https://www.youtube.com/embed/BI2uX5ct96Q?si=3I8YJMkcWyO0IcvB" 

Орал қаласының тұрғындары көпқабатты үйге қызмет көрсететін мекеме жұмысына наразы. Үй иелерінің айтуынша, пәтер иелері кооперативі жұмысты дұрыс ұйымдастыра алмайды. Ал бірақ ақша жинауға келгенде алдарына жан салмайды. Сондықтан халықты ай сайын коммуналдық қызмет үшін төленетін қаражат қайда жұмсалатыны алаңдатады.

Құрманғазы, 161 мекенжайында орналасқан үйдің жағдайы нашар. Жертөледегі құбырлардан су ағып тұр. Шатыр шұрқ-тесік, электр сымдары дұрыс орнатылмаған. Тұрғындар: «пәтер иелері кооперативі қызметі үшін ай сайын қаражат уақытылы төленгенімен, ешқандай жұмыс жасалмай отыр» - деп наразы. 

ЖҰМАБЕК ҚАРАЖАНОВ ҚАЛА ТҰРҒЫНЫ «Кіреберістерде жарық жоқ. Біздің үйде қарт адамдар көп. Қараңғыда құлап қалуы мүмкін. ПИК бізден бас тартып тұр. Бізді шатыр, жертөле мәселесі алаңдатады. Неге пәтер иелері кооперативі жылыту маусымы қарсаңында жұмыстан бас тартады. Бұл дұрыс емес».

Тұрғындардың туындаған шағымдарына "ЦЕНТР" ПИК төрағасының да жауабы дайын екен. Мен судан таза, сүттен ақпын деген ол 80 пәтерді қамтитын тұрғын үйде коммуналдық қызмет ақысын төлемейтіндердің қарызы миллион теңгеге жетті деп мәлімдеді. Сонда ай сайын ақшасын төлеп отырғандар жауапсыз көршілерінің кесірінен зардап шегіп отырған болып шықты.

ФЕДОР РАДОСТЕВ "ЦЕНТР" ПИК ТӨРАҒАСЫ «Шатырдың пайдалану мерзімі 10 жыл, содан кейін күрделі жөндеуден өту керек. Жөндеу жұмыстары тұрғындардың есебінен жүргізіледі. ТҮКШ жаңғырту бағдарламасы бойынша, не жалпы қаражат жинау бойынша мәселені шешуге болады. Ал ай сайын жиналатын ақшаны тұрғындардың кейбірі мүлдем төлемей отыр».

Тұрғындардың негізгі талаптарының бірі- коммуналдық қызмет үшін төленетін қаражаттың қайда жұмсалатыны туралы жауаптылардың есебін тыңдау.

ФЕДОР РАДОСТЕВ "ЦЕНТР" ПИК ТӨРАҒАСЫ «Тұрғындардың жасайтын төлемдері үйге қызмет көрсетуге жұмсалады. Ғимарат ыстық, салқын сумен қамтылған. Кәріз құбыры жұмыс істейді, жылыту маусымында жылу уақытылы қосылды. Бұл атқарылып жатырған қыруар жұмыс. Соны тұрғындар білуі керек»

Басшылық "Тұрғын үйді жаңғырту" бағдарламасы бойынша тұрғындарды мазалайтын мәселелерді шеше алатынын айтып, бір мәмілеге келмек болды. Егер үйді мекендеушілер бірауыздан бағдараламаға қатысуға келісім берсе,  өз ғимараттарын жөндеп, қаражаты бірнеше жыл ішінде бөліп төлей алады.

https://www.youtube.com/embed/RYf_-hHQQbI?si=ZjyBvSorLf7CQYXS" 

Рекордтық бағаға Наполеон Бонапарттың екі бұрышты баскиімі сатылды. Императордың басқа да заттары қатарындағы қалпақты Парижде аукционға шығарған. Сауда-саттық 800 мың еуродан басталды.

Лот 1 миллион 930 мың еуроға сатылды. Алдыңғы рекорд 2014 жылы орнатылған болатын. Сол кезде баскиім қалпақ 1 миллион 880 мың еуроға кетті. Екі жағдайда да сауда-саттықты Osenat аукциондық үйі өткізді. Бұл жолы сатылған қалпағын Наполеон I   1815 жылы Эльбадан қашқанда киген екен. 

