https://www.youtube.com/embed/XQ-upnY4uQs?si=vZHSRarZtD6CkMGm" 

Көрнекті жазушы, еліміздегі детектив жанрының негізін қалаушы, журналист, қоғам қайраткері Кемел Тоқаевтың 100 жылдығы аясында Әл-Фараби атындағы Қазақ ұлттық университетінде заманауи үлгіде жасақталған Кемел Тоқаев аудиториясы ашылды. Сондай-ақ «Детектив дарабозы» атты кітаптың тұсауы кесілді.

Кемел Тоқаев – дара талантымен журналистік, әдеби ортаға ерте танылған қайраткер, қарымды қаламгер. Бүгінгі өткен салтанатты рәсімге мемлекет және қоғам қайраткерлері, ақын-жазушылар, тарихшылар, зиялы қауым өкілдері мен ғалымдар, оқу ордасының оқытушы-профессорлар құрамы қатысты. Жиылғандар алдымен Әл-Фараби кітапханасы қорындағы Кемел Тоқаевтың кітаптары мен өмірінің жарқын сәттерінен түсірілген фотосуреттер қойылған көрмені аралап көрді. Онда қайраткер тұлғаның газет беттеріне шыққан мақалалары, құжаттар мен майдандастарының естеліктері қойылған.

Аудиторияның ашылу салтанатында университет басшысы Жансейіт Түймебаев құттықтау сөз сөйлеп, Кемел Тоқаевтың еңбек жолына тоқталды. Өз сөзінде ректор  Кемел Тоқаев тек қазақ детектив жанрының ғана емес,Орталық Азия әдебиетіне ерекше үлес қосқан қаламгер екенін атап өтті.

ЖАНСЕЙІТ ТҮЙМЕБАЕВ ӘЛ-ФАРАБИ АТЫНДАҒЫ ҚАЗАҚ ҰЛТТЫҚ УНИВЕРСИТЕТІНІҢ БАСҚАРМА ТӨРАҒАСЫ-РЕКТОР:  «Кемел Тоқаев ағамыз университетті бітіргеннен кейін көптеген жылдар журналистика саласында жұмыс істеп, газет-журналдарда жұмыс істеді. Одан кейінгі 70 жылдары Вестник, Хабаршы, Жоғары Кеңес үкіметтің «Хабаршы» журналын басып, сол кезде де өзінің еңбегін сіңірді. Былай қараған кезде, ол кісінің өмірі: қоғамдық қайраткерлік, журналистика, жазушылық осындай 3 салаға бөлуге болады».

Шара барысында Кемел Тоқаевтың 100 жылдығына орай басылып шыққан «Детектив дарабозы» атты кітаптың тұсауы кесілді. Бұл жинақ үш бөлімнен тұрады. «Кемел көкжиегі» деп аталатын бірінші бөлімде жазушының бұрын кітапқа жинақталмаған көркем-публицистикалық туындылары берілген. «Қаламдастар құрметі» деп аталатын екінші бөлімде кемел тұлға туралы айтулы ғалымдар мен замандастарының естеліктері жинақталды. Ал «Ізбасарлар ізеті» деп аталған үшінші бөлімде Кемел Тоқаев туралы қазіргі қазақ журналистерінің, әдебиетші ғалымдардың мақалалары топтастырылған. Кітапқа ҚР Орталық мемлекеттік кино-фотоқұжаттар мен дыбыс жазбалар архивінен алынған материалдар енгізілді. Сонымен қатар,  Мемлекет басшысы Қасым-Жомарт Кемелұлы Тоқаевтың түрік тіліне аударылған «Әке туралы ой-толғау» кітабы таныстырылды.

ВЛАСТИМИЛ САМЕК БҰҰ ЖАҺАНДЫҚ КОММУНИКАЦИЯ ДЕПАРТАМЕНТІНІҢ ҚАЗАҚСТАН РЕСПУБЛИКАСЫНДАҒЫ ӨКІЛІ БҰҰ ҚР АҚПАРАТ БЮРОСЫНЫҢ БАСШЫСЫ «Құрметті қауым, шақырғандарыңыз үшін барлықтарыңызға рахмет! Детектив жанрның негізін қалаушы, қаламгер Кемел Тоқаевтың 100 жылдығы үлкен ауқымда аталып өтуде. Осындай жиынның ортасында болғанымызға қуаныштымыз».

Алқалы жиында ақын-жазушылар, зиялы қауым өкілдері Кемел Тоқаевтың азаматтық қыры мен жазушылық сыры туралы пікір білдірді.

