https://www.youtube.com/embed/rL_Ct5VMQt4?si=iaey6ptvLYSJmJrA" 

Алматы облысының Құрметті азаматы,ұлт жанашыры, спорт ардагері Сейітқали қажы Ыбытаевтың құрметіне бокстан жасөспірімдер арасында ашық республикалық турнир өтті.Толығырақ тілші бейнематериалында.

Жарыстың мақсаты- Алматы облысында және жалпы Қазақстанда жастар боксын насихаттау және дамыту, спортшылар арасында достық қарым-қатынасты нығайту, тәжірибе жинап, біліктілікті арттыру.

ЕРБОЛ ҚҰЛЖАБАЕВ, ОЛИМПИАДАЛЫҚ РЕЗЕРВТЕР БӨЛІМІНІҢ БАС МАМАНЫ: «Жарысқа облысымыздың әр түкпірінен 10 шақты команда қатысып отыр. Әр өңірден командалардың деңгейі өте жоғары. Тартысты жекпе-жектер өтіп жатыр. Атамыздың жалпы еңбек жолы өскелең ұрпаққа үлгі болатындай үлкен азамат.Спорт саласында да, рухани саласында да елімізге еңбек етіп келе жатқан Сейітқали атамыз бұл кімінің болашақ ұрпаққа берер өнегесі өте көп».

ЕЛАМАН ЖҰМАШЕВ, АЛМАТЫ ОБЛЫСЫНЫҢ БОКСТАН  ЖАСӨСПІРІМДЕР АРАСЫНДА АҒА БАПКЕРІ «Серік атамыздың жарысы осымен 7 рет ұйымдастырылып жатыр.Бұл жарысты 2023 жылы облыстық каленьдарға кіргізген болатынбыз, сол кезден бастап қазіргіге дейін 1-2-3 орын алған спортшыларға спорт шеберіне үміткер атағы беріліп жатыр.Жылдан-жылға жарысымыздлың деңгейі көтеріліп жатыр.Бұйыртса ендігі жылы халықаралық деңгейде өткізсек деген арман мақсатымыз бар».

Сондай-ақ жарысқа аудан әкімі, спорт шеберлері, халық қалаулылары жиналды. Олар Сейітқали қажы Ыбытаевты құттықтап, ізгі тілектерін білдіріп, марапаттарын табыстады.

СЕЙТҚАЛИ ҚАЖЫ ЫБЫТАЕВ АЛМАТЫ ОБЛЫСЫНЫҢ ҚҰРМЕТТІ АЗАМАТЫ, СПОРТ АРДАГЕРІ: «Болашақ осыларда , болашағымыз жарқын болсын, патриоттық балалар осылай тәрбиеленеді.Елімсіздің көк туын желбірететін азаматтар осылар, бақытты болсын. Рақмет халқыма, еліме аман болып тұрыңыздар».

https://www.youtube.com/embed/CYyPM_Fheeg?si=IDNFbeOBlFbeH1B6"

Әл-Фараби атындағы Қазақ Ұлттық университетінің 90 жылдық мерейтойы мен филология ғылымдарының докторы, профессор, ҚР Ұлттық Ғылым Академиясының академигі Элеонора Дүйсенқызы Сүлейменованың 80 жылдық мерейтойына орай бірқатар маңызды ғылыми-мәдени іс-шаралар ұйымдастырылуда. Осы игі бастамалар жалғасын тауып, халықаралық деңгейге шығып отыр.

Академиктің ғылымдағы дара жолын жалғап келе жатқан шәкірттері — филология ғылымдарының докторы, доцент Мәншүк Құдайбергенқызы мен PhD докторы, Жанна Жалайырқызы АҚШ-тың астанасы Вашингтон қаласына арнайы сапармен барып, ұстаздарының іргелі еңбектерін әлемнің ең ірі рухани қазынасы Конгрес кітапханасына табыстады. Бұл — тек бір ұстаздың ғана емес, қазақ тіл білімінің жетістігін халықаралық деңгейде танытқан үлкен қадам. Шетелдік зиялы қауым өкілдері Элеонора Дүйсенқызының еңбектерін зор қызығушылықпен қабылдап ризашылықтарын білдірді. Ұлағатты ұстазымыздың еңбектері АҚШ Конгрес кітапханасының сөресінен орын алуы — біздің ғана емес, күллі қазақ ғылымы үшін үлкен мәртебе. Бұл — ұстаз еңбегіне көрсетілген шынайы құрметтің белгісі, — дейді Жанна Жалайырқызы.

