- Толығырық
- Категория: Алатау ақпараты
- 240 рет қаралды
https://www.youtube.com/embed/NvjiviTQu-4?si=Umtip4mOQfcyG6LS"
Орал қаласының Жұлдыз шағынауданы тұрғындары үй ауласында ұялы байланыс мұнарасының орнатылуына наразы.Тұрындардың қарсы болуына қандай себеп,келесі бейнесюжетте.
Шетте орналасқан баспана иелерінің шағымы болмаса, орталықта байланыс қолжетімді. Бейтаныс кәсіпкер байланыс мұнарасын жеке тұрғын үйдің ауласына орнатпақшы болғанымен,тұрғындар құрылғының бұлай тым жақын тұруы денсаулыққа зиян деп топшылап отыр.
НАЙЛЯ НЫҒМЕТОВА ҚАЛА ТҰРҒЫНЫ
Мердігер мұнараны 2023 жылдың шілдесінде орнатуы тиіс болған. Кәсіпкер «екі тараппен келісімшарт жасасып, заңнама аясында жұмыс жүргізіп отырмын» дейді.
МАНАС ШАЙХИН МЕРДІГЕР МЕКЕМЕ ӨКІЛІ
Мердігер мен тұрғындардың кездесуіне ауласына мұнара орнатуға рұқсат берген үй иесі бой көрсетпеді. Ал жұмысшылар болса темір қоршауды кесіп, жұмыс жүргізген.
АЛЬБИНА НӘСІПҚАЛИЕВА ҚАЛА ТҰРҒЫНЫ: «Бізден ешкім рұқсат сұрап жатқан жоқ. Бастысы тұрғын үй иесімен келісім жасағанын айтады. Бұл іске біздің қатысымыз жоқ деп шешіпті. Мердігермен 4-ші мәрте кездесуге келіп тұрмыз. Баспана иесі бұл жолы да қатыспады. Жұмысшылар емін-еркін жұмыс жасап жатыр. Бұны қалай түсінеміз? Біз келісім берген жоқпыз».
Облыстық санитариялық-эпидемиологиялық бақылау департаментінің мамандары сараптама жасап, оң қорытынды берген.
ГҮЛДАНА КЕРЕЕВА БҚО САНИТАРИЯЛЫҚ-ЭПИДЕМИОЛОГИЯЛЫҚ БАҚЫЛАУ ДЕПАРТАМЕНТІ БАСШЫСЫНЫҢ ОРЫНБАСАРЫ
2023 жылы департаментке тұрғындардан осыған ұқсас 4 шағым түскен. Жүргізілген зерттеулер бойынша ұялы байланыс құрылғыларының жақын орналасуынан қауіп аз екені дәлелденген.
- Толығырық
- Категория: Алатау ақпараты
- 215 рет қаралды
https://www.youtube.com/embed/sne0UN71SFc?si=BSbcITZz6NrUEA4m"
Қызылорда өңірінде төрт түліктің саны көбеюде.Сонымен қатар, оларға жұғатын түрлі дерттердің де қатары кем деуге болмайды.Жануарларды лдын ала егу жұмыстары жүйелі жолға қойылған. Десе де, ем қонбайтын сәттерде ауру малдардың өлекселері мен биологиялық қалдықтарды тастайтын 146 қорым бар.Соның ішінде ветеринариялық-санитариялық талаптарға сәйкес типтік жобадағы 90 мал қорымы жасақталған болса, қалған 56-ы қарапайым шұқырлар.
АШМ тарапынан бекітілген жоспарға сәйкес, ҚР Үкіметі және Дүниежүзілік жануарлар денсаулығы ұйымы арасындағы келісімді іске асыру мақсатында, жануарлардың аса қауіпті ауруларының алдын-алу бойынша аймақта симулятивті оқу жаттығуы өткізілген. Оқу-жаттығу барысында сібір жарасы ауруына күдікті жағдай тіркелген уақытта алгоритмге сәйкес тиісті мекемелерге хабарламалар беру, өлекселерден патологиялық үлгілер алу, оларды ветеринариялық зерітханаға жеткізу, карантин іс-шараларын белгілеу, сауықтыру жұмыстарын жанжақты ақпараттандырған.Әдістері толыққанды түсіндіріліп, көрсетілген.
