https://www.youtube.com/embed/BUPwvSiRxK8?si=MymL3WCBCxE6AZQV" 

Алматы қаласы Алатау ауданына қарасты  «Шаңырақ-1» ықшам ауданындағы  Қосағаш көшесінің тұрғындары шұрқ-тесік жолдан әбден мезі болған. Тұрғындар жергілікті әкімшіліктің табанын айлап тоздыраған. Бірақ шыққан нәтиже жоқ. Қажыған жұрттың назын тілшіміз Ақтолқын Тұрлығазы жеткізеді.

«Бұрқыраған шаң, ойлы- тесік жол» дәл осылай деген тұрғындар жол азабын 3 жылдан астам уақыт тартып келеді. Жолдың жоқтығынан жедел-жәрдем көлігі де көшеге кіре алмайды. Ата-аналар әр маусым сайын аяқ киім алудан жалықанын айтып ашуға булықты. 

«Әкімдікке мың рет бардық. Өзіне де барғанбыз Азамат Бескемпірұлына. Ол кісі осы Қосағаш, Қоғалы көшелерінде жиналып, өзінің талай үәделерін айтып-айтып бәрін күшті, керемет қыламыз деп кетіп қалды. 3 жылдың алдында бізде жылтырағын асфальт болған, сол асфальтті қайтарып берсін. 0505 бала шаға бар, олардың барлығы мектепке бара алмайды.Батпақ болғанда бес еліғой, пакетпен барады». 

«28 күнен кейін мектеп басталады. Біздің мұңымыз балаларымыз ертең жаңбыр жауса, аяқтарына қайта-қайта етік алу керек болады. 3 жыл бойы көрген азабымыз осы. Жаңбыр жауғанша асфальт төсеп берсе дейміз. Жаңа Қазақстан дейді Жаңа Қазақстанды көріп тұрғаным жоқ». 

«Менің үйімде қазір 72-келген апам бар. Осы қысымен скорый шақырамын, скорый келмейді осыған. Мен келіп анау жерден күтіп аламын. Талай алып келіп, сүйтіп мінгізіп жібердік. Кірмейді ішке. Білмеймін біздің көшеміздің не жазығы барын соншама». 

АҚТОЛҚЫН ТҰРЛЫҒАЗЫ ТІЛШІ: «Міне біз Қосағаш көшесінде тұрмыз. Ойлы-шұңқыр жолдан мезі болған жұрт ықшам ауданындағы мәселе көп дейді. Екі күннің бірінде жарық өшсе, кәріз құбыры тартылмаған. Жаңбыр жауса батпаққа белуарада батып жүр». 

ЕГЕУБАЕВ АЙТМҰҚАШ ТҰРҒЫН: «30 жыл осында тұрамын. 30 жылда не конализация не суы жоқ, не сливі жоқ не жолы жоқ. Жолы қайда, асфальті қайда, әлі күнге сұраймыз, басқа жерден айттығой жаңа».«30 жыл бұрын флягпен су тасыған едік, енді соған келіп тұрмыз қайтадан.Артезиянаннан тасып отырмыз. Ана ағашты кесіп берсін. Көмекттесін қиуға. Неге десеңіз, құласа монша да ағаштар да кетеді. Көршінің үйі де кетеді».«Әкімдіктегі ағалар, біздің Ақжол көшесіне асфальт салып беріңіздерші. Жаңбыр жауса аяғымыз батпақ болады».

Қараша халықтың мұңын мұңдап Алатау ауданының әкімдігіне бардық. Жергілікті билік жолдың жырын жақсы білеміз деп отыр. 

