс жүлдегері Ислам Байрамуков, қазақстандық спортшыларға сенім мол екенін жеткізді.

ИСЛАМ БАЙРАМУКОВ СПОРТ ШЕБЕРІ « Олимпиада ойындарында білесіздер, бақ шаба ма, бап шаба ма? Сондықтан үміт бар. Балалар жеңіспен оралады деп ойлаймыз. Топ жарып, жүлделі орындардан көрінетін спортшылар құрама команда да бар.Еркін күрестен бара жатқандардан Азамат Дәулетбеков 86 келі салмақта шығады. Соңғы әлем чемпионатынан қола жүлдегері болып, оралған. Одан кейін Әлішер Ерғалиев, Юсуф Батырмұрзаев және Мейрамбек Қартбай.

Еске салайық, Қазақстан Тәуелсіздік жылдарынан бері осымен сегізінші мәрте жазғы Олимпиадаға қатыспақ. Ерекше атап өтетіні Қазақстан құрамасының спортшылары биыл алғаш рет Олимпиада бағдарламасына енген брейкинг және бадминтон сияқты спорт түрлерінен өнер көрсетеді. Брейкингтен ел намысын Әмір Закиров қорғаса, бадминтон сайысында Дмитрий Панарин бақ сынайды. Спорт саласының дамуына өзіндік үлес қосқан ардагер Анатолий Қожекенұлы Құлназаров Қазақстан құрамасына батасын берді.

https://www.youtube.com/embed/W9DygaZCp4k?si=x2Ad_mk0J2PDqelk" 

Су тасқынынан зардап шеккен аймақтарда салынып жатқан үйлердің сапасына енді тікелей әкімдер жауапты болады. Ақтөбе, Атырау, Ақмола және Батыс Қазақстан облыстарында құрылыс қарқыны тым төмен. Осылай деген үкімет басшысы Олжас Бектенов Президент жүктеген міндеттерді орындау үшін бар жоғы 2,5 ай қалғанын жауаптылардың есіне салды. Сондай-ақ ол Өнеркәсіп және құрылыс министрлігіне құрылыс жұмыстарының сапасын қатаң бақылауды тапсырды. Кестеден кешігуге әкеліп соғатын барлық проблемалар туралы дереу орталыққа хабарлануы керек деді. Қажет болса, үкімет ресурстарды қайта бөліп, техника мен адамдарды көбейтуге дайын. Себебі, халық бұл мәселеге алаңдап, бас қатырмауы керек. Басты мақсат - алдағы 2,5 айдың ішінде тасқыннан зардап шеккен азаматтар түгел дерлік бапсанмен қамтамасыз ету. 

ОЛЖАС БЕКТЕНОВ ҚР ПРЕМЬЕР-МИНИСТРІ:
«Сіздердің берген қағаз жүзіндегі есептеріңізден барлық су тасқынынан зардап шеккен аймақтарда жұмыс басталғанын көріп отырмыз. Алайда, үйлерді салу мен оларды халыққа тапсыру қарқыны әр өңірде әр түрлі. Мәселен, СҚО-да 200, Павлодар облысында 5 жаңа үй құрылысы аяқталып тапсырылыпты. Сондай-ақ жуырда Қостанай облысында 22 үй тапсырылады. Жалпы, тұрғын үйді қалпына келтіруді жеделдету үшін барлық шаралар қабылданған. Әкімдіктер қажетті қаржымен толық қамтамасыз етілді, барлық кемшіліктер жойылды, салынып жатқан үйлердің үлгілік жобалары бекітілді. Деседе, кейбір өңірлерде жұмыс кестесінен 15-25 күнге артта қалушылық бар. Атап айтқанда, Батыс Қазақстан, Ақтөбе, Ақмола және Атырау облыстарында құрылыс қарқыны өте төмен. Құрметті, әкімдер бұл жұмысты тездету керек. Басты назарға алыңыздар!»

https://www.youtube.com/embed/dufymLFkjzM?si=bnXLoD5vuHB9uL4o"

https://www.youtube.com/embed/kP57V0DVnhw?si=7IsBOhhYvvrKxso4" 

СҚО-да тасқын судың астында қалған баспаналарды қайта жөндеу, ретке келтіру жұмыстары жалғасуда. Бір ғана Заречный кентінде 239 үй су астында қалған еді. Мұнда арнайы жұмысшылар тобы апатты болып танылған баспалардың жұмыстарымен айналысып, жөндеуге жарамдыларын қалпына келтіруде. 