ШАХМАРДАН ҚОЙШЫБАЕВ ҚЫЗЫЛОРДА ОБЛЫСЫ ВЕТЕРИНАРИЯ БАСҚАРМАСЫНЫҢ БАСШЫСЫ Сонымен қатар облыс көлемінде ауыл шаруашылығы жануарлары арасында ауру ошақтарын болдырмау, алдын алу, тұрақтылықты сақтау мақсатында 2023 жылы аса қауіпті 14 түрлі жұқпалу ауруларға 6973,5 мың доза ветеринариялық препараттар облысқа толық тасымалданып жеткізілген.
- Толығырық
- Категория: Алатау ақпараты
- 244 рет қаралды
https://www.youtube.com/embed/IkSz_KrFLqk?si=0VT3egRNR9Pt-F2Y"
«Баланың балалығы балдай болсын» деп салынған Ақтау қаласындағы балалар ойын алаңы енді дау болып тұр. Даудың басын шешуші әкімдік бәрін қалпына келтіреміз, мердігер компания жақында қайта жұмыстарына кіріседі, сәл шыдаңыздар дейді. Толығырақ алдағы сюжетте.
Бұл Ақтау қаласының 11 шағын ауданының 21-ші үй маңы. Кішкентай тұрғындарға арнап салынған мына ойын алаңы желтоқсан айында пайдалануға берілген. Бірақ, жарты жылға да шыдамаған алаңның орны болғанымен ойнайтын әткеншегінің сапасы кетіп, сырғанағының ортасы түскен. Жасанды төсеніштің сұры бар да сәні жоқ.
ТҰРҒЫН: "Бұл айналмалы шеңберлерді тым төмен жасаған. Жерге тиіп жасалғандықтан сынып, жарамсыз болып қалды. Әуелден сапасыз жұмыс жасалды. Әткеншектер сынғасын оны алып кетті. Енді мына сырғанақта қисайып әрең тұр".
Жауаптылардың айтуынша ойын алаңынын құралдарын мердігерлер әсте сапалы түрде алып келмеген. Сол себепті, алаң 1 айда осындай хәлге түсіп тұр. Ал, әкімдіктің жауабы біреу – жұмыс жүріп жатыр.
БАХТИЯР МАҚСАТОВ АҚТАУ ҚАЛАЛЫҚ ТҮКШ БӨЛІМІ БАСШЫСЫНЫҢ ОРЫНБАСАРЫ "Мердігер мекеме өз міндеттерін негізінде толықтай орындап, балалар ойын алаңын орналастырған болатын. Алайда, бұл элементтер, сапасына сай болмай, көп ұзамай істен шыққан. Бірақ арадағы келісім шартта бір жылдық кепілдік мерзімі бар мердігер мекеме мен тапсырыс беругі арасында. Осы негіздеме аясында мердігер мекеме өзінің міндеттемелерін толықтай орындайтын болады. Яғни, жанағы айтқан екі мекен жайдағы балар ойын алаңының элементтерін толықтай жаңартып, төсенішін жаңадан ауыстыратын болады".
Ойнауға берілген ойын алаңының жаңаруы ақпан айында басталмақ. Бірақ, барлығы құбылмалы ауа-райына байланысты болмақ. Мердігер мекеме сапалы материалдармен сын болмайтын алаң жасауға кірісті.
- Толығырық
- Категория: Алатау ақпараты
- 241 рет қаралды
https://www.youtube.com/embed/p48rkM8vwD8?si=RSS6Wx6kPxmGvCpI"
- Толығырық
- Категория: Алатау ақпараты
- 259 рет қаралды
https://www.youtube.com/embed/ZbqhEY7Feyo?si=TlCTn77bzddMeBWt"
Бұдан былай электронды темекі, вейп сатқандар мен оны өндіргендер қылмыстық жауапкершілікке тартылады. Екі жылға дейін бас бостандығынан айырылады. Бүгін Мәжіліс вейпке толық тиым салатын заң жобасын екінші оқылымда мақұлдады. Сондай-ақ депутаттар енді жастар денсаулығына зиян кальянды да қолдануға тыйым салатын заң жобасын әзірлеу керек дейді. Мәжілісмендер көтерген өзекті мәселелер толығырақ алдағы бейнесюжетте.