САПА  ҚУАНЫШҰЛЫ АЛМАТЫ ҚАЛАСЫ АЛАТАУ АУДАНЫ ӘКІМДІГІНІҢ КОММУНАЛДЫҚ ШАРУАШЫЛЫҚ БӨЛІМІНІҢ БАС МАМАНЫ: «Қалалалық әкімшілік тарапынан энергерика және сумен жабдықтау басқармасының тапсырыс беру бойынша, мердігер компания Сапа құрлыс 2007 мекемесі қазір инженерлік желілері жобасы бойынша жұмыс істеп жатыр. Аталған жұмыс аяқталуға жақын қалып, қазір «Алматы су» мекемесіне баланысына беру жұмыстары жүргізіліп жатыр. Баланысқа берілгенен кейін, қалалық мобильді басқармасы тарапынан жолдың орташа жөндеу жұмыстары жасалады. Ағымдағы жылдың, қыркүйек, қазан айларына дейін кәріз, жол сұрақтарын шешу жоспарлануда». 

Атқамінерлер жол жөндемес бұрын кәріз жүйесі мен су қосылу керек дегенді алға тартты. Бізге берген жауабында, жыл соңына дейін кәріз желілері мен жол жөндеу жұмыстары шешілетініне уәде берді. 

https://www.youtube.com/embed/qBObBn6QFFY?si=HzCpriSet0F72D0P" 

Бұдан былай аз қамтылған, көпбалалы отбасыларға «Мектепке жол» акциясы аясында бөлінетін ақша сол баланың ата-анасының жеке шотына аударылады. Бірақ, талап – қажетті құрал-жабдықтарды сатып алғаннан кейін оны растайтын құжатпен есеп берілу керек. Әрбір білім алушыға киім, оқу құралдарын сатып алуға деп бөлінген қаражат сомасы 43 407 теңгені құрайды. Ал, материалдық көмекті алу үшін баланың ата-анасы мектеп директорының атына өтініш жазса болады. Бұл туралы бүгін орталық коммуникациялар қызметінде өткен брифингте Балалардың құқығын қорғау комитетінің төрағасы Насымжан Оспанова айтты.  

НАСЫМЖАН ОСПАНОВА БАЛАЛАРДЫҢ ҚҰҚЫҒЫН ҚОРҒАУ КОМИТЕТІНІҢ ТӨРАҒАСЫ: «Материалдық көмек киім кешек, мектеп формасығ аяқ киім оқу құралдарын сатып алу үшін бөлінеді. Осы мақсатта әкімдіктер 500 мың баланы мектепке даярлау үшін қаражатты бөлді. Соңғы үш жылда материалдық көмек көлемі 2,5 есе, яғни 17 мыңнан 43,5 мың теңгеге дейін өскенін атап өтті. Қазірге дейін 77,8 мыңнан астам баланың ата-анасы немесе заңды өкілінің есепшотына қаражат аударуды бастады».

Айта кетейік, бүгінде ата-аналардың шоттарына 3,4 млрд теңгеден астам қаражат аударылған, оның аясында 78 мыңға жуық бала қамтылады.  

https://www.youtube.com/embed/bACBJh8zk30?si=NhJUNttd7-d_IcOX" 

Тасқыннан зардап шеккен СҚО Ойқала шағын аудан тұрғындарына жаңа баспаналар беріліп жатыр. Күткен қуаныштарына қол жеткізген тұрғындардың тыныс тіршілігі жайлы дайындалған материалға кезек берсек.

Үйі су астында қалып, тұруға жарамсыз деп танылған Татьяна Геворкян 2 ай күтіп «Бірлік» шағын ауданында тұрғызылған баспананың біріне ие болған. Қуанышы қойнына сыймаған ол жақындарына қоныс тойын жасамақ ниетте. Алдымен үй ауласын гүлмен көмкеріп, жеміс ағаштарын отырғызбақ.  

ТАТЬЯНА ГЕВОРКЯН ПЕТРОПАВЛ ТҰРҒЫНЫ: «Петропавлда тасқын болып, үйім су астында қалған кезде мен Ресейде болдым. Жаңалықты БАҚ-тан, жақындарымнан біліп отырдым. Кейін 1 аптадан кейін елге келдім. Бізге таңдау берілген кезде,осы «Бірлік» ауданындағы жер үйді таңдадық. Жаңа үйіме жақын болсын деп емханаға да жұмысқа орналастым. Автобуспен барып келемін. Ең бастысы, ыңғайлы, өзіме ұнайды». 

