https://www.youtube.com/embed/8_CgjQr8G6Y?si=RGedbXzRXu5tBXP7" 

Грант немесе ақылы деп бөлінбейді. Бұдан былай барлық студент жатақханадан орын алуға құқылы. Елімізде 600 мыңнан астам студент бар десек, оның 23 800-і жатақханадан орын ала алмаған. Тапшылық 2029 жылға қарай шешіледі деп сендірді жауапты министрлік. Себебі, енді Республика бойынша жылына 10 мың орын салынып отырады.

Жатақхана - жылда жауыр болған проблема. Студент Университет жанындағы арзан студенттер үйіне тұрайын десе, орын тапшы. Ал, пәтер жалдайын десе, қалта көтермейді. Бұл проблеманы биыл жауапты министрлік хостел жалдау арқылы шештік деп отыр. Хостелдар пәтер жалдағаннан әлдеқайда арзан дейді.

АҚЕРКЕ АБЫЛАЙХАН ҚР ҒЖБМ БІЛІМ КОМИТЕТІ ТӨРАҒАСЫНЫҢ ОРЫНБАСАРЫ

«Көп атаналар осы хостел деген сөзді естігенде қорқып жатады. Оларды жекеменшік жатақханалар деп айтуға болады. Бірнеше университет студенттері бірігіп, осы хостелдерде тұрады. Хостелде жолдан келген жолаушы тоқтамауы керек. Жалпы қауіпсіздік, өрт қауіпсіздігінің сақталуы жекеменшік иесімен келісімшарт жасасқанда басты талап ретінде қойылды».

Барар жері болмаған студенттер немесе жатақханадан орын ала алмағандар ситуациялық дағдарыс орталықтарына хабарласса болады. Бүгінде барлық университеттер жанынан мұндай орталықтар ашылып, жұмыс істеп тұр.

АҚЕРКЕ АБЫЛАЙХАН ҚР ҒЖБМ БІЛІМ КОМИТЕТІ ТӨРАҒАСЫНЫҢ ОРЫНБАСАРЫ

«Әрбір университетте студент жастармен жұмыс жасайтын әлеуметтік және тәрбие жұмыстардағы проректор бар, жастар департаменттері бар. Хостелге баратын болса да бала, қызметкерлер бекітіліп, қалада қалай жүріп-тұру керек мәлімет беретін жауапты тұлғалар анықталу қажет».

Айтпақшы енді грантқа түсті ма, ақылы негізде оқи ма барлық студенттер жатақханамен қамтамасыз етілетін болады. Еш шектеу жоқ. Жаңа заң биылдан бастап күшіне енеді.

https://www.youtube.com/embed/Ro1DMwKYjnA?si=lD1uRmslUBRdVQnE" 

Биыл жыл басынан бері Қызылорда облысының аумағында конго крым гемморагиялық қызбасы мәселесімен 517 адам медициналық көмекке жүгініп, тиісті ем дом шарасын қабылдаған. Осы орайда сала мамандары аурудың алдын алу бағытында тиісті жұмыстарды қолға алып, дезинфекция жұмыстарын қарқынды түрде жүргізуде. Яғни өңірдегі 106 елді мекенді залалсыздандыру үшін бюджеттен 242 млн теңге бөлінді. Қызылорда облысы әкімінің орынбасарымен Конго-Қырым геморрагиялық қызбасы ауруының табиғи ошақтарында 2023 жылы күзгі эпидмаусымда жүргізілетін залалсыздандыру жұмыстарының кестесі бекітілді.

ЕРЛАН БЕЙСЕНБАЕВ ҚЫЗЫЛОРДА ОБЛЫСТЫҚ ЖҰМЫЛДЫРУ ЖӘНЕ ШҰҒЫЛ ЖҰМЫСТАР ОРТАЛЫҒЫНЫҢ БАСШЫСЫ

«Залалсыздандыру жұмыстарына бюджеттен 242 млн теңге бөлінді. Қазіргі таңда жеңімпаздар анықталды. Қала бойынша Дезифекция К мердігер мекемесі ұтып алды. Солбойынша жұмыстар жасалып жатыр. Бізде қолайсыз елді -мекен облыс бойынша 106 бар. 106 қолайсыз елді мекенде 2 кезеңмен жүргізіледі. Кенеге қарсы дәрілеу жұмыстары қазан айына дейін жалғасады.

https://www.youtube.com/embed/nMPCOk5sfYg?si=Jq3uNtiSIMbQpumQ"

Уәде неге орындалмаған? Орманшылардың жалақысына қатысты мәселе бүгін Парламент қабырғасында көтерілді. Депутат Нартай Аралбай өрт сөндіру станциясының сарбаздарына көк тиын да қосылмаған деп наразы. Одан бөлек, мәжілісмендер сапасы сын көтермейтін вагондар мен өте өзекті проблеманың бірі тұрғын үй мәселесін ашық көтерді. Парламент Мәжілісінен толығырақ тілші тарқатады.