Вейптерді әкелуге, өндіруге, сатуға және таратуға тыйым салынады. Олардың заңсыз айналымы үшін қылмыстық жауапкершілік енгізіледі: сатқаны үшін 50 тәулікке дейін қамалады. Әкеліп, таратқаны үшін – 2 жылға дейін бас бостандығынан айырылады. Ал, қылмыстық топ құрып, аса iрi мөлшерде вейптерді таратса – 5 жылын темір торда өткізеді. Жаңа құжат бүгін мәжілісте қабылданып, сенатқа жолданды. Бұндай заң енді кальянға да қажет дейді депутаттар.
ДӘУЛЕТ ТҰРЛЫХАНОВ ҚР ПАРЛАМЕНТІ МӘЖІЛІСІНІҢ ДЕПУТАТЫ: «Бүгінде арнайы көңіл көтеретін, тамақтанатын орындарды қойып, жастар көлікке салып алып қорқорлататын жағдайға жетті. Ал кальянның құрамында не бар екені, не қосып жатқаны мүлдем белгісіз. Оған гашишь те, арақ та, коньяк та қосуы әбден мүмкін. Алайда оған бақылау жүргізілмейді. Кальянды қоғамдық орындарда қолдануға заң жүзінде тыйым бар. Алайда бұл норма орындалмай отыр. Өйткені 3 жыл бойы кәсіпкерлік субъектілерін тексеруге мораторий болды. Тексерісті тоқтату деген заңды бұзуға болады деген сөз емес қой. Бірақ пайдаға дәндеген кәсіпкерлер мұны пайдаланып қалуға тырысты. Кальян таратушылар тек өздерінің ғана емес, қасындағы адамдардың да денсаулықтарына зиянын тигізіп жатыр».
Одан бөлек, бүгін мәжіліс депутаттары денсаулық сақтау туралы заңға енетін өзгерістер мен толықтыруларды мақұлдады. Жаңа құжатта дәрігерлерге арналған бірқатар оң өзгерістер бар. Мәселен, енді ақ халатты абзал жандардың балаларын балабақшаға орналастыруда арнайы жеңілдік болады. Ауылға барған дәрігерлерге 9 млн теңгеге жуық көтермеақы беріледі. Ал, жыл сайын өтетін конкурс «Үздік маман» жеңімпазына 1 млн 700 мыңнан аса сыйақы төленеді.
ГҮЛДАРА НҰРЫМОВА ҚР ПАРЛАМЕНТІ МӘЖІЛІСІНІҢ ДЕПУТАТЫ: «Бұдан басқа, медицина кадрларын ынталандыру және олардың тапшылығын қысқарту үшін ауылға жұмыс істеу үшін келетін медицина қызметкерлеріне 100 ең төменгі жалақы мөлшерінде біржолғы ақшалай төлемді жүзеге асыру жөніндегі нормалар қабылданды».
Одан бөлек, мәжіліс депутаттары мүмкіндігі шектеулі жандарды баспанамен қамту, қаржы нарығын реттеу сынды проблемаларды ашық көтеріп үкімет басшысының атына депутаттық сауал жолдады. Ал, депутат Бақытжан Базарбек кешегі зілзалада халықты ақпараттандырмаған ресми органдардың жұмысын сынап, жер сілкінісіне дайындықты қатаң тексеруді ұсынды.
БАҚЫТЖАН БАЗАРБЕК ҚР ПАРЛАМЕНТІ МӘЖІЛІСІНІҢ ДЕПУТАТЫ: «Тұрғындар басында әбігерге түсті. Бойын үрей билеген халық жапатармағай сыртқа ұмтылды. Тіпті көпқабатты үйлердің терезесінен секіруге дейін барды. Көліктерімен қала сыртына шығып кетпек болғандарда есеп жоқ. Оның соңы ұзынсонар кептеліске ұласты. Бұл – еліміздің ең үлкен қаласы, жан-жақты дамыған, инфрақұрылымы мықты Алматыдағы жағдай. Абырой болғанда, ғимараттар құламады, адам шығыны жоқ. Десе де, мұндай жағдайдың қайталанбасына кім кепіл?!»
Осылай деген депутат апатқа дайын болатындай мәдениет қалыптастыру керек деді. Ол үшін дереу халық арасында түсіндірме жұмыстарын жүргізіп, әр адамды сауаттындару керек дейді.
