https://www.youtube.com/embed/AYDbKrzi9L4?si=IwLQp38zuX2aKQ-n"

Алматы қалалық мәслихаты қоғамдық көліктердің жаңа тарифтерін бекітті. Енді автобустарда жол жүру ақысы 120 теңгеге дейін көтерілді. Жаңа тариф 10 күннен кейін күшіне енеді. Әкімдіктің мәліметінше, жеңілдетілген санаттағы азаматтар үшін жол жүру ақысы төлемнің 50 пайызына тең.

АСҚАР КЕМЕҢГЕРҰЛЫ АЛМАТЫ ҚАЛАСЫ ӘКІМІНІҢ ОРЫНБАСАРЫ «Жол төлемін нақты тарифке де    йін көтеру қала тұрғындары үшін қымбат болады. Сонымен қатар, қала бюджетіне жүктемені азайту қажеттілігі бар. Осыған байланысты қала әкімдігі жол жүру құнын 120 теңгеге арттыру туралы қаулының жобасы әзірледі». 

Депутаттардың шешімімен енді жол жүру ақысын қолма-қол төлеу алынып тасталды. Төлемнің қолма-қол ақшасыз жасалуы — жүргізушілердің жұмысын жеңілдетеді, оларды алаңдататын себептерді азайтады. Оған қоса, төлеу жүйесінің ашықтығын қамтамасыз етіп, болашақта субсидия көлемін азайтуға мүмкіндік береді дейді депутаттар.

https://www.youtube.com/embed/0euzZiaw6aQ?si=wtZ-o6ufBuSkV_bm" 

Ақтауда 21 жастағы бойжеткен әділдік іздеп шарқ ұрып жүр. 3 ай бұрын оны еркінен тыс көлікке малша тиеп алып қашпақ болған. Бұл оқиғадан соң қыз полицияға арызданғанымен іс қозғалар емес. Тіпті құзырлы орган қыздың талабын салт-дәстүр деген желеумен жауып тастапты. 

Жансұлу есімді бойжеткеннің сол күнгі оқиға әлі есінен кетер емес. Қатты үрейленген қыз тіпті әділдікке қол жеткізе алмай әлек. 3 ай бұрын оны 2 ер адам көлікке бүктеп тыққан. Қарсыласқан сәті тіпті бейнежазбаға түсіп қалыпты. Өзінің айтуынша мұның бәрін танысының достары ұйымдастырған. 

ЖАНСҰЛУ ЖӘБІРЛЕНУШІ
Подъезден түсе берген жерімде жаңағы Алпамыс есімді жігіт кеуде тұсымнан көтеріп алып, қысып алып жоғары көтереді сол кезде мен қатты шошып кетемін. Сол бетте мен жерге құлап, жерде сүйреліп, ол әрі-бері мені тартады. Менің аяғымнан көтеріп автокөлікті ашып, менің еркімнен тыс, аяғымды қысып екеуі екі жақтан мал тиеген сияқты машинаға салады. 

Көлікте кеуде тұсымды қатты қысқанынан ауа жетпей әлсіреп қалдым дейді бойжеткен. Ақырында көлік есігін ашып секіріп кетпекші болған. Ал куәгерлер араша түсе алмадық деп қынжылып отыр. 

КУӘГЕР
Подъезден аттаған бойда екі бала екі қолынан ұстап сүйреп жерге, ана қыз айқайлады керек емес деп. Ол жерге жығылды. Оның айқайлағаынына қарамай сүйреп көтеріп. Мынау көмектесейін десе еркек балдар күш бермейді. 

Жансұлудың жан айқайын полиция жылы жауып отырған көрінеді. Тіпті 2 мәрте салт-дәстүр деген желеумен жауып тастаған. 

НАЗЫМ ҚАЙРХАН, МАҢҒЫСТАУ ОБЛЫСЫ ПОЛИЦИЯ ДЕПАРТАМЕНТІ БАСПАСӨЗ ҚЫЗМЕТІНІҢ ӨКІЛІ
Адам ұрлау дерегі бойынша сотқа дейінгі тергеу жүргізіліп, істің мән-жайы толық және объективті тексерілді. Аталған іске қатысы бар тұлғалардан жауап алынып, тергеу әрекеттері жүргізілді.Тергеу нәтижелеріне сәйкес, тергеу органымен іс құрамында қылмыстық құқық бұзушылықтың болмауына байланысты сотқа дейінгі тергеп-тексеруді тоқтату туралы шешім қабылданды.