Тұрғынның жаңа үйінің ауданы 80 шаршы метр, ескі үйінен шамамен 3 есеге үлкен. Татяьяна 100 АЕК көлеміндегі жәрдемақыға үйіне қажетті  жиһаздармен жабдықтап алған. Жаңа баспана қуанышты күндердің бастамасы боларына да сенімі мол.

ТАТЬЯНА ГЕВОРКЯН ПЕТРОПАВЛ ТҰРҒЫНЫ: «Мұнда барлығы керемет. Үйде керекті жиһаздың біразы бар. Газ плитасы, кір жуу машинасы, тоңазытқыш және үстел мен орындықтар бәрі дайын тұр. Бұл біз үшін үлкен көмек. жаңа үйіме бүгін алғаш рет түнеймін. Жаңа баспанада жаңа өмір басталып, қуаныштар көп болады деп ойлаймын. Мемлекет басшысына, әкімдікке көп рахмет. Құрылысшы жігіттер де жақсы жұмыс істеді. Оларға да шексіз алғысымды білдіремін».

700 баспана салынатын «Бірлік» шағын ауданында бүгінгі күні 200-ден астам үй пайдалануға берілді. 

https://www.youtube.com/embed/hUtv-Lhg6Yo?si=xslOd21PNEzAFy_8" 

https://www.youtube.com/embed/uLN8FYxzqyI?si=OzG--eU5ZBS2m3AT" 

Жаздың бітуіне аздаған күндер ғана қалды. Дей тұрғанмен, жағажай жанынан демалушылар қарасының әлі де азаймай тұрғанын көруге болады. Олардың көбісі — отбасылы адамдар. Сол себепті, жауаптылар балаларға ие болуды, ережелерді сақтауды, олардың қауіпсіздігін қатаң бақылауда ұстауды ескертеді.

ВАСИВ ГАСЫМОВ ДЕМАЛУШЫ: «Бізде бәрі жақсы. Біз жағажайға келгенде бала қауіпсіздігін басты назарда ұстаймыз. Мен көпбалалы әке болғандықтан, бірінші кезекте қауіпсіздіктеріне мен жауаптымын. Баланы қорғау біздің басты міндетіміз деп ойлаймын».

https://www.youtube.com/embed/-GhvXj6X8hg?si=_FoFjKe4ua19lpJI"

«Аялдамаға жеткенше аяқтан айырылуға шақпыз» деген Батыс қазақстандықтар БАҚ өкілдеріне уәждерін айтты.Сондай-ақ жарық мәселесі де жығылғанға жұдырық болған.

БҚО-ның Бәйтерек ауданына қарасты Мичурин ауылдық округінің тұрғындары қоғамдық көлік аялдамасының алыстығынан зардап шегіп,  қалалық тұрғын үй коммуналдық шаруашылығы бөліміне жүгінген. 

БАЛЖАН ИЛЬЯСОВА БҚО МИЧУРИН АУЫЛЫНЫҢ ТҰРҒЫНЫ:«Енді бір ай болды. Трубканы алмай тұр олар».

ТӨЛЕПҚАЛИ ӘУБӘКІРОВ БҚО МИЧУРИН АУЫЛЫНЫҢ ТҰРҒЫНЫ: «Біздер немерелерімізді, жиендерімізді мектепке тасимыз. Қиындықтар туындайды біздерде».

№39 маршруттың соңғы аялдамасының орналасқан жеріне де тұрғындар разы емес.

ХИСМАТ АХМЕТОВ: «Балаларға кедергі келтіреді. Балдар ойнайды».

Мичурин ауылдық округінің әкімі тұрғындарға не үшін өтінішті қанағаттандырмағанын түсіндіріп берді. Белгілі болғандай мәселенің барлығы қаражатқа келіп тіреліп тұр. 

МАКСИМ МУСАЛИМОВ БҚО МИЧУРИН АУЫЛДЫҚ ОКРУГІНІҢ ӘКІМІ:«Қазіргі таңда субсидия жоқ. Субсидия шешіп алса ұзартады маршрутты».

Жылуы мен жарығынан да келер мәселе көп. Тұрғындардың сөзінше, жел тұрса жарықтан, қар түссе жылу құрылғыларынан айырылатын көрінеді.