- Толығырық
- Категория: Алатау ақпараты
- 226 рет қаралды
https://www.youtube.com/embed/eTFQ2o6xOOI?si=Zf3HU3zWdGYdCrkx"
Алматы облысына қарасты Первомай өнеркәсіп аймағында полиэтилен өнімдері сақталған қойма өртенді.Төтенше жағдайлар департаментінің ақпаратына сүйенсек, жағымсыз жағдай, таңғы сағат 7 шамасында орын алған. Оқиға орнына дереу Алматы облысы ТЖД қызметкерлері жіберілді. Сағат 7:20–да алғашқы өрт сөндіру бөлімшелері келген кезде нысан толығымен отқа оранған. Сонымен қатар, шақырудың жоғары дәрежесі бойынша жақын маңдағы бөлімшелердің күш-құралдары жөнелтілген. Өрттің үлкен аумаққа таралуының себебі — өрт туралы кеш хабарлаудың салдарынан болған. Тілсіз жау, сағат 9:12–де оқшауланды. Жақын маңдағы қоймаға оттың таралуына жол берілмеді.Абырой болғанда зардап шеккендер жоқ.
АЗАМАТ ӘЛҒОЖАЕВ АЛМАТЫ ОБЛЫСТЫҚ ӨРТ СӨНДІРУ ЖӘНЕ АВАРИЯЛЫҚ-ҚҰТҚАРУ ЖҰМЫСТАРЫН ҰЙЫМДАСТЫРУ БӨЛІМІНІҢ БАСТЫҒЫ: «Өрттің себебін анықтау үшін Алматы облысы ТЖД анықтау бөлімінің және өрт зертханасының қызметкерлері жұмыс істеп жатыр.Қызыл жалынды сөндіруге Алматы облысы ТЖД 37 қызметкері мен 14 техникасы және Алматы қаласынан 22 маман мен 4 өрт сөндіру машинасы жұмылдырылды».
- Толығырық
- Категория: Алатау ақпараты
- 231 рет қаралды
https://www.youtube.com/embed/i_ab-aw8BOA?si=t5KCwoXPKIE-UokP"
Тұлғалардың тағылымын тыңдап,тәрбие тамырына нәр жүгірту мақсатында Ғ.Мүсірепов атындағы білім ошағының ұжымы, балалар мен жасөспірімдер театры тарландарымен кездесу өткізді. Қазақ тілі мен әдебиеті пәнінің онкүндігі аясында ұйымдастырылған шарада өнер саңлақтары мұражай аралаудан бастап,өз кезегінде қолтаңбаларын қалдырды. Қонақкәде жоралғысымен ән билерін арнаған мектеп ұжымына өнер иелері өмірдегі, өнердегі ойларымен маңызды сұқбат жүргізіп, алғыстарын жеткізді.
ЖОМАРТ ЗЕЙНӘБІЛ Ғ.МҮСІРЕПОВ АТЫНДАҒЫ ҚАЗАҚ МЕМЛЕКЕТТІК АКАДЕМИЯЛЫҚ БАЛАЛАР МЕН ЖАСӨСПІРІМДЕР ТЕАТРЫНЫҢ АКТЕРІ
Өнеріміз бен мәдениетімізді рухани тұрғыдан келешек ұрпақтың бойына сіңіру басты мақсатымыз дейді білім ошағының басшысы.
АСҚАР САРБАСОВ АЛМАТЫ ҚАЛАСЫ Ғ.МҮСІРЕПОВ АТЫНДАҒЫ 86 МЕКТЕП ГИМНАЗИЯНЫҢ ДИРЕКТОРЫ
- Толығырық
- Категория: Алатау ақпараты
- 213 рет қаралды
https://www.youtube.com/embed/F4LsddWiSA8?si=DsMWmjpQssKMN-xs"
Қырғызстан мен Қытайдың Шыңжаң-Ұйғыр автономиялық ауданында 23 қаңтарда болған 7,1 балдық жер сілкінісі салдарынан кем дегенде үш адам қаза тапты.
Мұндай мәліметтерді Қытайдың мемлекеттік ақпарат құралдары таратып отыр. Сәрсенбі күні таңертеңге дейін 1100-ден астам афтер сілкініс тіркелді. Олардың ең күштісінің магнитудасы 5,7, ал оның ошағы алдыңғысынан екі шақырым жерде болған. 7,1 балдық зілзаладан кейін 1100 афтер сілкінісі болған. Қытай сейсмологиялық орталығының дерегіне сүйенсек, магнитудасы 5,7-тен көп зілзала тіркелген.