АЛМАСБЕК МАУЛЕНОВ ЖАМБЫЛ АТЫНДАҒЫ ҒЫЛЫМИ ЗЕРТТЕУ ОРТАЛЫҒЫНЫҢ ДИРЕКТОРЫ, ФИЛОЛОГИЯ ҒЫЛЫМДАРЫНЫҢ ДОКТОРЫ, ПРОФЕССОР: «Бұл кісінің қазақ әдебиетіндегі өзіндік алатын орны бар. Міне бізге бейтаныс, тек қана шетелдік әдебиеттерден ғана танылып келген детектив жанрның шытырман оқиғаға толы шырғалаң дүниені әдебиетке алып келуі бұл кісінің осы саладағы негізгі еңбектерінің бірі деп айтсақ болады».

Кемел Тоқаев атындағы аудитория замануи үлгіде безендірілген. Онда жазушының шығармалары, жинақтары және қаламгер туралы жазылған кітаптар, фотосуреттер қойылған. Білім алушы жастардың емін-еркін сабақ оқуларына жағдай жасалған. Айта кетейік, ағымдағы жылы елімізде ғана емес, барша Түркі әлемінде жазушы Кемел Тоқаевтың 100 жылдығы кең көлемде тойланып жатыр. Қаламгерлер мен өнер адамдары — халық айнасы болып қала бермек.

https://www.youtube.com/embed/FrNKJGt8kTs?si=fHBnVG3pAG59gDsi"

Алматы облысы Кеген ауданында туристік әлеует артып келеді.Биыл аймаққа қарасты Көлсай көлдері мен Шарын шатқалдарын көруге келген туристердің саны 200-мыңнан асқан.Нәтижиесінде салық қазынасына 70 миллион теңгеге жуық  қаражат түскен.Жергілікті тұрғындарды жұмыс пен қамту, ауылдық инфрақұрылымды жаңғырту бағытында қандай жұмыстар атқарылып жатыр,алдағы бейне материалға назар аударсақ.

Кеген ауданына келгендерді алдымен әсем табиғаты бірден баурап алады.Көрікті жерлерін көру үшін,шетелдіктерде қызығушылық танытып келеді. Көлсайға апарар жолдың ішкі жағы тақтайдай болғанымен барары шаршатып жіберетінін әлеуметтік желідегі пікірлерден танып білуге болады.Бұған жауапты мекеме,сол баяғы «Қазавтожол».Аймаққа арнайы барған тілшілер, мамандарды әбден сұрақтың астына алып састырды.Жауап сол,тендірдің тәлкегі мен бітпейтін техникалық экспертиза.

ЖАСҰЛАН ҚАЛТАЕВ «ҚАЗАВТОЖОЛ»АҚ АЛМАТЫ ОБЛЫСТЫҚ ФИЛИАЛЫ БАСШЫСЫНЫҢ ОРЫНБАСАРЫ

Аудан орталығының ажары жаман емес.Кеген ауылында бір типтегі 20 тұрғын үйдің құрылысы аяқталған. Аудандық құрылыс бөлімінің басшысының айтуынша, ауылда 2018 жылдан бері 81-ші үй салынып жатыр. Оның бірқатары әлеуметтік аз қамтылған отбасыларына беріген. 20 тұрғын үйдің құрылысын аяқтауға 265 млн теңге, инженерлік-коммуникациялық желілерін тартуға 110 млн теңге қарастырылған.Ауданда тұрғын үй салудың тәсілі өзгерген, алдымен жер учаскелерін бөліп,тиісті инфрақұрылым жасақталады.

ДАРХАН МАУСЫМБАЕВ АЛМАТЫ ОБЛЫСЫ КЕГЕН АУДАНДЫҚ ҚҰРЫЛЫС БӨЛІМІНІҢ БАСШЫСЫ

Арнайы пресс турға келген БАҚ өкілдері аудан орталығындағы күрделі жөндеуден өтіп жатқан әлеуметтік нысандардың құрылыс жұмыстарымен де танысты.Кеген ауылында үш орта мектеп бар.Оның екеуіне құрылыс жұмыстары жүріп жатыр.Мердігер мекемелер, берілген уақытқа дейін аяқтауды жоспарлап отыр.

МҰРАТЖАН ҚОЖАНҰЛЫ АЛМАТЫ ОБЛЫСЫ КЕГЕН АУДАНДЫҚ БІЛІМ БӨЛІМІНІҢ БАСШЫСЫ

https://www.youtube.com/embed/K0c3ksnbUYI?si=yg_dRhQwl8Cu-FgX" 

Алматы облысы,Балқаш ауданында күрішке орақ түсті. Диқандар,ауа-райының қолайсыздығына қарамастан ақ маржанды ысырап қылмау мақсатында, тер төге еңбек етуде.