ТӨЛЕПҚАЛИ ӘУБӘКІРОВ БҚО МИЧУРИН АУЫЛЫНЫҢ ТҰРҒЫНЫ:«Біздер қыстай светтен қор боламыз. Оны қарап жатқан ешкім жоқ».

Мичурин ауылында көшедегі 128 істен шыққан жарық шам ауыстырылады. Ал, электр желілілеріне қатысты жобалар жасақталуда деп қайырды әкім Максим Мусалимов.

МАКСИМ МУСАЛИМОВ БҚО МИЧУРИН АУЫЛДЫҚ ОКРУГІНІҢ ӘКІМІ: «1-ші сентябрьге дейін біздер ондап береміз. Сол үшін шамдар жатып кетеді. Действительно бізде мичурин ішінде ол. Госэкспертиза жібереді уже»

Тіршілік көзі мен қоса тіршілік нәрінен де құр қаламыз кейде дейді тұрғындар. Бұл жерде орталықтандырылған су құбырлары өткізілмеген. Әр үй өздеріне құдық соқтырып, солай күн көруде. 

ТӨЛЕПҚАЛИ ӘУБӘКІРОВ БҚО МИЧУРИН АУЫЛЫНЫҢ ТҰРҒЫНЫ: «Көшіп келгенде су жоқ болды. Қор болып отырмыз судан».

Әкімдіктің сөзінше, су құбырларын қайта жаңғырту жобасы дайындалып, мемлекеттік сараптамадан өткізілген. Бірақ, теріс нәтиже алып, жұмыстар соңына дейін жеткізілмепті. 

АЛТАЙ МОЛДАҒАЛИЕВ БӘЙТЕРЕК АУДАНЫ ӘКІМІ АППАРАТЫ СӘУЛЕТ ЖӘНЕ ҚАЛА ҚҰРЫЛЫСЫ БӨЛІМІНІҢ БАСШЫСЫ: «Содан кейін қайтадан осы корректировка жасап, жоспарлап отыр» 

Әкімдіктегілер жобаны қайта жасақтамақ. Сәтін салса, бюджеттен қаражат қарастырылып, мәселе шешілмек. Бірақ, бұл ауылдың мәселесінің тек бір бөлігі. Бұдан бөлек жол, қоқыс сынды түрлі мәселелер таудай үйіліп тұрғаны тағы бар.

https://www.youtube.com/embed/BKwSP-6IDos?si=4-WYMzQuvRfb5nrV"

Қазір көкөніс пен жеміс-жидектер сататын дүкендер мен базарларда қарбыздың саудасы қызды. Бақша өнімінің бұл түрі сауда орындарында да толып тұр. Десе де қауын-қарбыздың жедел-ішек инфекциясының өршуіне себеп боларын ұмытпаған жөн. Жалпы, тұтынушылар қауын-қарбызды сатып аларда нені ескеруі керек? Бұл сауалдың жауабы келесі бейнематериалда.

Әр жазда халықтың басым бөлігі базар мен сауда орындарына қарбыздың шығуын асыға күтеді. Жаздың соңғы тамыз айы қарбыздың әбден пісіп-жетілген мерзімі болып есептеледі. Әсіресе, аптап ыстықта шөл басу үшін бұл бақша өнімнің пайдасы сөзсіз зор. Десе де, эпидемиологтардың айтуынша, көкөніс пен жеміс-жидектерден уланудың ішінде жазда ең көп таралғаны – қарбыздан улану. Оның екі негізгі себебі бар. Микробтық және микробтық емес. Бірінші жағдайда уланудың себебі жидектің қабығындағы немесе ішіндегі бактериялар мен қоздырғыштардан болады. Екіншісінде, жеміс өсіру кезінде қолданылатын нитраттар мен пестицидтер қауіп бар. 