ЖАННА ЖАЛАЙЫРҚЫЗЫ ӘЛ-ФАРАБИ АТЫНДАҒЫ ҚАЗҰУ ТҮРКІТАНУ ЖӘНЕ ТІЛ ТЕОРИЯСЫ КАФЕДРАСЫНЫҢ АҒА ОҚЫТУШЫСЫ, PhD ДОКТОРЫ

Бұл бастама — Қазақстан ғылымының халықаралық аренада танылуына, сондай-ақ қазақ тілі мен мәдениетінің жаһандық кеңістікте насихатталуына қосылған сүбелі үлес. Элеонора Дүйсенқызының бай ғылыми мұрасы әлі де талай буын ғалымдарға жол көрсетіп, болашақ зерттеулерге арқау болары сөзсіз.

https://www.youtube.com/embed/IWm-l3MaxII?si=oXSGeeieUnoXnXzn" 

2025 жылдың 8 сәуірінде Әл-Фараби атындағы ҚазҰУ-дың филология факультетінде Академик Ә.Т.Қайдар атындағы Халықаралық Түркі мәдениеті және мұрасы орталығы ашылды. Аталмыш орталықтың ашылуы тек республикалық емес, халықаралық қатынастарды нығайтып, ғылымның дамуына ықпалын тигізетіні анық.

Орталықтың ашылуына байланысты “Арыс” баспасының директоры, Әбдуәли Қайдардың шәкірті филология ғылымдарының докторы, әйгілі алаштанушы, қазақ тіл білімінің антологиясын құрастырушы, Ғарифолла Әнестің атынан 100 кітап сыйланды.

Ғарифолла Әнес әл-Фараби атындағы Филология фаультетінің түлегі. Кітапты “Арыс” баспасының ісін жалғастырушы Ғарифолла Әнестің қызы, PhD докторы Үміт Әнесова табыстады.

Кітаптардың басым бөлігі қазақ тіл білімінің коррифейлері мен ең үздік ғалымдарының еңбектері: көп томдық “Қазақ тіл білімі антологиясы” (А.Байтұрсынов, Қ.Жұбанов, С.Исаев, Ы.Маманов және т.б. еңбектері), сөздіктер және кейінгі жылдары жарық көрген алаш қайраткерлері мен репрессияланған қазақ интеллегенциясына арналған ғылыми еңбектер.

«Арыс» баспасының кітаптары республика бойынша ең үздік ғылыми еңбектер шығаратын баспа екені көпшілікке мәлім.  Бұл еңбектер тек филолог емес, тарихшылар мен журналистер үшін құнды болатын бірегей еңбектер. Алдағы уақытта “Арыс” баспасы университет кітапханасына да кітап сыйлауды жоспарлап отыр.

https://www.youtube.com/embed/CbBRe--wNWY?si=JoVa-pMlfn_IUzs0" 

Қазақстанда ең көп таралған қатерлі ісіктердің бірі — өкпе обыры. Бұл дерт елімізде өлім-жітім бойынша бірінші орынға шықты. Тек өткен жылы 3 800-ден астам жаңа жағдай тіркелген. Толығырақ тілші материалында.

АЙГЕРІМ ЕСІМХАН ЖУРНАЛИСТ: «Өкпе обыры – әлем бойынша ең кең таралған қатерлі ісік түрі. Халықаралық қатерлі ісікті зерттеу агенттігінің  мәліметінше, жыл сайын әлемде 2 миллионнан астам ерлер мен әйелдер өкпе обырына шалдығады. Оның басым көпшілігі – ер адамдар. Соңғы уақытта әйел адамдардың да саны артып келеді. Аурудың негізгі себебі – шылым шегу».