Бұл Парламент Мәжілісінің жалпы отырысы. Демалысқа шығып, өңірлердегі халықпен кездесіп келген мәжілісмендер бүгін әдеттегіден де белсенді. Екі сағатқа жуық уақыт көлемінде халық үшін өзекті мәселелерді талқылап, елді мазалаған сұрақтарды депутаттық сауал ретінде жарыса жариялады. Әсіресе, оттан көйлек киіп жүрген жанкешті азаматтардың жанайқайы оларды ерекше алаңдатып отыр.

НАРТАЙ АРАЛБАЙҰЛЫ ҚР ПАРЛАМЕНТІ МӘЖІЛІСІНІҢ ДЕПУТАТЫ:

«Үлкен жұмысты кішкентай жалақыға атқаруға мәжбүр азаматтарды Үкімет қазынаның қаражытына жолатпауға барын салып жатқандай көрінеді. Сөзіме дәлел Абай облысында орман өрті болып ондаған азаматымыздан айрылған соң Экология министрі «орманшылардың жалақысы үстіміздегі жылдың 1 шілдесінен бастап өседі» деп ақпарат құралдарынан ақтарылып сөйледі. Күн сайын өмірлерін болмашы жалақы үшін бәйгеге тігіп жүрген мамандар қуанды. Бірақ қуаныштары ұзаққа бармады. Себебі, Үкімет бұл саладағы қызметкерлердің тең жартысын «ұмытып кеткен». Алматы облысындағы орманшыларда да осы жағдай. Қазіргі қымбатшылықта бұл ақша түкке де жетпейді. «Орманшылардың жалақысын өсіреміз» деген бастама айналып келгенде ұжымдарды екіге бөліп тастады. Біздің депутаттарға келген хатты Экология министріне жіберіп едім, сырғытпа жауап келді. Яки, «жалақысы өспеген мамандарға жергілікті бюджеттен қаржы қарастырылсын» деген. Бірақ жергілікті бюджетте аталған мақсатқа қаржы қаралмаған».

Ал, депутат Дәулет Мұқаев болса, жастарға тиімді баспана алуына жағдай жасау керектігін алға тартты. Кемі 10%-дық бастапқы жарнамен өздері тұрып жатқан баспанасын сатып алуға мүмкіндік беруді сұрады. Әйтпесе, талай мыңдаған жастың далада қалу қаупі бар.

ДӘУЛЕТ МҰҚАЕВ ҚР ПАРЛАМЕНТІ МӘЖІЛІСІНІҢ ДЕПУТАТЫ: «Шындыққа тура қарасақ, баспанаға қаржы жинаудан, қымбатшылық қыспаққа алып күнкөріс мәселелі алдыңғы орынға шықты. Бұл бір. Екіншіден, жастар саясаты туралы заңға енгізілген өзгерістерге сәйкес, жастар санаты 29 жастан 35 жасқа дейін өсті. Сәйкесінше, үй алған жастар бүгін де жастар санатынан шықпады. 5 жылда балалы болған жастар қаншама? Шеттей бала-шағамен қайда бармақ? Ал, елде жастарға арналған бірыңғай мемлекеттік баспана бағдарламасы жоқ».

Сондай-ақ, депутаттар әбден тозығы жеткен вагондардың өзіне билет алу мүмкін емес екендігін алға тартып, теміржол саласын сынады. Айтуларынша, бүгінде теміржол паркінінің жартысынан астамы тозған күйде. Ал, жауапты мекеме әлі де ол вагондарды жаңартпақ емес. Жоспар бойынша тек алдағы 7 жылда ғана жаңа вагон сатып алу міндеті тұр екен.

ЕЛНҰР БЕЙСЕНБАЕВ ҚР ПАРЛАМЕНТІ МӘЖІЛІСІНІҢ ДЕПУТАТЫ:

«2030 жылы қалған вагондар ескіріп, теміржол құрамы паркінің тозуы 55%-дан да асып кетпейтініне ешкім кепіл бола алмайды. Осындай кондиционері істемейтін, терезелері ашылмайтын, қабырғасында тарақандар жүретін, қазіргі уақытта тозығы жеткен вагондарға жаз мезгілінде билет сатып алу арман болды. Ал сәті түсіп билет тапқан бақытты жандарды вагон ішіндегі нағыз масқара күтіп тұрады. Жаз бойы халықтың жан айқайын әлеуметтік желіден әбден көрдік. Жыл сайын біз азаматтарымыздың ішкі туризмге деген қызығушылығының артып келе жатқанын көріп отырмыз».