Сол кезде оны кокардамен безендіріпті.  Аты аңызға айналған қолбасшының бейнесі тығыз байланысты екі бұрышты қалпақты бикорн деп те атайды. Наполеон I әрдайым офицерлердің көпшілігі сияқты иықтарына перпендикуляр емес, қатар «жауынгерлік жолмен» екі бұрышты киетін. Осылайша императорды шайқас алаңында пайда болған кезде бірден байқады.

Наполеон I-нің 120 бикорны болды. Қазір түпнұсқалығы расталған 30 қалпақ қалған.

https://www.youtube.com/embed/zRiWkPAluHU?si=fyiHU_FUyLrhf0Qx"

Тозған вагондар мен пойыздардың кестеден кешігуін Үкімет басшысы Әлихан Смайылов сынға алды. ҚТЖ қызметіне қатысты шағым көп деген премьер-министр жауапты органға бұл олқылықты тез арада жоюға тапсырма берді. Айта кетейік, Қазақстанда пойыздардың 52 пайызы нашар хәлде, әбден тозған.

МАРАТ ҚАРАБАЕВ ҚР КӨЛІК МИНИСТРІ: «Қазіргі уақытта теміржолда жолаушыларды тасымалдайтын 66 облысаралық маршрут жұмыс істеп жатыр. Бұл бағыттарда 13 тасымалдаушы қызмет көрсетеді (ҚТЖ және 12 жеке). Облыстардың бөлінуіне байланысты, биыл қала маңындағы бағдардан 2 жаңа облысаралық бағыт құрылды: Алматы – Қонаев, Қарағанды – Жезқазған. Бұл шаралар халықтың барлық тобы үшін жол жүру құжаттарының қолжетімді бағасын қамтамасыз етуге бағытталған. Қазіргі таңда пойыз билеті бағасының орташа құны – 8 мың теңге».

ӘЛИХАН СМАЙЫЛОВ ҚР ПРЕМЬЕР-МИНИСТРІ: «Қазақстан темір жолының» қызметіне қатысты көптеген шағымдар келіп түседі.  Пойыздардың үнемі кешігіп келуі, сервистің нашарлығы, ескірген вагондар – мұның барлығы қалыпты жағдайға айналып барады. Бизнес болса вагондардың уақытында берілмеуін, ұзыннан-ұзақ келісу рәсімдерін айтып, шағымдануда. Осының барлығы бүкіл экономиканың дамуына кері ықпал етеді. Теміржол саласында машина жасау, рельс өнімдеріне және түрлі жабдықтарға деген сұраныс үнемі жоғары. Бізде осы өнімдерді шығаратын көптеген ірі кәсіпорындар бар, бірақ отандық өндірушілер сұранысты қанағаттандыра алмай келеді. Осы орайда шетелдік серіктестерге жүгінуге мәжбүр болып отырмыз. Негізінде, отандық кәсіпорындар өндірісті кеңейтіп, қосымша жұмыс орындарын құруына, отандық экономиканың өсуін қамтамасыз етуіне болатын еді».

Жақында «Алматы-Астана» бағыты бойынша қосымша пойыздар іске қосылады. Себебі, осы бағытқа сұраныс аса жоғары. Билет тапшылығына ұрынбау үшін, жауаптылар халықтан сапарын алдын-ала жоспарлауға кеңес береді. Билеттер 40-45 күн бұрын сатылымға шығады деді ҚТЖ басшысы.

https://www.youtube.com/embed/tbIw8dOVPy4?si=vtDBj4k4BP0egPUA" 

Бүгін туризм саласының сарапшылары Алматыда Орталық Азиядағы туризмді халықаралық трендтерге сай дамыту мәселелерін талқылады. Айтуларынша, Орталық Азиядағы туризімінің әлемде өзіндік ойып алар орны жоқ. Шетелдік туристер Еуропаға барғандай келмейді. Неге? Себебі, туристерді бір ғана ел қызықтырмайды. Олар бірден бірнеше мемлекетті аралап көргілері келеді.Сондықтан, Орталық Азияда орналасқан бес мемлекетті (Қазақстан, Өзбекстан, Қырғызстан,Тәжікстан және Түркіменстан) туризм саласы бойынша аймақтандыру қажет. Бұл бүгінде кезек күттірмейтін мәселе, дейді туризм саласының мамандары.