Тасқын судан зардап шеккен тұрғындардың бірі Любовь Ликанцева. Ол бұл баспанасында 30 жылдан астам уақыт тұрған. Апат кезінде жиһаздары мен тұрмыстық техникалары жарамсыз күйге түсті. Енді үйге кететін шығынды арнайы тексеретін мамандар 6 миллионға бағалап отыр. Соның салдарынан қалада пәтер жалдап тұруға мәжбүр.

ЛЮБОВЬ ЛИКАНЦЕВА – ҚАЛА ТҰРҒЫНЫ «Жігіттердің жұмысына көіңілім толуда, олардың жөндеу жұмыстарын жүргізіп жатқанына 2 аптадан асты.Тезірек баспанамызға кірсек екен деймін.  Қазіргі таңда қабырғаларды жөндеп, еден ауыстырып жатыр. Бригада өкілдерінің айтуы бойынша тамызға дейін  құрылысты аяқтайды.»

Сарапшылар қазіргі таңда 120 үйдің 19-ын жөндеуге жарамды деп таныған. 9 баспанада қалпына келтіру жұмыстары жүргізіліп жатыр. Мұнда 13 бірлік техника мен 35 адам жұмылдырылған. Олар 3 мамырдан бері Заречный кентінде жұмыс істеуде.

ТЕМІРЛАН МАМАШӘРІПОВ – МАМЛЮТ АУДАНЫ ӘКІМІНІҢ ОРЫНБАСАРЫ  «Қазір тұрғындардың үйіне күніне 3 рет кіріп, аралап, мехбригаданың жұмысын бақылап отырамыз. Мұнда келгенімізге 3 айға жуық уақыт болды. Зардап шеккен 10 үйдің иесі баспаналарын өздері жөндеуге шешім қабылдады. Ал қалған 9 үйді мехбригада істеп жатыр.»

Осыған дейін жұмысшылар 59 үйдің сүру жұмыстарын аяқтаған. Су тасқынынан зардап шеккен баспаналарды 1-ші тамызға дейін қалпына келтіріп, толықтай бітіру жоспарланып отыр.         

https://www.youtube.com/embed/d8QnEHvF7MQ?si=wahtuMlQpkcP-vt1" 

Алматы маңындағы мореналық көлдердің деңгейі көтерілген. Қазірдің өзінде 6 көл жауын шашын мөлшері мен қарқындылығына, температура жоғарлығы мен жаһандық климаттың өзгеруіне байланысты қауіпті саналады. Сол себепті ол аумақтарда арнайы жұмыстар жүргізілуде.

БАУЫРЖАН ЖҰМАҒАЗЫҰЛЫ ҚР ТЖМ «ҚАЗСЕЛДЕНҚОРҒАУ» ММ ТӨТЕНШЕ ЖАҒДАЙЛАРДЫ АЛДЫН АЛУ ЖӘНЕ ҚОРҒАНЫШ ҚҰРЫЛЫСТАРЫН ПАЙДАЛАНУ БӨЛІМІНІҢ БАСШЫСЫ «Қазіргі таңда, үш көлдің бірінші көлінде көлдерді түсіру бойынша екі сифон жұмыс істеп тұр. Нәтижесінде көлдің деңгейі түсіп жатыр. Қалған екі көлде, яғни, Түрген -2 мен Талғар өзенінде жұмыстар жүріп жатыр. Қазіргі таңда сел қауіпті кезеңінде төтенше жағдай министрлігінің, қазселденқорғау мекемесінде арнайы жедел штаб құрылды. Одан бөлек Алматы қаласы мен Алматы облысының әкімшіліктерінен қаржылай қолдау көрсетілді. Анықталған барлық қауіпті, қатерлі күндерге нақты іс шаралар жүргізілуде және жоспарлануда».

Айта кету керек, Талғарда 12 млн кубты ұстайтын сел ұстағыш бөгеттер салынған. Басқарма басшысы көлдерге қатысты жүргізіліп жатқан іс шаралардың қай уақытта тәмамдалатынын айта кетті.

АНРИ ДАНИЯР ҚР ТЖМ  «КАЗСЕЛДЕНҚОРҒАУ» ММ БАСШЫСЫНЫҢ МІНДЕТІН АТҚАРУШЫ «Бұл жұмыстар ауа райына байланысты ағымдағы жылдың 18 шілдесіне дейін аяқталады деп күтілуде. Талғар бағытында жергілікті атқарушы билік тарапынан сел қаупін болдырмас үшін төтенше жағдай жарияланды. Қазір жағдай тұрақталды».

https://www.youtube.com/embed/l-hKSZk-wa0?si=6NtE9SA7LkDUejx3" 

БҚО-да 3 жасөспірім қыз суға батып кетті. Қайғылы жағдай Ақжайық ауданының Мерген ауылында тіркелді. Қыздардың киім-кешегі Жайық өзенінің жағасынан табылып отыр. Артынша іздестіру шаралары барысында 2010 және 2011 жылы туған 3 қыздың мүрдесі табылды. 