Айта кетейік, бүгін төменгі палата депутаттары балалардың құқын қорғайтын заң жобасын жұмысқа алды. Бұл құжат Мемлекет басшысы Жолдауда айтқан кәмелетке толмағандарға қатысты жасалған зорлық-зомбылық бойынша жазаны күшейтуді көздейді.

https://www.youtube.com/embed/tVwCVYN0IAM?si=H0dK51kkd1fSTecp" 

Су болса,ну болады.Алматы облысына қарасты Балқаш ауданы Көкжиде ауылына көпшіліктің көптен күткен су арнасы іске қосылды. 40-жылдан бері құрғап кеткен канал, қайта қазылды. Ұзындығы 24 шақырымды құрайды.

Аудан орталығынан шамамен 68 шақырым жерде, алақандай ғана ауыл бар. ОлАқкөл ауылдық округіне қарасты Көкжиде елдімекені.Кеңес үкіметі тұсында шаруашылыққа қолайлы өлке болғандықтан жұртшылық осы жерде тіршілік жасап күн көрген.90-жылдардағы тоқырауда тоза бастады.Ауылдың ажары кетіп,жастар қалаға қарай ағылды.Десекте,туған жердің тұрмысын жақсартуға қол ұшын беріп жатқан жандар жоқ емес бар.Олардың бастамасымен ауқымды шаралар атқарылып жатыр.Бүгінде Көкжиде көші ілгері ауылдардың қатарына кірді.Халықтың игілігі үшін барлық инфрақұрылым көздері қарастырылған.

САБЫРЖАН НОҒАЙБАЕВ АҚСАҚАЛДАР АЛҚАСЫНЫҢ ТӨРАҒАСЫ:

40 жылға жуық жөндеу көрмеген жолдар жасалып,ауылдық ағайындардың еңсесі көтерілді.Жол бойында заманауи аялдамалар бой көтеруде. Жасыл-желек жаңартылып,жеміс ағаштары отырғызылған.Осының барлығына ауылдан шыққан нар тұлғалар арқау болып отыр.

БЕКЗАТ ОРЫНБАЕВ АҚКӨЛ АУЫЛДЫҚ ОКРУГІНІҢ ӘКІМІ:

Бірлік бар жерде, тірлік бар. Көкжиделіктер қуанып отырған тағы бір мәселе бар. Өздеріңіз көріп тұрған су арнасы қолына кетпен алып, арық қазған әкелердің маңдай терімен жасалған еді.Бірақ, көптеген жылдар өткен соң ауылға су келуін тоқтатқан.Өйткені құм басып,каналдың көзі бітелген. Ауылдық ағайындар әкімдіктен қаржы сұрап,тіршілік нәрінің қайта келуіне сұраныс жасаған.Канал қайта қазылып,сапалы жұмыс жүрді.Көпшілік көптен күткен су келді.

НЕСІПҚАЛИ БАЙЖІГІТОВ АУЫЛ ТҰРҒЫНЫ:

Ауыл арасынан ағып жатқан су, құрғақшылыққа тап болған көптеген елдімекендерді аралап,Іле өзеніне барып құяды.Су болса,ну болады.Тіршілік нәрін,ауыл азаматтары алдағы уақыттары егін шаруашылығына да қолданамыз деп білек сыбанып отыр.

https://www.youtube.com/embed/qzWqp_ZStlE?si=uymsBjDzaz2hWyb8" 

Сондай – ақ Қасым-Жомарт Тоқаев Сүлеймен Демирел атындағы университетке барды. Президент жоғары оқу орнының білім беру және ғылыми-зерттеу жұмыстарымен, сондай-ақ университетті одан әрі дамыту стратегиясымен танысты.

Университет ректоры Әлімжан Игенбаевтың айтуынша, мұнда 8500-ден астам студент оқиды. Олардың арасында Орталық Азия, Қытай, Ресей, Моңғолия, Индонезия секілді мемлекеттердің азаматтары бар. Сонымен қатар оқу ордасында 500-ге жуық профессор жұмыс істейді.