МАҚСАТ ЧАКИ ТУРИЗМНІҢ СТРАТЕГИЯЛЫҚ САРАПШЫСЫ: «Ораталық Азиядағы туризм орталығын Алматыда құру керек деп ойлаймын. Оған ірі мегаполистің әлеуеті жоғары. Біз бірігетін болсақ, әлемдік деңгейге көтеріле аламыз.Туризм көптеген елде басымдықты сала. Орталық Азияда ол әлі де кенжелеп тұр. Егер қазіргідей әр мемлекет туризмді өзінше дамытамын десе, қателеседі. Шетелдік туристердің назарын өзімізге аудару үшін бірігіп күш жұмсауымыз керек. Әрбір елдің өзіне тән бренді бар.Сол сияқты Орталық Азияның да бренді болуы керек. Біз Алматының брендін қалыптастырмақпыз. Бірақ, оның жеміс болмайтыны анық».

Сонымен қатар, сарапшылар шенген визасын енгізу қажет екенін айтты. Бұл әлбетте Үкіметте қаралатын дүние. Мысалы, оны Stan, Жібек жолы визасы деп атауға болады. Қазақстанға келген шетелдік турист еш кедергісіз Қырғыстанға одан әрі Өзбекстанға өтіп кетуі керек.

https://www.youtube.com/embed/lhoP59sAIxQ?si=-XmpXc6SphMqFUqO"

Жаңа Қазақстанның болашағы – қазіргі уақыттағы ең өзекті тақырыптардың бірі. Жасалып жатқан өзгерістер елді дамытуға, экономикасын көтеруге және жаңа мүмкіндіктерге үлкен жол ашпақ. Қазақстанның ұлы тарихын жаңа жетістіктермен және табысты жобалармен толтыратындар – жастар болғандықтан олардың білім бәсекесіне бейімді болуы міндетті.Қалған мамандығын таңдап,келешекті кім болам деген стденттердің мерекелік шарасына назар аударсақ.

Заңғар жазушы Мұхтар Әуезов айтқандай қашанда халық пен халықты, адам мен адамды теңестіретін нәрсе – білім ғана.Сәт сайын тың технологиялар жаңарып отыратын заманда,тек білім мен ғылымды игерген жастар ғана бәсекеге төтеп бере алады.Осы тұста 30 жылдан астам білім саласында қызмет етіп келе жатқан «Қайнар» академиясының атқарып жатқан жұмысын ауыз толтырып айтуға болады. Халықаралық студенттер күніне орай,үлкен өмірге қадам басқан студенттердің құрметіне арнайы кеш ұйымдастырды.Онда жалынды жастардың армандары айтылып, Жаңа Қазақстанның іргесін бірге қалау,ортақ парыз екені айтылды.

АЙСҰЛУ ДЖАНЕГИЗОВА «ҚАЙНАР» АКАДЕМИЯСЫНЫҢ РЕКТОРЫ

САНДУҒАШ ҚҰЛАНОВА «ҚАЙНАР» АКАДЕМИЯСЫНЫҢ ПРОРЕКТОРЫ

Бүгінгі студент,келешек маман.Ұлтымыздың ұлы мұратын жалғастыратын да осы жастар.Бүгінде мемлекет тарапынан олардың алаңсыз білім алуына барлық жағдай жасалып келеді. Біз айтып отырған білім ошағы да,қолдан келер мүмкіндікті беруге тырысуда. 

МУМИРА СІЛӘМБЕК ЖУРНАЛИСТИКА ФАКУЛЬТЕТІНІҢ СТУДЕНТІ

ӘЛИХАН ТАЛАПАЙ ЗАҢ ФАКУЛЬТЕТІНІҢ СТУДЕНТІ

Академияның қоғамдық өміріне ат салысып,белсенді студент бола білген жастардың ата-аналарына алғыс хаттар табысталды.

https://www.youtube.com/embed/pUhYVk-9Qus?si=m6NHSq53fvXgy8X6" 

Әлемдік саяхатты рождестволық маусымда тура Парижде жасауға болады. Мұнда өсімдіктер бағында жарық беретін инсталяциялар фестивалі өтуде. Қонақтарды экзотикалық гүлдер, құстар мен аңдар қарсы алады. Бұл үйкелісті флора мен фаунаның барлығы төрт құрлықтағы тропикалық ормандардың биоалуандығын білдіреді.