Бойжеткеннің бүгінде жанына батып отырғаны да осы. Алып қашпақ болғандардың тайраңдап жазасыз жүргені. Десе де «арым тапталды» деген Жансұлу бұл істің соңына дейін барамын деп бекініп отыр.

https://www.youtube.com/embed/FY7S0B2zVeE?si=z3pbEItdzastEDoH" 

https://www.youtube.com/embed/trNzPiBM5hw?si=0CYM1taznb2CM_Sr" 

Атырауда "ақша бермесең жеке деректерді әлеуметтік желіге саламын" - деп 27 жасар жігітке қоқан-лоқы көрсеткен азамат ұсталды. Атырау облысы Полиция департаменті Ұйымдасқан қылмысқа қарсы іс-қимыл басқармасының қызметкерлері жедел іздестіру іс-шараларын жүргізу барысында 1 млн теңге бопсаламақ болған күдіктіні құрықтады. 24 жастағы облыс тұрғыны жәбірленушіден 100 мың теңге көлемінде ақша алу кезінде қолға түсіп, қамауға алынды.

Қазіргі уақытта аталған фактіге қатысты қылмыстық іс қозғалды. Полиция ескертеді. Бөгде біреудің жеке басына қатысты деректерді қорқытып алуға ешкімнің құқы жоқ. Ондай жағдайдың куәсі болсаңыз, бірден жергілікті аумақтық полиция бөлімшелеріне хабарласу керек.

https://www.youtube.com/embed/3iMSmTKOR70?si=pWa4r0AxvFO7V5Af"

Бұрынғы ұлттық экономика министрі Қуандық Бишімбаев жазасын Ақмола облысындағы қауіпсіздігі барынша жоғары мекемеде өтейді. Ол Аршалы маңындағы түзету мекемесі болуы мүмкін. Аталған мекеме Астанадан 60 шақырым жерде орналасқан. Бұл туралы бүгін орталық коммуникациялар қызметінде өткен брифингте Қылмыстық- атқару жүйесі комитетінің төрағасы Теңізжан Жәнібеков айтты. 

ТЕҢІЗЖАН ЖӘНІБЕКОВ  ҚЫЛМЫСТЫҚ-АТҚАРУ ЖҮЙЕСІ КОМИТЕТІНІҢ ТӨРАҒАСЫ: «Сотталған азамат таяу арада Астанаға жақын Ақмола облысындағы қауіпсіздігі жоғары мекемеге жіберіледі. Иә, біз сотталғандарды жұмысқа орналастырамыз. Біздің өндірістік аймақтарда әртүрлі жұмыс бар. «Еңбек» РМК-да ағаш өңдеу, металл өңдеу бағыттары бойынша жұмыс таба алады. Мұның бәрі қай жерде және қандай бос жұмыс орны болатынына байланысты. Әрбір мекемеде жұмысқа орналасумен тікелей айналысатын жұмыспен қамту бөлімі бар».

Айта кетейік, экс-министр әйелін ұрып өлтірді деген күдікпен сотталған еді. Яғни 2023 жылдың 9 қарашасында Астана мейрамханаларының бірінде қайғылы жағдай болып, Салтанат Нүкенова қайтыс болды. Сол оқиғадан кейін Бишімбаев қамауға алынды. Артынша сот оны 24 жылға бас бостандығынан айырған болатын. 

https://www.youtube.com/embed/i4iq4WAFe2I?si=UNzbP4t9hoP9Ib5c" 

Алматы әкімі Ерболат Досаев өзі басқаратын қала тұрғындарының мәдениетіне көңілі толмайды. Шаһар басшысы «Халық көшедегі мүлікке ұқыптылықпен қарамайды». Салдарынан жерүсті көпірлерінде орналасқан мүгедектерге арналған лифтілер жаппай істен шығып, сынып жатыр дейді. Оның үстіне экологиялық мәдениеттен жұрдай жандар нысанды қоқысқа толтырып, нағыз пайдалануға мұқтаж адамдардың қозғалысына кедергі келтіруде-мыс. Сондықтан, енді бұдан былай ондай мүмкіндігі шектеулі жандарға арналған лифтілер Оңай картасы арқылы ғана жолжетімді болады. 