Бұл «Бірлік» агрофирмасы. Дала төсінде,желдің өтінде жүрсе де білек сыбана еңбек етіп жатыр. Шаруашылық биыл 1360 гегтар жерге күріш, 950 гегтарға бидай,3100 гегтар алқапқа көп жылдық жоңышқа еккен.Жоғарғы сапада өнім алу үшін ерекше сорттағы бидай мен күріш дақылдарын сепкен.Нәтежиесі жаман емес.

АЛМАС ҚЫСТАУБАЕВ «БІРЛІК» АГРОФИРМАСЫ ЖШС БАСШЫСЫ

Сондай-ақ шаруашылық Қызылорда өңірінен күріштің янтарь сортында еккен, қазір ору үстінде.Ақ күрішімен танымал «Бірлік» шаруа қожалығы ауыл шаруашылығы нарығында 20 жылдан астам уақыт қызмет етіп келеді. Отандық өнімнің өрге басуына бет бұрған диқандар қамбаға астық жинап, 80 тоннадай күрішті Алматы мен өзге де қалаларға саудаға шығарған. «Бірлік» Агрофирмасының басшысы Алмас Қыстаубаевтың айтуынша ақ алтынға өзге де мемлекеттерден сұраныс жоғары.

АЛМАС ҚЫСТАУБАЕВ «БІРЛІК» АГРОФИРМАСЫ ЖШС БАСШЫСЫ

«Бірлік» шаруа қожалығы Алматы облысы Балқаш ауданы бойынша көш бастап тұрған ұжым. Өздеріне қарасты техно паркті жаңғырту бағытына ерекше мән беріп келеді. Биыл Беларусь мемлекетінен егіншілікке епті, екі комбайн алуды жоспарлап отыр.

https://www.youtube.com/embed/4FpRid4c1Bg?si=BrkK1tHDvGDUu_3s" 

Парижде өтіп жатқан сән апталығында Louis Vuitton дизайнері Николя Гескьер геометриялық фигуралары бар киім желісін ұсынды. Көктемгі коллекцияның көрсетілімі Париждегі әйгілі Елисей алаңдарындағы көне ғимаратта өтуде. Модельдер ақ-қара тормен, жолақпен және жамбастарында кең белдіктері бар киімдермен жүріп өтті. Дизайнер ұзын юбкаларды бомбер курткаларымен үйлестірген, ал ұзын аяқты мектеп оқушыларының бейнелері қысқа пальтомен толықтырылған. Жылтыр комбинезондар мен қысқа юбкалар көрсетілімге қосымша көрік берді.

Ал жоғары белді шалбарларды көлемді жеңді жейделермен сәйкестендіріпті. Кең, бос орынға үлкен орындықтар орнатылып, оны прожекторлармен жарықтандырып, қызғылт сары пластикпен безендірілген. Көрермендер арасында американдық актриса Зендая, американдық рэпер және дизайнер Фаррелл Уильямс және кю-поп жұлдызы Феликс болды. Париждегі сән апталығына Chanel және Miu Miu сияқты көптеген танымал брендтер қатысты.

https://www.youtube.com/embed/Pf68N9ZxjUk?si=758_Ql1ZFnK_AU40" 

Бүгін Мемлекет басшысы Қасым-Жомарт Тоқаев бас қаладағы «SANA» оқушылар сарайын аралап көрді.Бес қабатты заманауи ғимаратта 5 пен 17 жас аралығындағы жеткіншектерге арналған 60-тан астам үйірме мен спорт секциялары жұмыс істейді.