Оның эпидошағы алдыңғысынан екі шақырым жерде орналасқан. 12 мыңнан астам адам үйлерін тастап кетуге мәжбүр болды. Тұрғындардың басым бөлігі спорт залдарын паналап жатыр. Жығылғанға жұдырық. Қытайдың оңтүстік-атысындағы Юньнань провинциясында көшкін жүріп, тұрғын үйлерді басып қалды. Апат Чжаотун қаласында болды. Жергілікті ақпарат құралдарының хабарлауынша, мұнда қаза тапқандар саны 31-ге жеткен.
Сонымен бірге 900-ге жуық адам баспаналарын тастап кетті. Құтқару жұмыстарына аяз пен қардың жаууы кедергі келтіруде.
- Толығырық
- Категория: Алатау ақпараты
- 229 рет қаралды
https://www.youtube.com/embed/VJLk2N7yDV4?si=Z_YJqRlxRAZJZ2xt"
Петропавл қаласындағы бірінші гимназияның 6-шы сынып оқушысы азаматтық қорғаныс құралдарының түр-түрін жинаумен әуестенеді. 12 жастағы оқушының коллекциясында бүгінде 30-дан астам жәдігер бар.
Егор Папст азаматтық қорғаныс құралдарын 2021-жылдан бері жинаумен айналысып келеді. Жиынтығындағы алғашқы газтұтқышты әкесі тарту еткен екен. Бұл жеткіншектің осы заттарға деген қызығушылығын оятқан.
ЕГОР ПАПСТ ОҚУШЫ: «Қорғаныс құралдарын жинауға деген қызығушылық Чернобыль атом электр станциясы туралы бағдарламаны көрген сәтте басталды. Коллекциямдағы алғашқы газтұтқышым – ГП 5 деп аталады. Қазір жинағымда газтұтқыштардан бөлек, арнайы кітаптар да бар. Ата-анам да менің қызығушылығымды құптап, коллекциямның көбеюіне үлес қосып жатыр».
Егордың жинағына қызығушылық туындап гимназияда көрме де ұйымдастырған. Облыстық төтенше жағдайлар департаментінің қызметкерлері де бұл бастаманы қолдап отыр.
ТЕМІРХАН САҒЫНДЫҚОВ ПЕТРОПАВЛ ҚАЛАЛЫҚ ТЖБ АЗАМАТТЫҚ ҚОРҒАНЫС ТОБЫНЫҢ ОФИЦЕРІ «Осы Петропавл қаласының бірінші гимназиясында 6 сынып оқушысы газқағарлар жинайды деген ақпаратты естіп, осында келіп отырмыз. Шынымды айтсам осында жас жеткіншекте қызығушылығы барын көріп тәнті болып отырмыз. Егер бұл бала болашақта көрме жасаймын, газқағарларын баршаға жариялаймын десе, ТЖ атынан қолдау көрсетеміз».
Егор жәдігерлер қатарын толықтыра түспек ниетте. Гимназияда ұйымдастырылған көрме наурызға дейін жалғасады. Өйткені 1 наурыз – дүниежүзілік азаматтық қорғаныс күні атап өтіледі.
- Толығырық
- Категория: Алатау ақпараты
- 232 рет қаралды
https://www.youtube.com/embed/6dVOsrQ7Ig0?si=wEcI1FxxuLzoPaix"
Француз фермерлері ауыл шаруашылық наразылықтары кезінде қаза тапқан әйелді бір минут үнсіздікпен еске алды. Қайғылы оқиға елдің оңтүстігіндегі Арьеж департаментінде болды. Белгісіз себептермен көлік жолға қойылған сабанға соғылды. Ал, оның артында бір отбасы тұрған. Апат салдарынан фермер әйел оқиға орнында көз жұмды. Күйеуі мен қызы ауыр жарақат алды.
Диқандардың шеруге шыққанына екі апта болды. Фермерлер Франциядағы жолдарды жауып тастады. Наразылық білдірушілер үкіметті фермерлерден өнім бағасын төмендетуді талап етпеуге, сондай-ақ экологиялық стандарттарды жеңілдетуге шақыруда.
КРИСТОФ БЕЭВАР ФЕРМЕР: «Мәселе мынада, стандарттарды кеңселерде отырған адамдар белгілейді. Шенеуніктер бізге жаһандық жылыну мен климаттық қауіптер туралы айтады, бірақ олар сусыз тұқым өнбейтінін түсінбейді. Сосын бізге егінді суғарсақ та айыппұл салады. Жаңбыр жауса, бізге егін егуге тыйым салған. Ол үшін де айыппұл арқалаймыз. Біз шаршадық».