ЕРБОЛАТ ДОСАЕВ АЛМАТЫ ҚАЛАСЫНЫҢ ӘКІМІ:
«Жерүсті өткелдеріне қатысты айтар болсам, осы жылдан бастап 5 жерүсті көпірі жаңа стандарттарға сәйкес жаңғыртылады. Біз оны Оңай картасымен үйлестіруді көздеп отырмыз. Бірақ өзіңізге белгілі, біздің қала тұрғындарының мәдениеті көңілден шыға бермейді. Олардың аталмыш лифтілерді қандай орындарға айналдырып жіберетінін көріп жүрсіздер. Сол үшін біз шектеулер қоюға мәжбүрміз. Лифтілердің барлығы жөндеуден өткізіліп, осы жыл соңында пайдалануға беріледі»

https://www.youtube.com/embed/OhHPRWbkQJY?si=Sg3Bpg-fFx1UmPQZ" 

Арал өңіріне жұмыс сапарымен Су ресурстары және ирригация министрі Нұржан Нұржігітов келді. Ол Арал ауданында орналасқан  «Қамыстыбас» және «Ақшатау» көлдер жүйесінің жай-күйімен  танысты. Әрі Аралдың мәселесін де қозғай кетті. 

Министр Арал өңіріне ат басын бұрды дегенді жұрты көптен күткен бе, кездесуге келген халық қарасы көп. Олардың көкейлерінде тек су жайы ғана емес, шаруаларын баяулатқан мәселелер де жиналып қалыпты. Әйтеуір қойылған сұрақ жауапсыз қалмады. 

Тұрғындар көтерген сауалдар қатарында көпір де, жол да, су да бар. Әсіресе Аралдың жайы барша қазақстандықты алаңдатады. Бірақ министр бұл мәселеге саспады. Айутынша, ай санап ондағы су деңгейі көбейіп келеді екен. 

Нұржан Нұржігітов ҚР Су ресурстары және ирригация министрі

«Ең үлкен проблема Арал теңізінде су деңгейін көтеру. Сол туралы тоқталып кеттік. Соңғы 2 жыл ішінде келісімсөздер аясында Қырғызстан, Тәжікстан, Өзбекстан мемлекеттерімен судың көлемі ұлғайып келеді. Биыл қыста 1 млрд 300 млн текше метр су кірсе, 3 жарым ай ішінде 400 млн текше метр су бердік. Жыл соңына дейін 2 млрд-қа жеткіземіз бе деген жоспар бар. Себебі тұрғындар сұрауы осы мәселе.»

Кездесуде сонымен қатар Арал ауданындағы «Қамыстыбас» және «Ақшатау» көлдер жүйелерін суландыру жайы да қозғалды. Бүгінде бұл мақсатта «Аманөткел» ауылының тұсына су торабын салу» жобасы әзірленіп, мемсараптауға ұсынылды. 

https://www.youtube.com/embed/_R1bQeIeIvs?si=BuhAoNZWOfbPP0ED"

Қазақстанда қылмыскерлерді апаратын жер жоқ. Түрмелер мен тергеу изоляторларында адам лық толы. Соңғы жылдары елде түрме көбейген. Уақытша ұстау изоляторларында да орын тапшы. Қазір 16 тергеу изоляторында 7,5 мың адам отыр. Сондықтан, бұл мәселені үкімет деңгейінде шешу керек дейді қылмыстық-атқару жүйесі комитетінің мамандары. 

ТЕҢІЗЖАН ЖӘНІБЕКОВ  ҚЫЛМЫСТЫҚ-АТҚАРУ ЖҮЙЕСІ КОМИТЕТІНІҢ ТӨРАҒАСЫ: «Қазіргі таңда 78 түзеу мекемесі бар, онда 37 мыңнан астам сотталушы жазасын өтеп жатыр. Оның үш мыңы әйелдер (50-ден астамы кәмелетке толмағандар). 93 пайызы ауыр және аса ауыр қылмыс жасағаны үшін сотталған. Сонымен қатар, 45 пайызы қасақана қылмыс жасағаны үшін сотталған». 