Қазақстанда да өкпе обыры өзекті проблемаға айналған. 2024 жылдың қорытындысы бойынша елімізде 4 мыңға жуық жаңа жағдай тіркелді. Бұл қатерлі ісік құрылымында үшінші орын. Бірақ өкінішке қарай, өкпе обыры өлім жітім көрсеткіші бойынша бірінші орында тұр. Күн сайын елімізде 5-6 адам осы дерттен қайтыс болады.

Инфографика: «2024 жылғы онкологиялық аурулар»

1. Сүт безі обыры – 5 652 жағдай
2. Колоректалды обыр – 4 029 жағдай
3. Өкпе обыры – 3 833 жағдай
4. Асқазан обыры – 2 907
5. Жатыр мойны обыры – 1 921

КӘРІБАЙ ТӨЛЕУТАЙҰЛЫ СӘКЕН НҰҒМАНОВ АТЫНДАҒЫ ОНКОЛОГИЯ КАФЕДРАСЫНЫҢ ПРОФЕССОРЫ «Өкпе қатерлі ісігі жылдан жылға көбеюде. Біздің жалғыз елде емес басқа өркениетті елдерде өсіп дамуда. Ең бастысы темек тарту. Темекі тартуды алдын ала аламыз.

Жылына 30 мыңдай адам тіркеледі.

22%-ы сүт безі қатерлі ісігі құраса, 20% өкпе қатерлі ісігі құрайды.

Алдын алу белгілері 1,2 сатысында білінбейді. Сол себепті флюрография, компьютерлік тамография дегеніміздің мәні осыда. Ал кейін жөтел пайдала болу, ентігу болса кеш сатылары».

Бұл аурудан әлемде жыл сайын 1,8 миллионға жуық адам көз жұмады. Шетелдік ғалымдардың айтуынша, дертті ерте анықтау маңызды.

ДЭВИД ЯНКЕЛЕВИЦ - ПРОФЕССОР (АҚШ) «АҚШ-та өкпенің қатерлі ісігі скринингін 1992 жылы алғаш рет ғылыми жоба ретінде бастады. Ең алғаш 100 адамға тәжірибе жүзінде іске асырып көрдік. Зерттеу нәтижелері бойынша,ауруды төмен дозалы компьютерлік томография арқылы ерте сатысында анықтауға болады. Егер қатерлі ісік ерте анықталса, оны толық емдеуге болады. Осы тәжірибеден кейін Еуропа елдерінде бұл әдіс кеңінен қолданылуда».

Тексеруден өтіп тұрасыз ба?

Өкпе обырының басты себебі тек шылым шегу, вейп емес, оған қоса, ауаның ластануы, зиянды өндірістік орта, радиоактивті сәулелену және тыныс алу жүйесінің созылмалы аурулары да қатерді күшейтеді.

Алдын алу шаралары – салауатты өмір салты, темекіден бас тарту және уақытылы тексерілу.

https://www.youtube.com/embed/Elp3iZwUeC4?si=2_tiD-tXKQ57yDPK" 

Бір ауданның 3 оқушысы олимпиадада топ жарды. Жақында Орал қаласында «Жалпы білім беретін пәндер» бойынша республикалық жарыс қорытындыланған болатын. Олимпиадаға орыс сыныптарындағы қазақ тілі пәні бойынша жолдама алған Алматы облысындағы Тиірмен орта мектебінен 10 және 11 сыныптарда оқитын 2 оқушы қыз және Долайты ауылдық орта мектебінің 11-ші сынып оқушысы қатысқан. Олар бұл олимпиадада үздіктер қатарынан көрініп, бірінші және үшінші орындарды иеленді. Қос ауылдағы орта мектеп директорлары бұл академиялық адалдықтың сақталуы мен облыстық және аудандық білім басқармаларының қолдаулары арқасында жеткен жетістік екенін айтып отыр.

ҚАЙРАТ ӨТЕУЛИЕВ, МЕКТЕП ДИРЕКТОРЫ «Осы балаларды дайындаған ұстаздарға, ата-аналарына үлкен ризашылығымды білдіремін. Ауданда өтіп жатқан жарыстардың академиялық адалдығын сақтау нәтижесінде осыған қол жеткізудеміз. Облыстық білім басқармасына үлкен рахметімізді айтамыз. Алдағы уақытта да балаларымыз үлкен жетістікке жетеді деген сенімдемін.»