АЛЕКСИЯ ПЕЛЛЕТЬЕ ФЕРМЕРДІҢ ҚЫЗЫ: «Шынымды айтсам, бәрі өте қиын. Кейін әкемнің шаруашылығын ары қарай басқару маған жүктелген. Бірақ бүкіл әлемде ауыл шаруашылығы қиындап жатыр және бұл өте қорқынышты. Францияда шағын шаруа қожалықтары жойылып, олардың орнын ірі қожалықтар басып жатқанын көріп отырмыз».
ЛЮК СМЕССАР FNSEA ФЕРМЕРЛЕР ОДАҒЫНЫҢ ВИЦЕ-ПРЕЗИДЕНТІ: «Бес айдан кейін Еуропарламентке сайлау болады. Ауыл шаруашылығы саласын тағы да стратегиялық маңызды деп атаған жөн, фермерлерді бақылауды доғарады деген үміт бар. Біз халықты асырау үшін жұмыс істейтін парасатты адамдармыз. Бізді заңға бағынбайтындар дегенді тоқтату керек ».
Франция - Еуро одақтың ең ірі ауыл шаруашылық өндірушісі. Алайда үкімет саясаты көбінесе фермерлерді наразылық білдіруге мәжбүр етеді. Осындай іс-шаралар қазір Германия, Польша, Румыния және Нидерландыда ұйымдастырылуда. Сонымен бірге, Еуропалық комиссия жақында 2014 және 2023 жылдар аралығында фермерлер мен басқа өндірушілерді қолдау үшін 63 шара қабылдағаны туралы айтты. Оған 2,5 миллиард еуро жұмсаған.
- Толығырық
- Категория: Алатау ақпараты
- 232 рет қаралды
https://www.youtube.com/embed/nr6c8R9HWBk?si=uW1rocjvOV0NuiO0"
2020 жылдың қараша айында Дүниежүзілік денсаулық сақтау ұйымының жатыр мойны обырын жоюды жеделдету жөніндегі жаһандық стратегиясы қабылданған болатын. Жатыр мойны обыры - бұл алдын алуға болатын жалғыз қатерлі ісік.Бүгін өңірлік коммуникациялар қызметінің алаңында қандай қатерлі індеттер көш бастап тұрғаны айтылды.
Алматы онкологиялық орталығының есебінде 31 мыңнан астам пациент бар. Қатерлі ісіктерден болатын өлім - жітім үш жылда-12,4% төмендеген. 2023 жылдың қорытындысы бойынша есепке алынған 5491 науқастың 125-де ауру асқынған кезеңде анықталған.
НҰРСҰЛТАН ІЗБАҒАМБЕТОВ АЛМАТЫ ОНКОЛОГИЯЛЫҚ ОРТАЛЫҒЫНЫҢ ДИРЕКТОРЫ: «Қатерлі ісікті ерте анықтау мақсатында республикада жатыр мойны обыры, сүт безі обыры және тоқ ішек обыры бойынша скринингтік бағдарламалар жұмыс істейді. 2023 жылдың қорытындысы бойынша скрининг кезінде қатерлі ісіктің 298 жағдайы анықталды. Барлық пациенттер мамандандырылған емдеумен қамтылған».
Ұлттық Онкологиялық тіркеу деректері бойынша Алматыда жатыр мойны обырының 55% - ы бірінші кезеңде тіркеледі. Дәрігерлер жатыр мойны індетін ерте анықтау скринингтік бағдарламаның арқасында алдын алғанын тілге тиек етуде.
РАЙХАН БОЛАТБЕКОВА АЛМАТЫ ОНКОЛОГИЯЛЫҚ ОРТАЛЫҒЫНЫҢ ОНКОГИНЕКОЛОГИЯЛЫҚ БӨЛІМШЕСІНІҢ МЕҢГЕРУШІСІ: «Қазақстан Республикасында жатыр мойны обыры тақырыбы денсаулық сақтау саласында өзекті болып табылады. Жыл сайын жатыр мойны обырының 1900-ден астам жаңа жағдайы анықталады және осы аурудан 600-ге жуық өлім-жітім тіркеледі. Бұл дерт онкологиялық аурулар бойынша екінші орында. Біз 20-30 жас аралығындағы жас әйелдерде жатыр мойны обыры қатерлі дертін жиі тіркейміз».