РАЙЫМБЕК ШАМАҚОВ  БҚО ТЖД АЗАМАТТЫҚ ҚОРҒАНЫС БАСҚАРМАСЫНЫҢ ОФИЦЕРІ

Айта кетейік, өңірде жыл басынан бері 6 адам суға кеткен. 

https://www.youtube.com/embed/vI6kCMflmrk?si=p122cGDeHJCj6NYa" 

Алматының Наурызбай ауданында жүк көлігі автобуспен соқтығысты. Баспасөз қызметінің мәліметі бойынша, жол-көлік оқиғасының салдарынан автобустың тоғыз жолаушысы зардап шекті. 

Оқиға сағат 9.15-те Наурызбай ауданында болды. Шаляпин көшесінің солтүстігінде Әшімов көшесімен келе жатқан жүк көлігі аялдамада тұрған нөмірі 137 автобусқа соқтығысқан.  Инерцияның кесірінен автобус жолдың шығыс жағына шығып кетіп, жеке үйдің қоршауына соғылған.Алматы қалалық қоғамдық денсаулық сақтау басқармасының хабарлауынша, 7 қалалық клиникалық аурухананың жедел жәрдем бөліміне жеткізілген зардап шеккендер денсаулығы қаралып, қажетті тексерулер жүргізілген.

АСЫЛБЕК ЕМБЕРДИЕВ №7 ҚКА ҚАБЫЛДАУ БӨЛІМШЕСІНІҢ МЕҢГЕРУШІСІ 

Оқиғаның басқа мән-жайлары анықталуда. Полиция жол-көлік оқиғасы бойынша тексеру жұмыстарын бастаған.

САЛТАНАТ ӘЗІРБЕК АЛМАТЫ ҚАЛАСЫ ПОЛИЦИЯ ДЕПАРТАМЕНТІНІҢ РЕСМИ ӨКІЛІ

https://www.youtube.com/embed/odvuTokKMJ0?si=J6-pt0UIkhGC4Tqz"

Алматыдағы Қазақ ұлттық унивеситетінің фонтанында қайтыс болған жасөспірімнің нақты неден көз жұмғаны әлі белгісіз. Бұл іспен Бостандық аудандық полиция департаменті айналысып жатыр деді бүгін үкімет отырысынан кейін журналистерге сұхбат берген Ғылым және жоғары білім министрі Саясат Нұрбек. Жас жігіт қаза тапқан мк бұрқақтан еш ақау табылмапты, қалыпты режимде жұмыс істеп тұр, - деп хабарлайды Орда.кз. 

САЯСАТ НҰРБЕК ҚР ҒЫЛЫМ ЖӘНЕ ЖОҒАРЫ БІЛІМ МИНИСТРІ:
«Өкінішке орай, ресми қорытындыны алған жоқпыз. Бұл мәселені ұмытқан жоқпыз, бірақ сот медиицналық сараптаманың қорытындысын күтуге мәжбүрміз. Ресми түрде ақпарат береміз. Оқиғаға қатысты барлық ақпарат сот-медициналық сараптаманың ресми қорытындысынан кейін жарияланады». 

https://www.youtube.com/embed/kiSDqh3FzGU?si=J4ji-sOCeCdUoGPq" 

Сұйытылған газды шетелге заңсыз шығарудың 14 дерегінің жолы кесілді. Әлі де болса бұл мәселені бақылауға алу керек. Премьер-министр шекаралас өңірлердегі жағдайды басты назарда ұстауды тапсырды. Бүгін министрлер кабинеті халықты газбен қамтамасыз ету мен көгілдір отынның шет мемлекеттерге заңсыз шығарылмау мәселесін қарады. Толығырақ алдағы бейнесюжетте.