АРШАЛЫМ ДАВЛЕТОВ, МЕКТЕП ДИРЕКТОРЫ: «Бұл алғашқы жеңісі емес. Ауыл мектептері арасындағы Астанадағы байқауда бірінші орын алып келген болатын. Қызымызды дайындаған мұғалімдеріне, академиялық адалдықты сақтап аудандық, облыстық олимпиадалардың әрлі өтуінің арқасында ауыл оқушылары осындай биіктерден көрініп отыр.»

https://www.youtube.com/embed/Gem_I9udUJ0?si=H0dVzkdFI5EdSQw4" 

https://www.youtube.com/embed/kVVNaP-AjCI?si=ExXdUsi0Ps_Aeg8P" 

https://www.youtube.com/embed/2GjH85J_huI?si=Nhpl4ctzrYLJd79M"

125 теміржол вокзалы қайта жаңғыртудан өтеді. Оның ішінде Алматы, Шымкент және Қызылорда қалаларындағы әуежайда жаңа терминал салынады. Енді туристік топтар үшін жедел паспорттық бақылау енгізіледі. Ол дегеніңіз Қазақстанға келген туристер үшін паспорттық бақылаудан өту уақыты 5 есеге қысқарады деген сөз. Бүгін Үкіметте министрлер кабинеті отандық туризмнің даму аяқ алысы мен келешегі туралы сөз өтті.

Отандық туризмнің ақсап тұрғаны көптен айтылып келеді. Мәселе бір емес бірнеше рет көтерілді. Енді Үкімет туризмді дамытуды мықтап қолға алғандай. Мемлекет тарапынан барынша инвесторларға қолдау көрсетілетін болады. Қолға алынған жобалар да көп. Мәселен, Алматы қаласы мен Алматы облысында тау кластерін дамыту жұмыстары белсенді жүріп жатыр. Ал, Ақтау маңындағы “Жылы жағажай” аумағында бес жұлдызды қонақ үй мен тақырыптық ойын-сауық паркі салынбақшы. Одан бөлек, балалар мен отбасылық туризмді дамытуды үкімет ерекше қолдап отыр. Жақын жылдары елімізде инклюзивті курорттар желісі дамитын болады.

МҰРАТ ҚАРАТАЙ  PIONEER ОТБАСЫЛЫҚ КУРОРТЫНЫҢ БАСШЫСЫ: «Бүгінде Қазақстанда балалар мен отбасылық туризмді дамыту мәселесі өзекті, жыл сайын ерекше білім беру қажеттіліктері бар балалар саны артып келеді,  олардың саны 300 мыңнан асады. Егер мемлекет базалық тау инфрақұрылымын қамтамасыз етсе, Альпі елдерінде ғасырлар бойы қалыптасқан мұндай отбасылық бизнес-кейстер біздің елімізде одан да көп болар еді. Қазақстан біргегей табиғи ресурстарға ие бола отырып, дәл осындай бағытта дамуы тиіс деп сенеміз. Тауға шығу барлық балалар үшін қолжетімді әрі қауіпсіз болуы керек. Біздің бағдарламаларымыз арқылы 6 мыңнан астам бала өтті. 100-ден астам инструктор дайындадық. Дүниежүзілік банктің қолдауымен ғылыми зерттеу жүргізілді. Бұл – жай ғана сандар емес. Бұл – алғаш рет сөйлеген, жүрген, қарым-қатынасқа түсе бастаған балалар. Бұл – үміті қайта оянған отбасылар».

Күре жолдың бойындағы дәмханалар мен жанармай құю бекеттерінің жұмысы да Үкіметте көтеріліп, сөз болды. Премьер-Министр Олжас Бектенов жол бойындағы сервисті жақсарту міндетін қойды.