Мемлекет басшысына университетте қазақ тілі, Қазақстан тарихы, математика және IT салалары бойынша жобаларды жүзеге асыратын ғылыми-зерттеу институты мен орталықтар, ғылыми зертханалар жұмыс істейтіні туралы баяндалды. Бұдан бөлек, университет шетелдік 70 жоғары оқу орнымен байланыс орнатқан, сондай-ақ Erasmus бағдарламасына, академиялық ұтқырлық пен тәжірибе алмасуға қатысты басқа да жобаларға қатысады.

Қасым-Жомарт Тоқаев жас оқытушылармен, ғалымдармен, студенттермен әңгімелесу барысында білім беру жүйесіне озық әдістерді енгізу маңызды екенін ерекше атап өтті.

Инженерлік және жаратылыстану ғылымдары факультетінің студенттері Мемлекет басшысына «Формула Студент» инженерлік жарыс жобасы аясында өздері құрастырған автокөлікті көрсетті.

Мемлекет басшысы Қасым-Жомарт Тоқаев Сүлеймен Демирел атындағы университетке барған кезде Ангола азаматы, университеттің 4-курс студенті Ферейра Элиша Мемлекет басшысымен қазақ тілінде сөйлесті.

Мемлекет басшысы Алматы облысындағы Республикалық олимпиадалық даярлық базасына да ароалып көрді.

Туризм және спорт министрі Ермек Маржықпаевтың айтуынша,бүгінде атлетикалық манеж, мұз аренасын, көпфункционалды спорт залын, көркем және спорттық гимнастика залын, әкімшілік ғимараты мен қонақ үй салу жұмыстары аяқталды.

Сонымен қатар жүзу бассейнінің, жекпе-жек залының, спорттық атыс алаңының, трибуналары бар стадион мен садақ ататын орынның құрылысы аяқталып келеді.

Президент ТМД-дағы ең ірі спорт кешендерінің бірі саналатын инфрақұрылымды аралап көрді. Халықаралық стандарттарға сай бұл нысан 2300 спортшыға арналған.

Мемлекет басшысына аталған базаның бірегей ерекшелігі туралы айтылды:

Мұнда оқу-жаттығу сабақтарын, емдеу-сауықтыру шараларын, халықаралық және республикалық жарыстар өткізуге арналған 9 жабық спорт ғимараты орналасқан.

Бұдан бөлек, жеңіл және ауыр атлетика, волейбол, баскетбол, шағын футбол, шайбалы хоккей, коньки спорты, бокс, күрестің барлық түрлері, жекпе-жек өнері, су спортының түрлері, спорттық оқ ату, садақ ату секілді спорттың 23 түрі бойынша олимпиадалық резерв пен ұлттық құрама командаларын даярлау жоспарланып отыр.

Президентке атлетикалық манеж бен спортшыларға арналған қонақ үй көрсетілді. Қасым-Жомарт Тоқаев спортшылармен әңгімелесті. Президент бұқаралық және балалар мен жасөспірімдер спортын дамыту маңызды екенін атап өтті.

Кездесу соңында Мемлекет басшысы жас спортшыларға жаңа жеңістер тіледі.

https://www.youtube.com/embed/I7fiMkqLO6s?si=6bb9ypdVOQjDTyoY" 

Президент Қасым-Жомарт Тоқаев Алматы облысына жасаған іс сапары барысында Қонаев қаласының Бас жоспарымен танысты.

«Урбостиль» ЖШС директоры Любовь Нысанбаева Мемлекет басшысына облыс орталығының аумағы 2050 жылға қарай 19 мың гектарға ұлғайып, халық саны 200 мың адамға жетеді деген болжам жасалып отырғанын айтты.

Қаланы дамыту және жаңа мәдени-қоғамдық орталық салу үшін «Жаңа-Іле» алаңы таңдалып алынды. Онда әлеуметтік-тұрмыстық, мәдени, тұрғын үй, білім беру және рекреациялық нысандар салу көзделген.

Жүйе құраушы кластерлер мен кәсіпорындарда 20 мыңнан астам жұмыс орнын ашу жоспарланып отыр. Бұл 30 мыңнан астам адамды жұмыспен қамтитын көптеген шағын және орта бизнес субъектісінің құрылуына ықпал етеді.

Алматы облысының әкімі Марат Сұлтанғазиев Мемлекет басшысына қоғамдық жағажайды абаттандыру жобасын таныстырды.

Әкімнің айтуынша, бірегей жобаның – ұзындығы 1000 метр болатын су променадының құрылысы басталады. Оны алдағы уақытта 3000 метрге дейін жеткізу көзделген.