СИРИЛЬ РОГЕ – ПАРИЖДЕГІ ӨСІМДІКТЕР БАҒЫНЫҢ ДИРЕКТОРЫ:  "Көрме осы экспозицияға қатысқан барлық жануарларды таныстыратын үлкен аркамен ашылады. Біз ну орманның тропикалық ормандар екенін түсіндіргіміз келеді. Аркадан біз қонақтарды Үндістан, Азия, Жаңа Гвинея, Борнео, Амазония, Мадагаскар және Орталық Африканың тропикалық ормандарына саяхат жасауға шақырамыз ".

Көрме Қытайдың жаңа жылында Азияда өткізілетін шамдар мерекесімен үндеседі. Осы жарқыраған инсталляцияларды да қытайлық шеберлер дайындады. Олар жыртқыш мысықтар, жер-су және амфибиялар, сондай-ақ гүлдер мен алып ағаштардан   аллеялар жасады. Сыртта  жүргенде орхидеялардан жасалған бүтін бір орманды көруге болады. Мүсіндерді жасауға Париждегі Ұлттық табиғи тарих мұражайының қызметкерлері қатысты.

СИРИЛЬ РОГЕ – ПАРИЖДЕГІ ӨСІМДІКТЕР БАҒЫНЫҢ ДИРЕКТОРЫ:"Біздің ғалым-әріптестеріміздің бағалауынша, тропикалық ормандарда жануарлар мен өсімдіктердің барлық түрлерінің жартысы шоғырланған. Соған қарасаңыз, тропикалық ормандарға қызыға бастайсыз. Осылайша, адамдарда осы бірегей экожүйе туралы көбірек білім пайда болады".

Париждегі өсімдіктер бағын XVII ғасырдың бірінші жартысында патша Людовик XIII-нің дәрігерлері  талқандады. Бұл Францияның ең ескі ботаникалық бақтарының бірі. Қазір бақ Ұлттық табиғи тарих мұражайына тиесілі. Рождество инсталляцияларының көрмесі 21 қаңтарға дейін жалғасады.

https://www.youtube.com/embed/yUqf5Pyow8c?si=p_8nn_WAuSjeBUXY" 

Ақмола облысы Аршалы аудандық полиция бөліміне құрылыс нысанында қайғылы оқиға орын алғаны жайында хабарлама келіп түскен. Белгілі болғанындай, құрылыс алаңында жұмысшы биіктіктен құлап, мерт болды. Жұмысшы Астана қаласының 57 жастағы тұрғыны. Аршалыда құрылыс нысанында еңбек еткен. Құрылыс жұмыстарына арналған 4 метрлік арнайы секция құлап кетіп, жұмысшы оқиға орнында көз жұмды. Қазір тергеу амалдары басталып кетті.

ГҮЛНӘР ПИНЧУК АҚМОЛА ОБЛЫСТЫҚ ПОЛИЦИЯ ДЕПАРТАМЕНТІ БАСПАСӨЗ ҚЫЗМЕТІНІҢ БАСШЫСЫ «Аталған факті бойынша Қазақстан Республикасы Қылмыстық Кодексі 156-шы бабының 3-ші тармағына сәйкес абайсызда адам өліміне әкеліп соқтырған еңбекті қорғау қағидаларының бұзылуы бойынша сотқа дейінгі тергеу басталды.Сот-медицина сараптамасы тағайындалды. Тексеру жүргізіліп  жатыр». 

https://www.youtube.com/embed/IEuyFcu-ZC0?si=POuH2D4gPkKydgBr" 

Су жоқ, қоқыс жәшігі жетіспейді, үйдің төбесіне тұрғындардың рұқсатынсыз антенна орнатқан. Бұл, Ақтау тұрғындарының уәжі. Мәселе көп, шешімі жоқ-дейді жұрт. Көптің жанайқайы туралы келесі бейнематериалда.