ОЛЖАС БЕКТЕНОВ ҚР ПРЕМЬЕР-МИНИСТРІ:  «Көлік, Сауда, Ұлттық экономика, Туризм министрліктері мен әкімдіктер жол бойындағы сервисті жақсарту жұмыстарын жалғастырсын. Күре жолдың бойындағы дәмханалар, жанармай құю бекеттері мен техникалық қызмет көрсету станциялары қабылданған стандарттарға сай болуы керек. Сондай-ақ осы бизнесте жұмыс істейтін кәсіпкерлерді ынталандыру мәселесін пысықтауды тапсырамын. Бұл ретте туристердің қауіпсіздігін арттыруға ерекше назар аударылсын. Бүкіл инфрақұрылымға – әуежайлардан бастап қонақ үйлерге, сауда нүктелеріне, тамақтану орындарына, концерт алаңдарына дейін – қауіпсіздік пен жайлылық тұрғысынан ревизия жүргізілуі қажет».

Айтпақшы, көптен көтеріліп келе жатқан әжетхана мәселесі биыл толық өз шешімін табады деп сендірді жауапты министрлік өкілдері. Қазіргі таңда 300-ден астам әжетхана орнатылып қойған.

https://www.youtube.com/embed/vlFUoYxVHiY?si=hIMOCaMuUhuSOB9g" 

Әл-Фараби атындағы Қазақ Ұлттық университетінде жас түркітанушылар мен түркі әлеміне қызығушылық танытқан білім алушы жастарға арналған «Neotürk: ғасырлар мен технологиялар тоғысында» атты халықаралық ғылыми конференция ұйымдастырылды. Ауқымды шара түркітану ғылымының заманауи бағыттарын саралап, дәстүр мен жаңашылдықты ұштастыруды мақсат етті.

Конференция барысында Түркия, Әзербайжан, Қырғызстан, Өзбекстан, Венгрия, Ресей сынды елдерден келген белгілі түркологтар мен жас зерттеушілер түркі халықтарының тарихи-мәдени мұрасын іздеудің өзекті мәселелерін ортаға салды. Сонымен қатар, цифрлық технологиялардың түркітану ғылымына ықпалы, жасанды интеллект мүмкіндіктерін ғылыми зерттеулерде пайдалану, тарихи жазба ескерткіштерді цифрлы форматқа көшіру сынды өзекті тақырыптар кеңінен қарастырылды.

АҚТОТЫ РАЙЫМҚҰЛОВА ХАЛЫҚАРАЛЫҚ ТҮРКІ МӘДЕНИЕТІ МЕН МҰРАСЫ ҚОРЫНЫҢ ПРЕЗИДЕНТІ

Конференция нәтижесінде түркі дүниесінің ортақ мұрасын жаңаша зерделеудің ғылыми негіздері айқындалып, келешек зерттеулерге бағыт-бағдар беретін тың идеялар ұсынылды. Сондай-ақ Әл-Фараби атындағы Қазақ ұлттық университетінің филология факультетінде академик, көрнекті ғалым, Қазақстанның еңбек сіңірген қайраткері Әбдуәли Қайдар атындағы Халықаралық түркі мәдениеті және мұрасы орталығының салтанатты ашылу рәсімі өтті. Бұл орталық – түркі дүниесінің ғылыми, мәдени және тарихи мұрасын терең зерттеуге, насихаттауға бағытталған іргелі ғылыми-мәдени кеңістік болып табылады.

РАУШАНГҮЛ АВАКОВА ӘЛ-ФАРАБИ АТЫНДАҒЫ ҚАЗАҚ ҰЛТТЫҚ УНИВЕРСИТЕТІ ФИЛОЛОГИЯ ФАКУЛЬТЕТІ ТҮРКІТАНУ ЖӘНЕ ТІЛ ТЕОРИЯСЫ КАФЕДРАСЫНЫҢ МЕҢГЕРУШІСІ,ПРОФЕССОР

Академик Әбдуәли Қайдардың атына ашылған аудиторияға “Арыс” баспасының директоры, Әбдуәли Қайдардың шәкірті филология ғылымдарының докторы, әйгілі алаштанушы, қазақ тіл білімінің антологиясын құрастырушы, Ғарифолла Әнестің атынан 100 кітап сыйланды. Құнды кітаптарды “Арыс” баспасының ісін жалғастырушы Үміт Әнесова жеке келіп табыстады.Бұл өз кезегінде ғылымға қадам басқан жас ғалымдарға қол жетімді болмақ.