Комитет төрағасы сонымен қатар қылмыскерлерді қамайтын тағы жаңа түрмелердің салынатынын да айта кетті. Сөзінше Маңғыстау, Ақмола, Атырау, Шығыс Қазақстан және Павлодар облыстарында салынады. 

https://www.youtube.com/embed/bFDFLu5HZpE?si=obIvT3xbJciuO8HH" 

https://www.youtube.com/embed/MPt99_SOqNk?si=VRlYRkJ-XVJLTX2r" 

Алматы облысы Жамбыл ауданының Беріктас ауылында толассыз жауған жаңбырдан кейін сел жүрген болатын. Осылайша 15 аула мен 3 тұрғын үй су астында қалды. Абырой болғанда мал мен адам шығыны жоқ. 

Оқиға орнына Ұзынағаш ауылында орналасқан №28237 әскери бөлімінің жеке құрамынан 54 адам мен 4 арнайы техника жұмылдырылған. Арнайы мотопомпалармен үйге кірген суға су сорғыту жұмыстары жүргізілді дейді мамандар. 

АҚНИЕТ ТҰРЫСБЕКҰЛЫ АЛМАТЫ ОБЛЫСЫ ЖАМБЫЛ АУДАНЫ ӘКІМІНІҢ ОРЫНБАСАРЫ «Екі жыл бұрын сол өзеннің арнасын кеңейту, қазу жұмыстарын жүргізу керектігі ұсынылған кезде, ауыл тұрғындары қарсы болған. Ол жердегі құм, қиыршық тастарды алуға, түрлі жұмыстарды жүргізуге қарсы болған. Осы жағдайдан кейін ауыл тұрғындары оған қарсылық білдірген жоқ». 

Үйлер сайлы жерлерде орналасқандықтан қатты жауын шашын салдарынан бұндай жағдайлар бұрында орын алған екен. Қазір Алматы-Бішкек тас жолында жұмыс жүргізіп жатқан компания өзеннің арнасын кеңейтіп, тереңдетіп қазып беру туралы ұсыныс білдірген.

АҚНИЕТ ТҰРЫСБЕКҰЛЫ АЛМАТЫ ОБЛЫСЫ ЖАМБЫЛ АУДАНЫ ӘКІМІНІҢ ОРЫНБАСАРЫ «Ауыл тұрғындары да өздеріне қарасты ауланың бойындағы арық желілерін тазаламайды, кейде лас ұстайды. Соның әсерінен, осындай жағдайлар орын алады. Үйлердің ауласында су басу, су кіру тек селден ғана емес, еріген қар салдарынан да кіріп кетуі мүмкін деген жерлерде де жер деңгейін көтеру жұмыстарын да жүргізге екен деген өтініш білдіреміз жалпы ауыл тұрғындарына». 

Сонымен қатар, кеше Кеген ауданы, Ақсай ауылының маңындағы таулы аймақта жауын-шашынның салдарынан ағын судың қалыптасуы орын алды. Ағын судан 2 жүк көлігі жол жиегіне шығып кеткен. Жолды тазалау жұмыстарына Кеген, Еңбекшіқазақ және Ұйғыр аудандарының арнайы техникалар мен 17 қызметкер  жедел түрде жұмылдырылды.Автокөлік қозғалысы штаттық режимде жұмыс жасауда. Оқиға салдарынан зардап шеккендер жоқ.

https://www.youtube.com/embed/77JqPeRQsLI?si=hU6qeMQYHrtd17lH" 

Шымкентте 15 жастағы оқушылар ересек ер адамдарға боди-массаж қызметін көрсеткен. Бұл массаждың классикалық массаждан айырмашылығы – онда тұтынушылардың тек денесіне ғана емес, интимдік аймақтарына да массаж жасалады. Оны жас қыздар алғашында білмеген. Egovpress Telegram арнасының жариялаған мына видеоны сол 15 жасар қыздың біреуінің анасы түсірген. Шырылдаған ана қыздарды жұмысқа тартқандарды жазалауды сұрайды. Жасөспірім қыздар болса, бұл жұмысты интернеттегі хабарландырулар арқылы тапқандарын айтады. 