КЕНЖЕГҮЛ ҚОНЫСБАЕВА АЛМАТЫ ҚАЛАЛЫҚ СЭБД БӨЛІМ БАСШЫСЫ: «Қарбызды сатып алған кезде, оны кеспеуге кеңес береміз. Себебі, сыртындағы лас заттар ішіне енуі мүмкін. Осы кезде улану қаупі жоғары болады. Тынайтқыштарды дұрыс қолданбау да нитраттардың жиналуына алып келеді. Қазақстанда қарбыз көбіне Алматы, Жамбыл, Қызылорда облысында өсіріледі. Оны өсіру кезде агротехникалық және қауіпсіздік нормаларын сақтауға байланысты».

Бақша дақылдарымен уланудың алғашқы белгілері оларды жегеннен кейін бірнеше сағаттан кейін пайда болуы мүмкін. Алдымен адамның жүрегі айниды.

КЕНЖЕГҮЛ ҚОНЫСБАЕВА АЛМАТЫ ҚАЛАЛЫҚ СЭБД БӨЛІМ БАСШЫСЫ: «Қарбыздан уланудың белгілері: Жүрек айну, құсу, диарея,әлсіздік және дене қызуы көтеріледі. Алғашқы белгілері пайда болған кезде міндетті түрде медициналық комекке жүгінген абзал. Дәргер келгенге дейін көп мөлшерде су ішіп, белсендірілген көмір қабылдауға болады. Қарбызды белгіленген орындардан сатып алу керек».

Айта кетейік, осы маусымда ерте көкөністер мен бақша дақылдарының нитраттарымен улану фактілері тіркелген жоқ. Алайда, Алматы қаласы бойынша қарбызды тұтынуға байланысты тағамдық токсикоинфекцияның 9 жағдай тіркелді. Оның негізгі себептерінің бірі жуылмаған қарбызды жеу, сондай-ақ кесілген қарбызды дұрыс сақтамағаннан болды.

https://www.youtube.com/embed/8EWJZ2Tf2Vg?si=q3rRSDnEqUiw14WS" 

Алматы көшелерінде көк түсті жол белгісі пайда болды. Енді ақылы автотұрақ көк түсті жолақпен белгіленеді. Жаңа жоба жүргізушілердің жайлылығы мен инфрақұрлымын жақсарту үшін жасалған. 

Көк түсті таңбаны бірі білсе енді бірі біле бермейді. Бүгінде бұл белгілер қаланың  Қабанбай батыр және Наурызбай батыр көшелерінде пайда болған. Мамандар көк белгі көлік жүргізушілер үшін ақылы тұрақ  аймағын тез айқындауға көмектеседі дейді.

ТАЛАНТ ТАЙАНОВ «АЛМАТЫ ПАРКИНГ» КМК ДИРЕКТОРЫНЫҢ ОРЫНБАСАРЫ:«Бізге былтырдан бастап көптеген арыз шағымдар келіп түсті. Мәселен «Біз автотұрақтың ақылы екенін білмедік, бір түспен белгілесеңіздер екен» деген секілді біраз арыз шағымдар келіп түскен еді. Біз соны ескере келе, Алматы қаласының әкімдігінің қаулысымен коммуналдық автотұрақтар көк түсті белгімен айқындалады.Ақылы автотұрақтарға қойғанан кейін, алғашқы 15 тегін болып саналады,15 минуттан кейін ақысын төлеу керек».

Ақылы тұрақты аңғармаған көлік жүргізушілері айыппұл арқалауға мәжбүр болған. Бұрын ақылы автотұрақтар тек 5, 10 және 20 сандары бар шеңбермен бейнеленген ақпараттық тақта түрінде көрсетілген еді. 

ТАЛАНТ ТАЙАНОВ «АЛМАТЫ ПАРКИНГ» КМК ДИРЕКТОРЫНЫҢ ОРЫНБАСАРЫ: «Жыл басынан бастап 0011 Автотұрақтарға ақы төлемегені үшін, әкімшілік құқықты бұзғаны үшін 40 мыңнан астам айыппұл салынған. Коммуналдық автотұрақтарға пайдаланып төленбеген жағдайда. Әкімшілік кодекс бойынша.597 бабы бойынша айыппұл көрсетілген. Ол 3 мерзімдік көрсеткіш, егер жылдың соңында қайталанса 5 айлықтық көрсеткіш болып саналады». 