Қазақ білімінің қара шаңырағы- әл- Фараби атындағы ҚазҰУ тек білім берумен ғана шектелмейді. Университет өмірі  көптеген ғылыми,   әлеуметтік жобаларды жүзеге асыруымен, форумдар өткізумен  ерекшеленеді.  Университет білім алушылары сабақтан тыс уақытта ізденумен, өзін өзі жетілдірумен, жаңа заманға лайықты тұлға болып қалыптасумен шұғылданады.

Сондай үлкен жобаның бірі - Фараби форумы.  Халықарадық дәрежедеұйымдастырылатын бұл форум дүниежүзі ғалымдары мен жас ғалымдарының ғылыми ізденістерін бір ортаға жұмылдыруымен құнды.

Әл-Фараби атындағы Қазақ ұлттық университетіде  жыл сайын дәстүрлі түрде өтетін «Фараби форумы» аясында биыл да Филология факультетінде  2025 жылы 3 сәуір күні  «Фараби әлемі» атты студенттер мен жас ғалымдардың халықаралық ғылыми конференциясы өтті.   Конференц залыда сағат 10.00 де факультет басшысы, ф.ғ.д., академик Баян Өмірбекқызы Жолдасбекова конференцияны салтанатты ашты. Деканынң ғылыми-инновациялық қызмет және халықаралық байланыстар жөніндегі орынбасары Жадыра Амангелдіқызы Баянбаева сөз алып, биылғы жылғы конференцияның ерекшелігі, қатысушылар саны, қатысушы университтер жайлы біршама мағлұмат беріп өтті. Факультеттің оқытушы-профессорлар құрамы да конференцияға қатысушыларды құттықтап, сәттілік, жеңіс тіледі. Конференцияға Қазақстанның және алыс, жақын шет елдердің жоғары оқу орындары мен ҒЗИ студенттері, магистранттар және жас ғалымдар қатысты. Конференцияда «Қазақ тілінің когнитивтік және функционалдық парадигмалары», «Әдебиеттанудың өзекті мәселелері», «Түркітану және лингвистика», «Орыс филологиясының өзекті мәселелері», «Шет тілдерін оқыту әдістемесі және мәдениетаралық қарым-қатынас», «Заманауи транслингвистиканың өзекті мәселелері», «Тілдік және мәдениаралық байланыс: теориясы мен практикасы» және «Жас ғалымдар» атты негізгі 8 секция жұмыс жасады. Жоғарыда көрсетілген секциялар бойынша қатысушылар теориялық, тәжірибелік, қолданбалы сипаттағы ғылыми жаңалықтарын ұсынды. Ғылыми жобаларға комиссия мүшелері тарапынан, студенттер тарапынан сұрақтар қойылып, баяндамалар қызу талқыға түсті. Комиссия мүшелері тарапынан әділ бағалар беріліп, ескертпелер, пікірлер, болашақты қаперге алу керек мәселелелер ұсынылды.  

Конференцияға Қазақстандағы Жоғары оқу орындарының, сондай-ақ шетелдік оқу ордаларының да студенттері қатысып, белсенділік танытты. Атап айтсақ, Әл-Фараби атындағы ҚазҰУ, Л.Н. Гумилев атындағы ЕҰУ, Абай атындағы ҚазҰПУ, ҚазҰҚПУ, Сулейман Демирель атындағы университет, Нархоз университеті, Қ.И. Сәтбаев атындағы Қазақ ұлттық техникалық зерттеу университеті, Халықаралық ақпараттық технологиялар университеті, Ә.Марғұлан атындағы Павлодар педагогикалық университеті, ҚР ҰҚК Шекара қызметі академиясы, Ш.Есенов атындағы Каспий технологиялар және инжиниринг университеті, Қазақстан Республикасы Қорғаныс министрлігінің Радиоэлектроника және байланыс әскери-инженерлік институты, Қонаев университеті, шетелдік Российский университет дружбы народов имени Патриса Лумумбы, Московский городской педагогический университет, Jamia Millia Islamia Central University, The Embassy of Turkey in India, UETc Tashkent университтерінің 300-ге жуық білім алушылары қатысып, олар өз зерттеу, ізденіс бағыттары бойынша жұмыстарын ортаға салды.  Ұсынылған баяндама тақырыптары өзектілігімен, қызықтылығымен, ғылыми ақпараттарының  молдығымен, жаңашылдығымен  қуантты.