Кездесу барысында облыс басшысы өңірді цифрландыру мәселесіне ерекше назар аударды.

Президентке 67 әлеуметтік нысанды жоғары жылдамдықпен жұмыс істейтін интернетке қосу жобасының жүзеге асырылуы, сондай-ақ 5G жобасын одан әрі іске асыру үшін жалпы ұзындығы 104 шақырым талшықты-оптикалық байланыс желісінің төселуі жөнінде мәлімет берілді.

Қаладағы қоғамдық қауіпсіздікті үздіксіз мониторинг жасау мақсатында 412 бейнебақылау камерасы орнатылып жатыр. Алматы облысының мектептерінде қауіпсіздіктің интеграцияланған жүйесін құру аталған бастамалардың маңызды бөлігі саналады.

Жоба аясында облыстың 125 мектебіне Жедел басқару орталығына қосылған 4 мың камера орнатылады. Бұл платформа ықтимал қауіптерге қарсы жылдам әрекет етуге және қолайлы білім беру ортасын құруға мүмкіндік береді.

Мемлекет басшысы қызанақ пен көшет өсіруге маманданған «Lst Agro» ЖШС жылыжай кешенін аралап көрді.

Жылыжай кешенінің жалпы аумағы – 7 гектар. Онда жылына 3650 тонна қызанақ өсіріледі. Кешенге 5,2 миллиард теңге көлемінде инвестиция құйылған. Мемлекеттік қолдау шаралары «Даму» қоры арқылы көрсетіледі.

Президентке кәсіпорында тамшылатып суару, тұмандату және көмірқышқыл газын өндіру жүйелері жұмыс істейтіні туралы баяндалды.

Жылыжай кешеніндегі суару құралдарын, климаттық және энергетикалық жабдықтарды басқару жүйесі толығымен автоматтандырылған, сондай-ақ ол арнайы компьютерлік бағдарлама көмегімен жүзеге асырылады. Мұнда суды тазартудың заманауи технологиясы да енгізілген.

Қызанақ өсірудің озық голландтық әдісінің нәтижесінде компания өнім көлемін бірнеше есе ұлғайтып, сапасын жоғарылатуға қол жеткізді. Өнімнің басым бөлігі экспортталады.

Кешенді аралап көрген Мемлекет басшысы өндірілетін өнім түрлерімен танысып, жаңа жұмыс орындарын ашу және азық-түлік қауіпсіздігін сақтау үшін осындай инвестициялық жобаларды іске асыру маңызды екенін атап өтті.

Қасым-Жомарт Тоқаев ауыл шаруашылығы тауарлары мен құрылыс материалдарын өндірушілердің көрмесіне барды.

Көрмеге аграрлық сала бойынша ет, құс, сүт және балық өнімдерін өңдеу кәсіпорындарының, сондай-ақ шырын, сусын өндірушілердің, көкөніс және жеміс өңдеушілердің тауарлары қойылды.

Мемлекет басшысы шаруалармен әңгімелесу барысында өңірдің климаттық жағдайы мен мегаполиске жақын орналасуы бұл салаға инвесторлар тартуға зор мүмкіндік беретінін атап өтті.

Президенттің айтуынша, өңірде ерекше бағыт – түйе шаруашылығы қарқынды дамып келеді және аталған сала экспорт үшін зор әлеуетке ие.

Президентке отандық құрылыс материалдарының көптеген түрі көрсетілді.

Қазақстанда өнеркәсіптік және азаматтық нысандар құрылысының толық циклін қамтамасыз ететін тауарлар өндіріледі.

Атап айтқанда, көлденең желімделген ағаш, құрама темірбетон және бетон құрылғылары, автоклавты газоблоктар, талшықты цемент плиталары мен шыны мақта, құрғақ құрылыс қоспалары мен әрлеу материалдары, бояулар мен жабындылар, алюминий профильдері, панельдер, диодты шамдар, есік тұтқалары және басқа да өнімдер шығарылады.

Мемлекет басшысы құрылыс саласының жай-күйі туралы айта келе, аталған саланы экономиканы дамытудың қозғаушы күші ретінде атап өтті. Көрмеге 20-дан астам қазақстандық тауар өндірушілердің, соның ішінде «Шин-Лайн» ЖШС, Dinara Group агрохолдингі, «Дәулет-Бекет» ЖШС, «ПК Алтын Таға» ЖШС, «Фирма-Бент» ЖШС, «Кнауф Гипс Қапшағай» ЖШС және басқа да ірі компаниялардың өнімдері қойылды.

https://www.youtube.com/embed/5JQFo7mYYK4?si=nuQ89eTrJOW1jpGm" 

https://www.youtube.com/embed/_kBrgMgbGvU?si=ir9xbZ85gc0pCrwM" 

Аргентинада тангодан әлем чемпионаты өзінің 20 жылдығын атап өтті. Биыл оған 35 елден 650 жұп қатысуға келген.