Заман талабына сай бой көтерген білім нысан техникалық шығармашылық, сәндік-қолданбалы өнер, әлеуметтік ғылымдар, музыка және хореография, спорт секілді бірнеше бағытқа бөлінген. Орталық бір мезгілде 700 баланы қабылдай алады. Аумағы 7500 шаршы метр ғимаратта соңғы үлгідегі технологиялармен жабдықталған оқу кабинеттері, жүзу бассейні, акт залы, подкаст және фото студиялары бар. Мемлекет басшысы Lego құрастыру, роботты техника, 3D-модельдеу және қыш өнері, ұрмалы аспаптар, домбыра үйірмесі кабинеттері мен жүзу бассейнін аралап көрді. Сондай-ақ Президент орталықтың оқытушыларымен, балалармен және ата-аналармен әңгімелесті. Астана қаласының әкімі Жеңіс Қасымбектің айтуынша, 2029 жылға дейін елордада осындай 15 оқушылар сарайы бой көтереді. Оның ішінде 5 орталықтың құрылысы жуық арада басталады. Президент бұдан кейін «Тұран» және «Оңтүстік-Шығыс» газ жылу станцияларының, сорғы-сүзгі станциясының және үшінші ЖЭО-ның құрылыс жұмыстарының барысымен танысты. Мемлекет басшысына аталған газ жылу станциялары биылғы жылыту маусымының басынан бастап іске қосылатыны жөнінде баяндалды. Жыл аяғына дейін үшінші ЖЭО-ның құрылысы аяқталады. Үш жаңа нысан қаланы қосымша жылумен қамтамасыз етеді. Оның қуаты – сағатына 1140 гигакалорий. «Тұран» газ жылу станциясының екінші кезеңінің салынуы және «Тельман» жаңа газ жылу станциясы қуаты сағатына 850 гигакалорий болатын қосымша жылу береді.Құрылыс компаниясының өкілдері Қазақстанда газ жылу станцияларының өндірістегі отандық үлесін арттыру үшін газ жабдықтарын өндіруші кәсіпорынмен арада уағдаластықтар бар екенін алға тартты.

ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ

https://www.youtube.com/embed/6SuURPz2iI0?si=nc3U_VdAJwVDFW3-" 

Дүниедегі мамандық атаулының төресі – ұстаздық. Әсілі, мұғалім барлық мамандық иесін тәрбиелейтін, оқытып үйрететін мейірімді абзал жандар. Ұстаз алдынан тәрбие алмайтын жан жоқ.Олардың жетегімен қаншама шәкірттер түлеп,үлкен өмірден өздерінің орындарын тауып жатыр.Сондай кәсіби маманның бірі Арайлым Санақбек.Ол Алматы қаласындағы №205 жалпы білім беретін мектепте 7-жылдан бері бастауыш сынып мұғалімі болып еңбек етіп келеді.Көптеген білім сайыстарынан топ жарып жүрген ол,үздік ұстаздардың  алды деуге болады.

АРАЙЛЫМ САНАҚБЕК АЛМАТЫ ҚАЛАЛЫҚ №205 ЖАЛПЫ БІЛІМ БЕРЕТІН МЕКТЕПТІҢ ҰСТАЗЫ, ПЕДАГОГ-САРАПШЫ

https://www.youtube.com/embed/zzqvwSOeWGY?si=0OC89QLqrSCMVpN_" 

https://www.youtube.com/embed/ZEYSHN2-NPc?si=JM16Quivz27hj8sF"

https://www.youtube.com/embed/VUnQ9YTOg4k?si=pJiQvVJM3qaO7Bcf" 

Армяндық отбасылар түйіншектері түйілген үлкен сөмкелерімен  Арменияның оңтүстігіндегі Сюник облысына  жеткізіп салатын  автобустарды күтуде. Әзірбайжан Таулы Қарабақты бақылау жөніндегі әскери операцияны бастағаннан бері бұл елге 100 мыңнан астам босқын келген.  Бұл туралы БҰҰ Босқындар ісі жөніндегі жоғарғы комиссарының басқармасы мәлімдеді. Жалпы Қарабақта 120 мыңға жуық этникалық армян тұрды. Әзірбайжан әскерилерінің тазалауынан  қорыққандықтан көпшілігі қашып кетті.

ТАУЛЫ ҚАРАБАҚТАН КЕЛГЕН БОСҚЫН: "Бүгін біз Ереванға тіркелуге бара жатырмыз. Одан соң тұрақтайтын жер  табуымыз керек. Мен кішкентай қызыма қамқорлық жасауым керек ".

ТАУЛЫ ҚАРАБАҚТАН КЕЛГЕН БОСҚЫН: "Өте қиын болды. Біз 26-29 сағаттан бері жолда жүрміз. Көлік көп болғанымен, мұнда жету оңай болған жоқ. Менің анам науқас, ал інімнің балалары мен немерелері бар".

Жексенбі күні Таулы Қарабаққа БҰҰ миссиясы келген.  Бұл - халықаралық ұйымның өңірге соңғы 30 жылдағы  алғашқы сапары.  Таулы Қарабақ халықаралық деңгейде Әзірбайжанның бір бөлігі саналады.  Бірақ онда негізінен армян христиандары мекендейді.  КСРО құлағаннан кейін 30 жыл бұрын ұрыс қимылдарының нәтижесінде онда тәуелсіз республика жарияланған.  Әзірбайжан 2024 жылдың 1 қаңтарынан бастап ресми түрде жойылатынын жариялады.

https://www.youtube.com/embed/wZj70Rs1XYI?si=2cW6ey-VxJPescaR" 

Бұдан былай қазақстандық полиция қызметкерлері жаппай мәдениеттілікке, ойын сауатты жеткізуге арнайы оқытылатын болады. Бакалавриат, магистратура, докторантураға шешендік өнер сабағы пән ретінде енгізіледі. Бұрын мұндай міндет болмаған. Мақсат: білікті кадр дайындау.