   Халықаралық дәрежеде дәстүрлі түрде ұйымдастырылып отыратын бұл конференция жыл сайын көкжиегінің кеңдігімен, ауқымдылығымен, сантүрлілгімен ерекшеленіп отырады.  Конференцияда түрлі ЖОО студенттері мен жас ғалымдары тек бақ сынасып қана қоймай, өзара тәжірибе де алмасады, танысады.

«Фараби әлемі — 2025» жобасы жоғары деңгейде өтт. Комиссия мүшелерінің шешімімен әр секция  баяндамашылары I, II, III дәрежелі арнай дипломдармен, түрлі номинациялы алғыс хаттармен  марапатталды. 

Кулжанова Бакытгул, Әл-Фараби атындағы ҚазҰУ, Филология факультеті СҒЗЖ төрағасы

https://www.youtube.com/embed/0IOzEvDDFPU?si=bTRinLfONVThQg19" 

Қазақтың кіл қаймағы Қарадала төрінде. “Алаш” әдеби сыйлығының лауреаты, өмірін өлеңмен өрнектеген талантты ақын-драматург Бақыт Беделханұлының 50 жас мерей тойы туған жерінде дүркіреп өтті. Ақынын ардақтаған алаш жұрты 2 күн бойына құтты мекен Шонжы өңірін ән мен жырға, мақтау мен марапатқа, сый мен құрметке бөледі. Толығырақ «Мен - бәріңмен біргемін!» атты әдеби–шығармашылық кешке қатысып қайтқан тілші баяндасын.

Шынында қасиетті Қарадалада бұл күні поэзия үні қалықтады. Ақынын ардақтаған туған халқы мерейтойды абыроймен атқарып шықты. Алдымен 50 жастың есігі Әлмерек баба ескерткішіне гүл шоқтарын қойып, абыз рухына құран бағыштаумен ашылды. Мұнан кейін мерейтойлық әдеби-шығармашылық кеш Мәдениет үйінде жалғасты. Онда қонақтарды Бақыт Беделханұлының балалығынан бүгінге дейінгі өмір тарихы, өлең-жыр кітаптары мен естеліктері тізбектелген «Аспантаудың ақыны» атты көрмесі қойылыпты. Сондай-ақ, бұл күні мерейтойға арнайы ұйымдастырылған  «Уақыт жүрегі» атты Республикалық ашық жыр мүшайрасының, «Аспантаудың алақаны» атты оқушылар арасында өткен көркемсөз шеберлері байқауының қорытындысы жарияланды. Жеңімпаздарға ақшалай сертификаттар берілді. «Мен - бәріңмен біргемін!» атты әдеби–шығармашылық кешке Президент кеңесшісі Мәлік Нұржанұлы арнайы келіп, ел Президентінің құттықтауын жеткізді. Сондай-ақ ақынды «Алтын барыс» төсбелгісімен марапаттады. Бұл кешке қазақтың кіл қаймағы жиналды. Азулы ақындар, мәжілісмендер мен мәртебелі қонақтар ақынға ақжарма тілектерін арнап, құттықтау сый-сыяпатын да аямады.

АСАНӘЛІ ӘШІМОВ, КСРО ХАЛЫҚ ӘРТІСІ, ҚР ЕҢБЕК ЕРІ

Кеш барысында ақынның «Ұлы сия» кітабының тұсаукесер рәсімі де өтті.

БАҚЫТ БЕДЕЛХАН, АҚЫН-ДРАМАТУРГ

50 жас мерейтой мерекелік гала-концертпен жалғасты. Қазақ эстрадасының айтулы өнерпаздары әннен шашу шашып, Бақыт Беделханұлының сөзіне жазылған туындыларды орындады.