Аргентиналық тангодан әлем чемпионатының басты жүлделері Буэнос-Айресттің қоржынында қалды. Танго номинациясында Аргентина астанасының атынан шыққан Джонни Карвахаль мен Суай Кирога жеңіс тұғырынан көрінді.

ДЖОННИ КАРВАХАЛЬ ТАНГО ЧЕМПИОНАТЫНЫҢ ЖЕҢІМПАЗЫ: «Мен бұл туралы көп жылдар бойы армандадым. Бұл деңгейге жету – шыңға жету деген сөз, бірақ әлі алда көп асулар бар. Бұл марапат жұмысымыздың жақсы орындалғанының дәлелі.

СУАИ КИРОГА ТАНГО ЧЕМПИОНАТЫНЫҢ ЖЕҢІМПАЗЫ: «Біз бар болғаны тоғыз ай ғана бірге дайындық жасадық, негізі мұндай нәтижеге 20-30 жыл билегеннен кейін ғана қол жеткізуге болады».

Сахналық танго номинациясында да Буэнос-Айрестен Джулиан Санчес пен Бруна Эстеллита бірінші орын алды.

ДЖУЛИАН САНЧЕС БІРІНШІ ОРЫН ИЕГЕРІ: «Бүгін бәрі жақсы өтті, біз бақыттымыз. Олар бізге жеңіске жеткенімізді айтқанда, сене алмадық».

Бұл күндері Аргентиналық тангодан әлем чемпионаты өзінің 20 жылдығын атап өтті. Биыл оған 35 елден 650 жұп қатысуға келген. Финалды 20 мың көрермен тамашалады.

https://www.youtube.com/embed/7gYQx0w05FU?si=-CvS5ZkUo4__NuCl" 

Фермер Клеантис Грекияның солтүстік-шығысындағы ауылда ешкі шаруашылығының көп бөлігін жоғалтты. Ол, өңірдегі екі аптадан астам уақыт бойы жалғасып келе жатқан орман өртінен зардап шегіп отыр.

Тілсіз жаумен күресуге жүздеген өрт сөндіруші мен қатар арнайы ұшақтар жұмылдырылған. Алайда Еврос аймағындағы жалынды сөндіру мүмкін болмай отыр. Бұл апат Еуропадағы жазғы маусымдағы ең қауіпті өрт болып танылды. Салдарынан кем дегенде 20 адам қаза тапты. Жалын шарпыны сондай-ақ Дадиа-Лефкими-Суфлион қорығында жүздеген үйді қиратып, қалың ормандарды өртеп жіберді.Клеантис өткен жылы орман өрті салдарынан қорасының жартысы өртеніп кеткенін айтады. Бірақ жануарлар аман қалған.

КЛЕАНТИС РАПТИС ФЕРМЕР: «Ештеңе қалмады. 35 жануар тірідей жанып кетті. Қалғандарын күйік шалған. Білмеймін олар аман қалады ма. Әрі қарай не істерімізді білмейміз».

Еуроодақ Грекияға қазірдің өзінде 12 ұшақ, 400 өрт сөндіруші және 60 көлік жіберді. 2000 жылдан бергі дала өрті туралы деректерді тіркей бастағаннан бастап Еуроодағындағы ең үлкен өрт болып саналды. Елдің солтүстік-шығысындағы 81 мың гектардан астам аумақты қызыл жалын шарпып өткен.

БАЛАЗ УЙВАРИ ЕУРОПАЛЫҚ КОМИССИЯНЫҢ ӨКІЛІ: «Еурокомиссия қазір Еуропадағы азаматтық қорғаныс механизмі арқылы әртүрлі фронттардағы көмек көрсету шараларын үйлестіруде. Әсіресе Грекиядағы Александруполисте біз бұрын-соңды болмаған ең үлкен орман өртімен бетпе-бет келіп отырмыз».

Грекиядағы жазғы орман өрттері жиі орын алғанымен, соңғы жылдары бұрын-соңды болмаған аптап ыстыққа байланысты тілсіз жаудың саны артқан.

https://www.youtube.com/embed/63pLxgKtOaQ?si=UVa7N2HSSgoP0zbK" 

Бүгін - Алаш қозғалысының қайраткері, ғалым, түркітанушы, қазақ тіл білімінің атасы Ахмет Байтұрсынұлының туған күні. Осыған орай Алматы қаласында Ахмет музей-үйінде «Ұлт ұстазының ұлықталуы» атты дөңгелек үстел өтті.