ЛӘЗЗАТ АМАНОВА ҚР ІІМ КАДР САЯСАТЫ ДЕПАРТАМЕНТІ ВЕДОМСТВОЛЫҚ БІЛІМ БЕРУДІ ҰЙЫМДАСТЫРУ БАСҚАРМАСЫНЫҢ ЕРЕКШЕ ТАПСЫРМАЛАР ЖӨНІНДЕГІ АҒА ИНСПЕКТОРЫ: «Қазіргі полиция қызметкерінде ойды сауатты ұсыну, интеллектуалды қабілеттер, ойлау мәдениеті, халықпен қарым-қатынас дағдылары және басқаларын қамтитын кәсіби құзыреттердің кең жиынтығы болуы қажет».

https://www.youtube.com/embed/-zSCm4l7GKE?si=4ZCP_6wTRCyH9mTg" 

Алматыда қазақ әдебиетінің көрнекті өкілі, жазушы, журналист Кемел Тоқаевтың 100 жылдығына орай «Қазақ детектив жанрының дарабозы» атты халықаралық ғылыми-тәжірибелік конференция өтті. Алқалы жиынға Мәдениет және ақпарат министрі Аида Балаева, Қазақстан, Өзбекстан, Қырғызстан, Ресей мемлекеттерінің шығармашылық зиялы қауым өкілдері қатысты. Конференцияда еліміздегі детектив жанрының дамуы мен ерекшелігі, «Қазақ детективінің атасы» атанған жазушы Кемел Тоқаевтың өмірі мен шығармашылығына қатысты деректер мен тың тұжырымдар талқыланды.

МЕРЕКЕ ҚҰЛКЕНОВ ҚАЗАҚСТАН ЖАЗУШЫЛАР ОДАҒЫНЫҢ ТӨРАҒАСЫ: «Детектив жанрындағы Кемел Тоқаевтың орны осы конференцияда жан-жақты айтылды. Сөйлеген азаматтар, ғалымдар, жазушылар ол кісінің шығар шығармашылық ерекшелігін, шеберлігін және өзінің жандүниесін қазаққа деген ықыласын, махабаттын өте әдемі айтып берді. Бұл кісінің шығармаларының бес томдық кітабы 2021 жылы шыққан. Сол бес томдықтың зерттеу жағы әлі кемдеу. Қай шығармасы қандай деңгейде, қалай жазылған бұның барлығы Қазақстан жазушылар одағының және қолына қалам ұстағандардың міндеті деп ойлаймын».

Сондай-ақ қатысушылар назарына Кемел Тоқаевтың шығармашылығынан сыр шертетін кітап көрмесі ұйымдастырылды.

https://www.youtube.com/embed/YUqn9uuYNjA?si=U3ifMEzePqZXdXCO"

Елімізде жылдағы дәстүр бойынша 1-қазан қарттар күнін атап өтеді. Қазыналы қарияларды құрметтеуге арналған шара Алматы облысы Кеген ауданында да орын алды.Аймаққа жаңадан келген әкім, ауданның гүлденуіне үлесін қосқан қариялардың басын қосып,інілік ілтипатын көрсетті.Даталы күн Қазақстанда  1991 жылдың 1 қазанынан бері атап өтіледі. Мерекелік мәртебе Біріккен Ұлттар Ұйымы Бас Ассамблеясының 45-ші сессиясында берілген болатын.

НҰРБАҚЫТ ТЕҢІЗБАЕВ АЛМАТЫ ОБЛЫСЫ КЕГЕН АУДАНЫНЫҢ ӘКІМІ 

«Қарты бар үйдің-қазынасы бар», – деп, дана халқымыз бекер айтпаған.Оларды жылына бір келетін мерекеде еске алып қана қоймай, әр қашанда құрмет көрсету,баршаға ортақ парыздың бірі.

ГҮЛСІМ МҰСАЕВА КЕГЕН АУДАНЫНЫҢ ТҰРҒЫНЫ

Менің папкамда Нұрбақыт деп тұр.Ол жерде көп файлдар бар,тек қарттарға жайылған дастарханның видеоларын алу керек.