2030 жылға дейін елімізде 4 газ өңдеу зауыты ашылады. Атап айтсақ, Қашаған кен орнының шикізаты негізінде – қуаты жылына 1 және 2,5 млрд текше метр, Қарашығанақ кен орнының шикізаты негізінде – қуаты жылына 4 млрд текше метр, сондай-ақ Жаңаөзен қаласында қуаты жылына 900 млн текше метр газ өңдеу зауыты салынады. Оған Катарлық инвесторлар жауапты. Бұл жобалардың халыққа пайдасы көп болады. Бірінші кезекті, ел халқы газға қол жеткізеді, екіншіден, газбен жүретін көліктер үшін бағаны ұстап тұрады, үшіншіден ел экономикасының өсуіне сеп болады. 

АЛМАСАДАМ СӘТҚАЛИЕВ ҚР ЭНЕРГЕТИКА МИНИСТРІ:
«Ағымдағы жылы газдандыруды жалғастыру мақсатында биыл республикалық бюджеттен 89,3 млрд теңге бөлінген. Сондай-ақ, іс-шаралар жоспары аясында Үкімет қосымша 105,4 млрд теңге бөлген. Бұл 300 мыңнан астам адамды газбен қамтамасыз етіп, 1700 шақырымнан астам газ желісін жаңғыртуға мүмкіндік береді. Ел тұтынушыларын газбен үздіксіз қамтамасыз ету үшін ірі стратегиялық инфрақұрылым жобаларын іске асыру жоспарланып отыр. Оның ішінде «Бейнеу – Бозой – Шымкент» магистралды газ құбырының екінші желісін, «Ақтөбе – Қостанай» магистралды газ құбырын, «Талдықорған – Үшарал» магистралды газ құбырын салу».

Өткен жылдың қорытындысы бойынша ел халқының 60%-ы немесе шамамен 12 млн адам газға қол жеткізген болса, биыл 300 мыңнан аса адам газбен қамтылады. Яғни, тұрғындардың тарапынан да газ тұтыну көлемі өсіп келеді. Елді мекендерді газдандыру белсенді жүріп жатыр. Жаңа өнеркәсіп объектілері де іске қосылуда. Сондықтан газ тапшылығына жол бермеу маңызды. Қуат көздерін арттыру үшін инфрақұрылымды жаңғыртуды және газды барлау мен қайта өңдеуге инвестициялар тартуды жеделдету қажет деді үкімет басшысы. 

ОЛЖАС БЕКТЕНОВ ҚР ПРЕМЬЕР-МИНИСТРІ:
«Үкіметке азаматтардан газбен жабдықтау мәселесіне қатысты көптеген арыз-шағымдар келіп түсіп жатыр. Тиісті мекемелер бірінші кезекте, халыққа сапалы қызмет көрсетуге жұмылдырылуы қажет. Туындаған проблемаларды дереу шешу керек. Алматы өңірінің газға деген қажеттіліктерін қамтамасыз ету үшін «Алматы-Байсерке-Талғар» газ құбырының екінші желісінің жобасы іске асырылып жатыр. Алайда, газ құбырының қорғау аймағында жекеменшік құрылыстардың болуына байланысты жерлерді алу қажеттігі туындап отыр. Алматы облысы мен Алматы қаласының әкімдіктеріне бұл жұмысты жедел жүргізуді тапсырамын».

Одан бөлек, премьер-министр Олжас Бектенов сұйытылған мұнай газын бақылауды да қатаң тапсырды. 

ОЛЖАС БЕКТЕНОВ ҚР ПРЕМЬЕР-МИНИСТРІ:
«Қазақстанда оның бөлшек саудадағы бағасы Ресей, Өзбекстан, Қырғызстан және алыс шет елдермен салыстырғанда шамамен 2 есе төмен. Ал бағаның төмен болуы ірі көлемде сұйытылған газдың шектес елдерге заңсыз шығарылуына әкеп соқты. Мен бұған дейін тиісті мемлекеттік органдарға сұйытылған газдың «көлеңкелі» экспортын, оның ішінде қылмыстық жауапкершілікті белгілеу арқылы жолын кесу жөніндегі жұмысты күшейтуді тапсырдым. Ұлттық қауіпсіздік комитетінің деректеріне сәйкес, сұйытылған мұнай газын шетелдерге заңсыз шығарудың 14 фактісінің жолы кесілді. Бұл жұмысты жалғастыру қажет. Әсіресе, тұтыну көлемі негізсіз құбылып отырған Атырау және Абай облыстары мен бірқатар шекаралас өңірлердегі жағдайды ерекше бақылауға алуды тапсырамын».