Бұл үйдің басты проблемасы судың жоқтығы. Алайда тілшілер шағымданушылардың уәжін тыңдауға келгенде,жауапты мекеме мамандары суды қосқандығы анықталды. Десекте, бұданда басқа мәселе бұл үйде шаш етектен. Тұрғындардың айтуынша,қоқыс тастайтын құбыр көп уақыттан бері істен шыққан. Сондықтан қоқысты жедел сатымен тасуға мәжбүр екен. Ал лифтпен мініп, көтерілген тұрғындардың қалтасына шығын.

АИДА АҚАЛОВА – ТҰРҒЫН

Жиналғандардың шағымын тыңдауға арнайы мамандар да келді. Қордаланған мәселелерге қатысты олардың өз айтары бар.

АЙДАР ЫБЫРАЙ -АҚТАУ ҚАЛАЛЫҚ ТҰРҒЫН ҮЙ ИНСПЕКЦИЯСЫНЫҢ ҚЫЗМЕТКЕРІ

Сонымен жауаптылардың айтуынша қоқыс мәселесіне қатысты тиісті жұмыстар жасалатынын, ал ауыз судың берілуін реттеу бойынша жаңа қондырғылар орнатылатын болады.

https://www.youtube.com/embed/aON9VBFr1Ek?si=cGb9vPgd8jl2l7e6" 

«Qnet»  қаржы пирамидасымен айналысқан 3 күдікті қамауға алынды. Олар Қызылорда қаласының тұрғындарын сан соқтырып, жалпы сомасы 44 млн теңгеге алдап кеткен. Сотқа дейінгі тергеу шаралары жүргізіліп жатыр деп хабарлады қаржы мониторинг агенттігінің ресми өкілі Әлібек Әбділов.

ӘЛІБЕК ӘБДІЛОВ ҚР ҚАРЖЫ МОНИТОРИНГ АГЕНТТІГІНІҢ РЕСМИ ӨКІЛІ: «Күдіктілер Қызылорда қаласының аумағында «Qnet» компаниясының құрылымдық бөлімшесін ұйымдастырған азаматтар желілік маркетинг және электрондық коммерция деген желеумен Қызылорда қаласының 35 тұрғынынан 2019-2022 жж. аралығында 44 млн теңгеге жуық  көлемде ақша қаражаттарын тартқан. Тергеу барысында жәбірленушілердің компанияға 840 мыңнан  1 млн 200 мың теңге көлемінде  қаржы салғаны анықталды. Сот санкциясы негізінде үш күдікті қамауға алынды».

https://www.youtube.com/embed/DIdgYHfUoHk?si=g-XBhFqga11dBD1_"

Бұланды ауданының орталығы Макинск қаласының тұрғындары үшін өткен түн үрейге толы болды. Түнгі екілер шамасында тұрғындар  жергілікті аурухананың маңынан атыс дыбысын естиді. Кейін сол жерден 23 жастағы жігіттің өлі денесін тауып алған. Макинск қаласының 27 жастағы тұрғыны өзінің танысын атып өлтірген деген болжам бар. Қылмысқа қатысы бар күдікті ұсталды. Оқиға орнынан ізін жасырғанымен қоймай, өлтірген адамының «Тойота Ланд Крузер Прадо 150» автокөлігін мініп кеткен.

ГҮЛНӘР ПИНЧУК АҚМОЛА ОБЛЫСТЫҚ ПОЛИЦИЯ ДЕПАРТАМЕНТІ БАСПАСӨЗ ҚЫЗМЕТІНІҢ БАСШЫСЫ: «Күдіктіні полицейлер Сандықтау ауданының бір ауылынан тапты. Сол ауылда оның туысқаны тұрады. Аудан аумағынан мініп кеткен көлік пен суық қару да тәркіленді. Қазір сотқа дейінгі тергеу аясында тәртіп сақшылары Қазақстан Республикасы Қылмыстық Кодексінің 99-шы бабы, 1-ші тармағына сәйкес кісі өлтіру бойынша ұсталған күдіктінің не үшін осындай аса ауыр қылмысқа барғанын анықтап жатыр». 

https://www.youtube.com/embed/NFiPy5eFfTo?si=SusKRs-dz1wu7y7q" 

https://www.youtube.com/embed/UzcXrsOVwb0?si=BTM-0Qk3aoJI897X"