Көк түсті жол белгісі жыл соңына дейін  ақылы автотұрақтардың барлығында пайда болмақ. 

https://www.youtube.com/embed/XSGH6uIwx4I?si=jcwbqoQovbgUdN5N" 

Конаевта № 7 бағыттағы автобустың ішінде отырған жолаушылар арасында жанжал туып, салдарынан біреуі екіншісіне пышақ сұғып алды. Аброй болғанда, мойын тұсынан пышақ жарақатын алған ер адамның өміріне қауіп төніп тұрған жоқ. Ал, кісі өлтіруге оқталған күдікті ұсталып, қамауға алынды.

ЕРНАР САЙДИЛДИН АЛМАТЫ ОБЛЫСЫ ПД БӨЛІМ БАСШЫСЫ: «Жедел-іздестіру шарасы барысында Қонаев полиция басқармасының қызметкерлері облыс орталығының 36 жастағы тұрғынын ұстады. Күдікті қоғамдық көлікте 41 жастағы ер адамға пышақ жарақатын салды. Адам өлтіруге оқталу дерегі бойынша қылмыстық іс тіркелді».

https://www.youtube.com/embed/SWKUPnN74n4?si=4SsSwu1lfRv5U4Ya" 

Алматы облысы, Еңбекшіқазақ ауданы, Көкпек ауылында Қазақстанның Қызыл кітабына енген 35 қап дәрілік өсімдіктерді жинаған 2 азамат ұсталды. Райымбек ауданы Сарыжаз ауылының 1994 және 2000 жылғы екі азаматтың көлігін тексеру барысында тәркіленген өсімдіктердің жалпы салмағы шамамен 1000 келі болғаны анықталды. Бұл әрекеттер қоршаған ортаны және сирек кездесетін өсімдіктер түрлерін қорғау туралы заңнаманы өрескел бұзу болып табылады.

ЕРНАР САЙДИЛДИН АЛМАТЫ ОБЛЫСЫ ПД БӨЛІМ БАСШЫСЫ «Сирек кездесетін және құрып кету қаупі төнген, сондай-ақ тыйым салынған өсімдік түрлерімен заңсыз айналысу бойынша қылмыстық іс қозғалды. Тәркіленген өсімдіктердің нақты құрамы мен жағдайын анықтау үшін сот-биологиялық сараптама тағайындалды. Қазіргі уақытта сотқа дейінгі тергеу амалдары жүргізілуде».

https://www.youtube.com/embed/DROeqrDo3hM?si=fBz0ORANUL5dCjqd" 

https://www.youtube.com/embed/dBQDpWGwgi0?si=dyP7ZBe3qmGCqUpy" 

Ватсап месенджерлерінде Алматы қаласындағы    Шаңырақ 1 және Шаңырақ 2 ықшам ауданынының ортасындағы сайда зорлық-зомбылық белгілері бар «5 жасар қыздың денесі табылды» деген ақапарат тарады. Жағдайдың мән-жайын арнамыздың тілшісі анықтап көрді. 

Бұл Алатау ауданынына қарасты халық тығыз орналасқан шағын аудан. Жергілікті тұрғындар арасында дүрбелеңге салынған ешкімді көрмедік. Ватсап месенджерлерінде аталған Шаңырақ 1 және Шаңырақ 2 ықшам ауданынының ортасындағы сайда қылымыстық әрекет жасалған жерге ұқсамайды. 

«Білмейсіңғой енді, құдай сақтасын. 5 жасар қызда несі бар.Нанға сүтке енді келеді көршілер. Ондай хабарды мен естімедім».

«Жоқ өзім кеше доғдырға қаралып келдім.Естімедім». 

Алматы қаласының полиция департаментінің баспасөз қызметіде ақпаратты растамады. 

САЛТАНАТ ӘЗІРБЕК АЛМАТЫ ҚАЛАСЫНЫҢ ПД РЕСМИ ӨКІЛІ

АҚТОЛҚЫН ТҰРЛЫҒАЗЫ ТІЛШІ