Жалпы Алматы онкологиялық орталығында айтулы обырмен есепте 2522 әйел тұр. Сол себепті, осы жылдың күзінен бастап Алматыда ата-анасының келісімімен 11 жасар қыздарды папиллома вирусына қарсы вакцинациялау басталады Бұл ДДҰ-ның Денсаулық сақтау мәселесі ретінде жатыр мойны індетін жоюды жеделдету жөніндегі жаһандық стратегиясының маңызды құрамдас бөлігі.
РАЙХАН БОЛАТБЕКОВА АЛМАТЫ ОНКОЛОГИЯЛЫҚ ОРТАЛЫҒЫНЫҢ ОНКОГИНЕКОЛОГИЯЛЫҚ БӨЛІМШЕСІНІҢ МЕҢГЕРУШІСІ: «Жаппай вакцинацияның негізгі контингенті - 9-13 жас аралығындағы жасөспірім қыздар. Бұл жас қыздарға жыныстық өмір басталғанға дейін жаппай вакцинациялау мақсатында таңдалды, өйткені жыныстық өмірде 10 жасынан бастаған жағдайлар да бар. Ең дұрысы, әйелдер жыныстық қатынас басталғанға дейін вакцина алуы керек. ДДҰ вакцинаны 26 жасқа дейін алуды ұсынады, ал АҚШ-та 45 жасқа дейін алу ұсынылады".
Қаңтар - жатыр мойны обыры туралы хабардар ету айы. ПВИ вакцинациясын жүргізу елімізде айтулы ауруға шалдыққандардың қатарын 74,2% - ға төмендетуге мүмкіндік береді.
- Толығырық
- Категория: Алатау ақпараты
- 208 рет қаралды
https://www.youtube.com/embed/K4V0LrLXAMI?si=Hg8BqJPIgIoJojJG"
Бүгін Мемлекет басшысы Қасым-Жомарт Тоқаев Башқұртстан Республикасының басшысы Радий Хабировты қабылдады. Президент Астана мен Мәскеудің екіжақты байланыстарын нығайтуға өңіраралық ықпалдастық елеулі үлес қосып отырғанын атап өтті. Осы орайда Башқұртстан Республикасы ерекше рөл атқарады.
ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ: «Қазақстан мен Ресей арасындағы жан-жақты қатынастарға тың серпін беру тұрғысынан алғанда бүгінгі сапарыңыздың мәні зор. Біз индустрия, агроөнеркәсіп кешені және гуманитарлық салалардағы байланыстарымызды әртараптандыру үшін барынша күш саламыз».
Қасым-Жомарт Тоқаев бірқатар келісімнің, соның ішінде үкіметтер деңгейінде қол қойылған Ынтымақтастықтың 2023-2024 жылдарға арналған жол картасының табысты жүзеге асырылып жатқанына назар аударды. Мемлекет басшысы еліміздің өңірлері мен Башқұртстан арасындағы тауар айналымының қарқынын оң бағалады. Былтырғы 11 айдың қорытындысы бойынша сауда-саттық деңгейінің көрсеткіші 350 миллион доллардан асты. Бұл ретте Қазақстан Башқұртстан Республикасының жетекші сауда серіктестерінің үштігіне кіреді. Өз кезегінде Радий Хабиров қазақ жерінде қонақжайлық көрсеткені үшін Қасым-Жомарт Тоқаевқа алғыс айтты.
РАДИЙ ХАБИРОВ БАШҚҰРТСТАН РЕСПУБЛИКАСЫНЫҢ БАСШЫСЫ: «Башқұртстан мен Қазақстан арасындағы қарым-қатынасты дамытуға ерекше мән беретініңізді білеміз. Менімен бірге үлкен делегация келді. 2-3 жылдың ішінде біз тауар айналымы мен өнеркәсіп кооперациясының көлемін айтарлықтай ұлғайттық. Бүгін «Қазақстан – Башқұртстан» форумын аштық. Біз үшін Қазақстан – ең басты серіктес. Біз мұнда өзімізді еркін сезінеміз».
Тағы басқа мақалалар...
98 ішінен 187 беті
Alatau News, Copyright 2023, All Rights Reserved.