Іс-шара Ахмет Байтұрсынұлының ескерткішіне гүл шоғын қоюдан басталды. Жиналғандар алаш қозғалысының қайраткерінің рухына тағзым етіп, құран бағыштады. Сондай-ақ Ахмет музей-үйінде «Ұлт ұстазының ұлықталуы» атты дөңгелек үстел өтті. Оған зиялы қауым өкілдері, Ұлт ұстазының жақын туысы Амандық Шаймерденұлы, ҚР еңбек сіңірген қайраткері, актер Байғали Есенәлиев пен мектеп оқушылары қатысты.

АМАНДЫҚ ШӘЙМЕРДИНҰЛЫ АХМЕТ БАЙТҰРСЫНҰЛЫНЫҢ ТУЫСЫ « Ахмет аталарыңның әкесі Байтұрсын менің атам Ақтастың туған інісі. Өздері 5 ағайынды болған. 5-қыркүйек туған күні атамыздың. Ахаңның есімі баяғыда көп жыл бойы 51 жыл аталмады ғой. Қазір Құдайға шүкір, мінеки өзінің халқына оралды. Бұлда бір еңбегі, қаншама жылдар қиналған еңбегінің жемісін берді деп есептеймін».

«Ахмет – Ұлт ұстазы» фильмінде басты рөлді ойнаған Байғали Есенәлиевтың айтуынша, ғалым, түркітанушы, қазақ тіл білімінің атасы Ахмет Байтұрсынұлының образын сомдау мен–мен деген әрбір актердің арманы.

БАЙҒАЛИ ЕСЕНҒАЛИЕВ ҚР ЕҢБЕК СІҢІРГЕН ҚАЙРАТКЕРІ, АКТЕР « Ахмет Байтұрсынұлы деген ұлы тұлғаның рөлін сомдау – замандастарымның қай-қайсысының болсада арманы болғаны даусыз. Сол бақтың маған бұйырғанына тағдырыма ризамын. Енді, бұған дейінде қаншама рөлдер жасап жұрмін ғой. Олардың бәрі бір төбе болатын болса, Ахаңның образы мен үшін бөлек, орны бөлек өмірімде. Оның себебі, Ахаңның бойындағы парасат биігіндегі сабырды табу, оп-оңай болған жоқ. Көп дайындықтар болды. Ол рөлге 100-ге тарта актер бағын сынады. Бұл халықтың қаншама жылдар бойы Ахаңа деген еселеп артқан махаббаты, ыстық сағынышы, Ахаңның тағдырының алдындағы әрбір қазақтың жүрегіндегі жатқан өкініш. Сондықтан да соның бір қылын шерте алсақ, халық аңсаған Ахаңды халықтың, көрерменімізге силай алған болсақ, ең үлкен орындалған мақсатымыз сол».

Сондай-ақ шара барысында Ахмет Байтұрсынұлына арналған «Ғасыр саңлағы» атты кітап таныстырылды.

РАЙХАН ИМАХАНБЕТ АХМЕТТАНУШЫ, АХМЕТ МУЗЕЙ-ҮЙІНІҢ ДИРЕКТОРЫ: Әлбетте, ұлт ұстазы ұлықталуда оған нақты дәлел ретінде ол кісінің өміріне қатысты жазылып жатқан кітаптар. Мәселен, бүгін Ахмет Байтұрсынұлының горизонт және горизонт өркен баспасынан «Маса», «Қырық мысал», «Ерсайын», «23 жоқтау» жинағы шықты. Сонымен қатар, менің авторлығыммен «Асрин адамы» яғни «Ғасыр саңлағы» деген кітабымыздың тұсауы кесілді. Бұл «Ғасыр саңлағы» кітабының түркі тіліндегі нұсқасын шығарып берген біздің Түрік академиясы».

https://www.youtube.com/embed/47XOhWuXBng?si=DacGPL07xltkh4p7" 

Жетісу облысы, Ақсу ауданында 30 - ға жуық тарихи-мәдени ескерткіш табылды. Археологтар экспедиция кезінде Ақсу өзенін бойлап, тасқа бейнеленген 15 мыңнан астам петроглифті анықтаған. Олар қола дәуірнен бастап 20 ғасырға дейінгі аралықты қамтиды. Тақырыпты тілші тарқатады.