Шымкент қаласының ПД мәліметінше, олар бұл істен хабардар. Бұл факт биыл мамырда анықатлған. Оған қатысы бар барлық адам полицияға жеткізіліп, қылмыстық іс қозағылыпты. Іс қазір тергелуде. 

https://www.youtube.com/embed/awz6G7N50Ag?si=2LBvEFmxr5VAnv-_"

Асыл тұқымды бұғыларға жататын маралдың мүйізі — емдік қасиетке ие әрі басқа тіршілік иелерінде кездеспейді. Қазір Іле-Алатау ұлттық табиғи паркінің орманшылары қызыл кітапқа енген жануарды қорғау жұмыстарын қарқынды жүргізуде. Біздің түсірілім тобымыз аңтанушылармен бірге маралдарды бақылап қайтты.

ШОЛПАН МАРАТҚЫЗЫ ЖУРНАЛИСТ

Маралдың  басты қазынасы әрі қаруы – оның мүйізі. Медицинада мүйіздері мен қанынан түрлі дәрі-дәрмектер жасалады. Қуатты мүйіздерінің арқасында, ол кез-келген жыртқышқа төтеп бере алады.Қалаға жақын орналасқан Ілі-Алатау ұлттық табиғи паркінде 5 филиал бар. Түсірілім тобымызбен Медеу филиалында болып қайттық.

САЙРАН ҰЛАНҰЛЫ ІЛЕ-АЛАТАУ ТАБИҒИ ҰЛТТЫҚ ПАРКІНІҢ МЕДЕУ ФИЛИАЛЫНЫҢ ҮЛКЕН АЛМАТЫ ОРМАНШЫЛЫҒЫНЫҢ ОРМАНШЫЛЫҚ БАСШЫСЫ «Үлкен Алматы орманшылығының жалпы жер көлемі 26,692 гектар жер. Бұл жерде 13 инспектор қызмет атқарады. 13 инспектордың әрқайсысының аумағында қалаға жақын орналасқан жер болса да жан-жануарлардың көптеген түрі мекендейді.Оның ішінде атап айтар болсақ: аю, қар барысы, марал, суыр әртүрлі аңдар мекендейді.Әр аңның өзінің мекен ететін жерлері бар. Қарап тұрсаңыздар, Көкжайлау жақтарда қарап тұрсаңыздар марал көптеп кездеседі».

Иә, Сайран Ұланұлы айтқандай Көкжайлау жерінің Күмбел шыңынан біздің де камерамызға маралдарды түсірудің сәті түсті. Байқағандарыңыздай, бұл тұяқтылар күндізгіге қарағанда кешке, түнде, таңсәріде өте белсенді.

КЕНЖЕ АМИРҰЛЫ ІЛЕ-АЛАТАУ ТАБИҒИ ҰЛТТЫҚ ПАРКТІҢ МЕДЕУ ФИЛИАЛЫНЫҢ АҢТАНУШЫ-БИОЛОГЫ «Маралдардың мүйіздерінің ұзындығы 1,5-2 м болады. Бір жағы 6-7 отростоктардан болады үлкендері. 20-25 жылға дейін өмір сүреді марал. Еркектері 340-300 үстінде болады, ұрғашыларының мүйіздері өспейді».

Сондай-ақ, аңтанушылар жабайы жануарлар жүретін арнайы орындарға фото-тұзақтарды орнатады. Бұл аппарат жануарлардың санын анықтауға әрі бақылауға көп септігін тигізеді дейді мамандар.

КЕНЖЕ АМИРҰЛЫ ІЛЕ-АЛАТАУ ТАБИҒИ ҰЛТТЫҚ ПАРКТІҢ МЕДЕУ ФИЛИАЛЫНЫҢ АҢТАНУШЫ-БИОЛОГЫ «Фото-тұзақ орнатамыз жыл бойы. Барысқа, маралға, таутекеге, сілеусінге қоямыз. Олардың санын, санағын білу үшін орнатамыз.Фото-тұзақтың батарейкалары 25-30 күнге, 2 айға дейін жетеді.500-700 сурет-видеоға дейін түсіреді».

Статистика сүйенсек, Медеу филиалында 182 марал бар. Сондай-ақ, қар барысы, сілеусін, таутеке сынды түрлі аңдарды да көруге болады.