Енді көлікке газ-баллон орнату қатаң бақыланатын болады. Оны ішкі істер министрлігі мен энергетика министрлігі жіті қадағайлады. Себебі, көлікке газ орнату кезінде небір құқық бұзушылық фактілері көбеюде. Көлікті қайта жабдықтау және техпаспортта тиісті белгі болмаса жауапкершілік артады. Бұл да бүгін үкіметте премьер-министр Олжас Бектеновтің берген тапсырмасы.

https://www.youtube.com/embed/zRYSlkcnB4w?si=3TXa4Bh44DKFBF6J" 

https://www.youtube.com/embed/F_4lMAyYUNM?si=u1Lg2Yi_ZbBNoPII"

Утилализациялық алымды алып тастау бойынша 50 мың қол жинаған петицияға қатысты қоғамдық тыңдау өтті. Отырыста барлық тараптың мүдделеріне сай келетін шешімдерді әзірлеу үшін сындарлы пікірлер айтылды.  Қауіпсіздігіне ешкім кепілдік бермейтін ескі автокөліктерді елге әкелудің өсуі, жол көлік оқиғаларының артып адамдардың денсаулығына қауіп төндіруі, автопарктің ескіруіне, экологияға тигізер  әсері ортаға тасталды. "Петицияда көрсетілген уәждердің шындыққа жанаспайтыны айтылды. Жария талқылау барысында өзге негіздемелер ұсынылмағаны алға тартылып, министрлік тарабынан петиция талабын орындаудан бас тартты.

ӘДІЛБЕК БЕКТІБАЕВ  ИНТЕГРАЦИЯ ЖӘНЕ ХАЛЫҚАРАЛЫҚ ҚАТЫНАСТАР ДЕПАРТАМЕНТІНІҢ ДИРЕКТОРЫ,МИНИСТРЛІКТІҢ РЕСМИ ӨКІЛІ 

https://www.youtube.com/embed/OKp3EBcNqX4?si=8bUYgNgHAwE9lEya" 

Маңғыстау облысында ер адам дүйім жұрттың көзінше әйелін өлтірмек болды. Оқиға Мұнайлы ауданында болған. Күдікті келіншегін суық қарумен жаралап, қансыраған сәтте тепкінің астына алды. Тіпті айналасындағыларды көзге қыстырмаған. Шұғыл жеткен тәртіп сақшыларына да бағынған жоқ. Оқиғаның мән жайы келесі бейнематериалда. 

Жаға ұстатар жағдайдың қалай болғанын сол жердегі кездейсоқ куәгерлер ұялы телефонға түсіріп алған. Видеожазба әлеуметтік желіде тез тарап кетті. Күдікті қолындағы пышақпен айналасындағыларға тап беріп, әйелін сол жерде пышақтап, артынша соққының астына алған. Көпшілік тоқтатпақ болып еді, қолдарынан түк келмеді. 

ІЛИЯС ЖҰМАҒҰЛОВ ПОЛИЦИЯ ДЕПАРТАМЕНТІ БАСТЫҒЫНЫҢ ОРЫНБАСАРЫ 
Жұбайына пышақ салу дерегі бойынша, күдікті ұсталып, уақытша ұстау изоляторына қамауға алынды. Кісі өлтіруге оқталу дерегімен қылмыстық іс қозғалды. Жәбірленуші медициналық мекемеде. Тершеу мүддесі үшін өзге ақпарат жария етілмейді. 

Келіншек бірден ауруханаға жеткізілген. Жансақтау бөлімінде бірнеше ота жасалып, жаны аман қалып отыр. Тіпті дәрігерлер 2000-шы жылғы әйел  жүктіліктің оныншы аптасында екенін анықтаған

МАУЛЕН ЖҰМАДИЛЛАЕВ МАҢҒЫСТАУ ОБЛЫСТЫҚ АУРУХАНАСЫНЫҢ РЕАНИМАТОЛОГ ДӘРІГЕРІ 
Қазіргі таңда ота жасалып, жан сақтау бөлімінде. Ем шараларын алып жатыр. Жалпы жағдайы тұрақты ауыр. Өткізілген отаның көлеміне байланысты, алған жарақаттарының көлеміне байланысты. Науқас толықтай есін біледі. Әзірге ем шаралар жүргізіледі. Келгеннен кейін науқасты УЗИға түсірдік. Гинекологтармен қаралды толық. Баланың жүрегінің соғысы бір қалыпты. 

Ер адамды жедел жасақ ұстады. Уақытша ұстау изоляторында. Сондай-ақ, қылмыс болған сәтте, уақытында күдіктіні ұстамаған тәртіп сақшыларының жұмысына қатысты тексеру жұмыстары жүргізіледі.