Ақсу өзенінің аңғары тарихи-мәдени ескеркіштер мен құнды жәдіргерге толы. Сергей Ярыгин мен Николай Ильдеряко есімді ғалымдар, екі жыл бойы ондаған ғасырға жуық тарихымыздың құпиясын зертеп келеді. Олар шатқалдан петроглифтер кешенінен бөлек, обалар мен көне тұрақтарды тапқан.

СЕРГЕЙ ЯРЫГИН Ә. МАРҒҰЛАН АТЫНДАҒЫ АРХЕОЛОГИЯ ИНСТИТУТЫНЫҢ ЖЕТЕКШІ ҒЫЛЫМИ ҚЫЗМЕТКЕРІ: Белгілер ерте темір дәуірі мен орта ғасырлардағы кзеңді қамтиды. Мына Тамға белгілі бір территориялық аумақты оның иесі бар екенін айғақтайды немесе рәсім өтетін жерге салынады. Мына жерде қатар тұрған 2 белгі одақтың құрылғанын немесе келісім жасалғанын білдіреді.

Тасқа қашалған бейнелерге мыңдаған жыл өтседе қынаның қырқуынан аман қалыпты. Ғалымдардың пайымдауынша, онда көбіне жануарлар бейнесі мен аң аулау барысы сипатталған. Әр қайсысы әр түрлі кезеңнен сыр шертеді.

НИКОЛАЙ ИЛЬДЕРЯКОВ Ә. МАРҒҰЛАН АТЫНДАҒЫ АРХЕОЛОГИЯ ИНСТИТУТЫНЫҢ ҒЫЛЫМИ ҚЫЗМЕТКЕРІ: Мына түйе қола дәуірінде салынған, Керуенді бейнелейді. Екіншісі ерте темір дәуіріне жатады. Ал үшіншісі орта ғасырларда қашалған. Үшеуі де бір бағыттағы көшті көрсетіп тұрғандай.

Мұндай тарихи-мәдени ескерткіштер ғалымдар үшін үлкен олжа. Олар петроглифтермен тамғаларды өлшеп суретке түсіріп жатыр. Болашақта бұл аймақты картаға енгізіп, ауқымды зерттеу жұмыстарын жүргізбекші.

https://www.youtube.com/embed/hCkuLHpPT0c?si=Ha_ZNaN9NXfXchrg" 

3 қыркүйекке қараған түні Алматының орталығында атыс болды. Оқиға әл-Фараби-Назарбаев көшелерінің қиылысындағы Sunset мейрамханасында түнгі сағат 00.30 шамасында орын алған.Куәгерлердің мәліметінше, бетперде киген 4 адам келіп, Макаров тапаншасынан оқ жаудырған. Салдарынан мейрамханаға келген екі адам зардап шекті. Оқ бірінің асқазанына, екіншісінің аяғына тиген. Қалалық денсаулық сақтау басқармасы орталық қалалық клиникалық ауруханаға екі науқас түскенін хабарлады.Дәрігерлер оның жағдайы қазір тұрақты екенін айтты.

ҒАЛЫМЖАН ПІРМАҒАМБЕТОВ ОРТАЛЫҚ ҚАЛАЛЫҚ КЛИНИКАЛЫҚ АУРУХАНАСЫ БАС ДӘРІГЕРІНІҢ ОРЫНБАСАРЫНЫҢ МІНДЕТІН АТҚАРУШЫ «Екеуі де бір жерден жеткізілді. Жағдайлары жеткізілген кезде біреуінікі ауыр жарақат болды. Ішіне оқ тиген және қолына оқ тиген. Бірден міндетті түрдегі операцияға жедел түрде берілді. Екі күн реанимацияда жатып отделенияға көшірілді. Жағдайы бірқалыпты. Екіншісі келген кезде орта жағдайда келді. Маңдай сүйегі сынған,балтырына оқ тиген. Бірден нейрохирургия бөліміне жатты. Операцияға қарсы арыз жазған. Бүгін келісімін берді,ертең отаға алынады. Екеуінің де өміріне қауіпті нәрселер жоқ. Жағдайлары бірқалыпты».

Қылмыс орнына қалалық полиция департаментінің бастығы Арыстанғани Заппаров бастаған жедел тергеу тобы барды.Бұл дерек Бостандық аудандық ішкі істер бөліміне тіркеліп, қылмысты ашуға бағытталған кешенді жедел тексеру, тергеу жұмыстары жүргізіліп жатыр. Күдіктілердің бірі қамауға алынды.